全裸對住紅館系列🫶🏼 我揀date的特別方法？ (Patreon)

圖片嚟緊就更新呢個系列好嘛？

身體形象嘅嘢真係好奇怪😮‍💨明明我依家係瘦過以前，但我硬係會覺得自己肥😂 不過，肥對我嚟講係中性至正面嘅形容詞，我並無因為覺得自己「肥」而影響心情或自我形象，只係平淡地覺得身體嘅shape 有待改善😮‍💨✨🤣

之前有patreon寶寶留言問我，玩dating app 點揀date？因為佢哋遇到嘅人多數都好kam、毫不有趣😅 其實我自己都唔係見過好多個人，亦唔係玩咗好耐（我諗加加埋埋3個禮拜左右😂），我認為每個人都係唔同嘅，要仔細觀察同用不同嘅方式溝通，如果感覺好難交流，其實大可以直接放棄/ghost，app而已，無咩好拖拉的。

我自己的話，有個幾快速+effective 嘅篩選方法，就係會堅持用英文同對方text 😂 因為我要確保對方同我嘅價值觀、睇嘅嘢唔差太遠😂

我本身係一個比較所謂鬼妹仔性格嘅人，學嘅嘢、睇嘅娛樂節目，都係用英文為主，亦會周圍去旅行睇多啲嘢。一個人如果英文溝通係kam嘅，佢好大機會世界觀、生活嘅態度同我差太遠。

例如我match 過個我覺得外表幾唔錯嘅，但佢唔知點解堅持用中文覆我，之後講到第5分鐘，就開始話我dating profile嘅相太少布（其實只係得一張相係bikini），又話我「肯定好多match」「好吸引男人」「啲男人排住隊約你」…咁樣諗嘢然後仲要講埋出嚟，同我嘅價值觀相差好遠，對我來講亦都好冇禮貌😂🥹😅 對我嚟講，點解我要對一個陌生人（或者任何人）解釋我係咪多人約，或者我某一張相嘅衣着？ 多人約，好似係我錯咁？同埋點解要講呢樣嘢，好似好冇自信咁？點解唔可以正正常常咁樣交流認識大家？佢話我太少布之後，我仲打圓場，話haha 我嗰日出海啊，之後佢仲要再補多句「真係着得太少了」…😅😅😅

相反，我同啲會不斷同我用英文順暢交流嘅人，佢哋個思想真係冇咁迂腐、自卑、多管閑事😂 所以一個香港人英文溝通能力好，其實係可以反映好多嘢🤣 所謂嘅溝通能力好，唔一定要係完全冇任何mistakes，而係你feel到佢係流暢嘅、表達清晰嘅，大概都有啲見識同受過下教育嘅，咁😂

當然，好多嘢係唔可以一竹篙打一船人，啲方法唔係set得咁死，亦唔係個個都啱用。不過如果要問嘅，用英文同人溝通，就係一個我覺得比較方便快捷嘅篩選方法🥳 大家有冇問題？仲有啲乜嘢想聽？我可以繼續講✨🤍