溝仔趣事: 第一次上我屋企就咁CLS (Patreon)

既然大家想聽多啲，我都多啲同大家分享下啲好嘅dating story🤭✨🫶🏼

如果同人約會約到上一方屋企，一般人都會諗咗某一個方向🤣 雖然我理論上係接受純SP/好快就試車，但如果個story係咁嘅，就無乜特別值得分享啦😆

今次我要分享嘅story主角係P先生，都係見過幾次咁啦，做過嘅活動有食飯、睇戲、行商場、按摩（非邪骨，非佢幫我or我幫佢按）😂 咁相處過一輪同埋認識多咗P先生之後，我知佢係對烹飪/飲食有興趣同執著嘅人嚟，例如次次食飯，佢安排嗰啲餐廳都一定係勁L正😂 所以有一日佢提議，話下次見面可以嚟我屋企煮一餐畀我食，為食+好奇嘅我就一口應承咗，不過其實我係有少許緊張嘅，因為我屋企d煮食器具都幾唔得、廚房唔大亦比較簡陋😂😂

約會當天下晝就到咗我屋企，將啲食材放入雪櫃先🤣 因為我家無乜外賣選擇，附近嘅餐廳多數戶外用餐而且有一段距離，天氣又熱又焗，所以我地唯有求其叫燒味飯外賣（雖然都好好食😂），然後就睇下netflix、傾計、同我啲會後空翻嘅貓玩下嗰啲啦🤣 唔知點解我次次見親佢都特別好胃口，食晒全個燒味飯之餘，仲要食埋成兜菜，之後睇戲又食成包薯片同爆谷，都未食dinner，基本上已經over咗全日嘅卡路里攝取量😂 但仲係好似覺得好肚餓😂

到差不多晚飯時間，佢就開始著手準備，我屋企嘅碗碟都有限，又唔係話好靚，佢勉強揀咗幾隻上得鏡嘅😂 原來佢仲有為咗個前菜，自備小碟仔🤭

經過一番嘅操作之後，大概用咗一個鐘，喺我協助（主要係計時😂）之下，就完成咗三道菜🥳

1. 海膽魚子醬杯

個底係好creamy嘅椰菜花蓉+海膽+魚子醬，佢仲好fancy咁特登買咗金箔做裝飾，然後為咗美觀，喺隻碟下面仲要擺一堆鹽✨ 三樣嘢好夾😜

2. 蕃茄龍蝦汁意大利粉

看似好簡單但係超好食🤭 佢有問我鍾意個麵軟or硬，我係鍾意硬嘅😆 佢揀呢隻麵出到嚟個效果好掛汁，係我喜歡嘅硬度，我食咗好多😂 龍蝦尾用竹籤插住煲咗6分鐘，臨上碟先至拆殼，再用少少鹽調味，啱啱好😆

3. 和牛扒配蘆筍

佢問我屋企有冇油，老實講我煮飯近乎唔落油嘅，因為我已經咁難得自己煮，平時多數喺出面食嘢嘅話已經好油膩，要我花一大堆功夫自己煮我梗係想盡量清淡健康，所以我屋企係得一支牛油果油😂 佢諗咗一陣之後就話都係唔使😂 然後直接用嗰塊牛扒嘅脂肪煎啲油出嚟😂 每邊煎幾分鐘，再放喺度唞氣，同步整其他嘢🤭 最後先切開擺上碟。除咗金箔，原來佢仲帶咗一啲食用花，最後階段放上個意粉同埋牛扒嗰啲配菜嗰度，即刻再靚左勁多😂

蠟燭係我本身有現成嘅😂 其中一款仲要係滴蠟用的😂🤭 我覺得如果一個人上嚟我屋企然後同我XXOO，呢個絕對係可預期（好似係）and冇乜特別，但係我都20幾歲啦，真係第一次有一個人可以整到咁有心機同埋有質素嘅一餐俾我食，同其他人唔係冇試過煮飯仔嘅，但多數都係比較求其，比較有心機嘅一兩次都係我整俾人（當然比起呢餐質素差勁遠）🤣

我同d朋友share呢件事，我覺得P先生嘅love language 應該係quality time 同act of service🥰 嗚，遇到佢都幾好呀，唔止service仲係quality service🥳 佢哋話：你終於可以嘆下😂 我嘅回應係：

我提供場地+陪伴+最後都有洗曬d碗，洗咗我20分鐘架（算快🥳）

我date嗰啲仔仔全部都知我有男朋友and 我嘅情況同boundaries，但佢哋都好認真咁對待我同呵護我，做好多嘢氹我，各有特色，令我開心🥰🤎 原來呢個世界咁多好人🥹🤎