溝仔趣事: 被逼在海旁抱起我😂 (Patreon)

之前大家都話有興趣聽我一啲正面嘅dating story，咁我就喺度分享俾大家聽吓🤣

故事中嘅主角G先生，我同佢出過街食飯幾次嘅☺️ 呢件事發生嗰晚我有事做，大概10:30左右先會面，之後我哋去咗海旁傾偈。

我哋行咗一段路，然後坐咗喺海邊嘅凳，傾咗都一段時間，環境係好昏暗，氣氛都幾好。我哋見過面幾次佢都冇乜嘢過分嘅動作，最多都係搭下我膊頭。咁當時我哋都傾緊一啲比較private嘅事，佢一路都係搭住我膊頭咁樣啦。

講到內心深處一啲比較沉重嘅嘢，突然之間，我眼尾見到身邊有啲黑影郁嚟郁去，黐線，原來係有曱甴！！！！佢即刻企咗起身，然後我仲坐緊，因為我本身除咗鞋，翹起咗隻腳，依家係冇着鞋唔適合即刻跳落地！！！隻曱甴喺我左邊出現，不斷行近我，所以我避向右邊，點知！！！！竟然右邊都有一兩隻！！！不斷快速爬來爬去！！！！我即刻花容失色，但由於都係唔適合落地，就企高咗喺張凳慌張緊😂 然後！竟然！！！仲有曱甴想爬上我隻腳！！受驚嘅我本能反應，係立刻飛撲咗去佢個身度，擒住咗佢😂 跟住佢一手抱起我穩如泰山😂所有事情係發展得好快！而佢就咁抱住我，然後攬住咗好耐😂

我之前應該都提過，我好鍾意男仔抱我嘅，當年vl溝我，都有當眾無啦啦公主抱我😂😂 海旁嗰日我咁樣突然衝埋去，G先生都即刻反應敏捷抱起我，仲要好輕鬆、個馬步咁穩，之後仲要毫不費力地抱左我好耐，對於我來講都係好加分嘅😂

仲有一個後話，我之後想着返對鞋，當時我係落返地，仲攬住佢，因為我冇着鞋，費事直接踩落地下，所以我係踩住佢對鞋，咁樣去着返我對鞋…點知一着入去，啱啱卡實咗隻腳嘅時候，就feel到鞋入面都有曱甴…我仲要係冇着襪嘅…我好狼狽咁樣除返隻鞋，之後交咗隻鞋比佢，叫佢幫我dun下…我都真係受咗一啲打擊😂

之後我哋換咗個位再繼續傾偈，我有讚佢接得我好穩好輕鬆，佢話：可能係因為我重你兩倍😂 其實冇，雖然佢係少少大隻嘅，但我諗佢最多90kg😂 我呢排到50左右啦😂 所以係冇一倍😂 之後佢話要唔要試多次，我本身有啲猶豫嘅，因為無啦啦案件重演好似有啲尷尬😂😂 但最後出於覺得幾好玩，我真係有再跳上去俾佢咁樣抱😂 不過今次個位置有少少唔同，唔小心攞個胸對住左佢塊面然後由上而下咁樣望佢，以呢個姿勢同佢傾咗一陣計😂😂 同埋佢今次隻手擺咗喺我pat pat個位，都應該只係咁啱接着我嘅時候用咗呢個姿勢，然後我條褲又比較短，所以我諗佢都有少許尷尬之類😂😂 個樣好似有啲難為情，唔知點解我見到咁樣又覺得幾好笑幾好玩😂😂

呢個就係我同G先生唯一比較親密嘅接觸😂算唔算甜蜜得來好觸目驚心😂？