避孕藥後遺症？性病報告公開🥹 (Patreon)

話說之前我都喺度提過，自己因為尿道炎順便走咗去做陰道細菌、性病檢查，結果都有同大家分享。

食咗一個禮拜抗生素之後，基本上症狀已經好返9成，但係過咗一星期，我又隱約覺得有少許不適，複診咗一次再食多三日藥，再過多一個禮拜仍然冇乜改善，又唔係話好似之前尿道炎咁唔舒服，唔係對生活造成好大困擾，但硬係覺得陰啲陰啲有啲唔舒服😖

於是我又再去做化驗，發現之前有嘅細菌同埋病毒基本上已經全部死晒，但係仲有一隻死唔斷氣！！！

醫生話，呢隻菌係陰道入面本身有嘅菌，但係當身體本身出現啲問題，擾亂咗陰道細菌嘅平衡，呢隻菌就會發出嚟。醫生知道我有食避孕藥（之前都有喺度寫文分享過，大家可以拉返落去睇），特別提醒，話食避孕藥係會嚴重影響陰道嘅荷爾蒙平衡，特別係會導致念珠菌同埋呢隻細菌嘅感染容易😭😭😭😭

我有問醫生：我食藥都食咗年幾，之前都唔見有事嘅？醫生話，呢啲失衡嘅問題係日積月累，頭幾個月、頭一年冇事，唔代表之後冇事…

唉，等我仲覺得食避孕藥咁好，可以控制幾時嚟M等等🥹 不過我都覺得避孕藥只係其中一個因素，我之前精神狀態不好、焦慮問題嚴重，加上尿道炎、covid各樣嘢，都有影響自身嘅免疫力！所以我而家要好好地醫好殘存嘅細菌，之後再慢慢調理好身體😚💓

大家如果有啲乜嘢避孕藥相關嘅問題想問我或者討論，都歡迎留言啊💓