靚仔又溫柔？讀者們的AV資源推薦！ (Patreon)

尋日我喺IG問各位讀者，有啲乜嘢道德嘅AV資源推薦呢？然後我就得到以下嘅答案啦，我有自己去求證嘅，部份的確好似幾好睇，我日後慢慢研究再同大家喺度分享🤤💗

對於部份人來講，佢哋可能覺得裸露、暴露、性、有性癖好就係「不道德」。所以覺得任何同性有關嘅嘢，包括AV、性工作等等都係錯嘅、壞嘅、「不道德」嘅。

但我就覺得， 性係人嘅本能，並無道德或者不道德。只要大家神智清醒、你情我願、冇偷冇搶，就係道德嘅，而社會都唔應該批判我哋嘅個人選擇。所以，做雞係道德嘅，但逼人做雞係唔道德；拍淫片係道德嘅，但流出人哋嘅片係唔道德嘅。

用文化風氣、制度、宗教等等去控制住「性」嘅資源，只係有權嘅人打壓冇權嘅人嘅手段。譬如父權社會下，男性越多女就係越強，女性越多仔就係越賤，咁樣個社會就可以控制婦女嘅性，令佢哋可以更加容易服從文化同埋制度，乖乖匿埋喺屋企事奉家庭，繼續幫助喺高位男性去實踐自我，為既得利益者提供免費勞力 ，令佢哋嘅利益不斷滾雪球。又例如資本主義主導嘅社會，有錢人可以開群P、係私人會所為所欲為，但係窮人、普通打工階層，就淫亂少少都會被批鬥，亦都冇地方去淫亂... 窮人為咗獲得「性資源」，就要不斷為有錢人賣命去工作，不斷循環，又係鞏固有錢人嘅利益。

我覺得係追求自由嘅社會，大家應該要有權去選擇自己想過嘅生活方式，（當然都要承擔相應嘅責任），而唔係比外力去壓抑着自己，所以我先成日喺度討論唔同嘅性別議題，希望大家可以諗多啲💗

唔講太多，以下係讀者們嘅推介，enjoy！