⚠️填滿了！嚇死😂 (Patreon)

新屋裝修得如火如荼，前幾日部份傢俱送到了，職員send咗片俾我睇，大家睇下截圖：

嚇死我了😂 傢俱多到填滿了整個客廳😂 其實呢度入面應該有全屋嘅櫃、地台、床等等，但仲未有梳化、床褥、檯凳嗰啲😂 不過都已經咁誇😆 但都合理嘅（我估）😆

近日嘅狀態就係，都幾空虛🥺 之前成日去探嘅朋友終於判刑了，3年幾。唔再係還押人士，而係在囚人士，代表無咁多探嘅quota，一個月只能探四次，要留俾佢未婚妻+ 親人，姐係我同其他朋友如無意外，黎緊都無得去探了。

好人一生平安，呢句嘢都唔知點黎。我呢位朋友人真係好好，會煮飯俾朋友食、會照顧人、好溫柔。

唉，身邊仲有幾個close 嘅朋友黎緊都要應該要坐，我自己就唔知幾時會出事...所以一講政治，我都無乜心機了。睇到啲無事嘅人/KOL喺度拗來拗去，移民定流亡，坐監係咪有光環乜乜物物，甚至只係9up講人是非，就覺得好L可笑...😅 究竟要過得幾舒服、安全、事不關己，先至仲可以執著呢啲是是非非？

我宜家係連政治相關嘅新聞都唔太想理，淨係想講性別嘢、講啲輕鬆嘢，甚至想摺埋乜都唔理算。呢排成日講啲無謂野、又成日睇AV，都係因為唔想去處理/面對真正令人沮喪嘅事..

唉 希望大家都安好吧。