【附圖】帶出去扑嘢幾錢？第一次光顧男模店✨ 好幸福但差點報警😂💕 Ep.2 (Patreon)

請務必先讀第一篇👉🏻 按此看EP.1

上回提到，我哋喺男模店玩咗四個鐘，由於姊妹已經慾火焚身，佢點嘅男模（下稱奶狗）又好受落，於是佢決定「框」佢出去扑嘢😂 而我呢，由於都唔想蝕底，所以決定都框！雖然我係想試叫鴨，肉體上亦唔係唔想做，但內心其實好多掙扎、疑問，唔係真係太ready😂

附上姐妹與奶狗的圖片（已取consent😂🙏🏻）

決定咗框出去之後，男模們就即刻出咗去準備。佢哋頭也不回出去準備自己嘅嗰種瀟灑，令我覺得，嗯，今次真是物化男性😂🙏🏻 不過呢個唔關事😂 過咗一陣，賬單就送到我地檯前。

…..？

折合港幣每人$7000？Wait條數點樣計出嚟㗎？點解計我地45「節」咁多？點解同啱啱服務員講嘅有啲差距？咁樣如果出到去，會唔會再被屈錢？

條數又唔可以話好貴，但超出咗我地預算，而且感覺有啲俾人屈錢。本身同服務員溝通嗰時，都出現咗一啲混亂，首先佢哋講嘢好快，然後本身話包到男模收工就得，但個收工時間又改來改去，一時又話只係去到六點，一時又話一定要俾夠某個時數，一時又問我哋要唔要包到早上九點，等男摸之後不用回來上班😅另外，我哋帶唔夠現金，如果碌卡嘅話又要比多 $1000幾港幣手續費，wtf😂

我見慾火焚身嘅姊妹好似秒下頭😂 講真見到條數，我個人就覺得人一世物一世，試一次冇所謂，尤其是我見到姊妹本身真係好想出去，大家一齊開心！😂 但係！姊妹呢個時候竟然成個樣都係後悔，而且超級唔好意思咁樣問我，下，係唔係真係咁樣都要出去。

本身內向，連同我點嘅男模（下稱CF）對視都唔太敢、又唔敢問人能否做愛嘅我，一講到錢同埋要保護別人，即刻換咗個人格😂 事後回想真係覺得dllm這姊妹沒用😂 又係佢本身想框出去，搞事就識，屎就我執😂

外向嘅姊妹話而家都唔想出去，但佢唔識點處理，開唔到口講😂 於是我同佢講，唔使驚，我好有信心可以處理好件事😂

之後我哋就同服務員、agent來來回回數輪，agent仲話要報警處理。

期間我哋一直都好有禮貌，然後話我哋比較confused帶出去嘅計算方法，溝通上出錯。講真，張賬單一嚟到， 我哋先知道個價錢同埋算法，然後1分鐘之內已經話想取消，沒有拖延時間。但服務員就話框咗男模之後，系統無論如何係不能取消，呢個說法我覺得好牽強。我哋好聲好氣咁話，我哋第一次嚟，言語溝通又有啲障礙不太暢順，可能產生誤會，賬單一嚟到先知條數，已經立即要求取消。系統都係人為，真係不能取消的話，咁撳錯掣點算？😂 不好意思，我唔信係冇得取消的😂

我仲表示，如果佢哋想報警，都可以隨便報，我哋唔介意😂 反正警察嚟到我哋可以好好咁講清楚件事，其實仲好😂 已經消費咗嘅環節，同埋而家我哋因為呢件事用多咗嘅時間，我哋都絕對願意俾返😂 ps，我呢啲監躉近親就係咁霸氣😂👍🏻 警察呢樣嘢係嚇我唔到嘅，加上我哋又唔係冇道理😗

拉鋸左大概20分鐘，當我話報警都無所謂嘅時候，突然之間一個服務員就衝入嚟，連同賬單，叫我哋只需俾返喺度消費咗嘅錢就可以了😂 態度仲要非常之好，大家都你推我讓係咁，不斷不好意思同埋道歉😂🙏🏻

最後仲搞笑，我哋本身唔知道碌卡要咁貴手續費，唔係好帶得夠現金，倒晒所有錢出嚟，仲爭$200台幣😂 個服務員話不如佢俾咗算了😂 我哋話唔得，然後我俾咗$50港幣😂

最後埋單每人港幣 $2000左右😇

雖然嗰晚咁就完咗（未完，務必繼續睇落去😂），但講真，使少幾千蚊，又唔使再夜d瞓（老人家很累），又少啲枝節，又唔使處理我嗰一大堆道德掙扎、冇面目開口問男模嘅問題，我覺得直頭好過出咗去同佢扑嘢😂😂

返到去酒店之後，我仲同姊妹一齊沖涼浸浴（？😂）玉帛相見嘅時候討論呢件事😂

峰迴路轉嘅情節出現咗啦！

傾吓傾吓，睇返張單…原來港幣$7000…係我地一時心急，忘記咗除二…即係話我哋計錯咗數，每人只需要$3400😂 條數本來根本就符合我哋預算😂

原本的賬單：

講緊已經同男模玩咗4個鐘，計埋男模會館其他雜費、酒錢，仲要帶埋出去扑嘢…$3400就真係好抵喎😀😅😂 我哋當時如果計啱數，絕對就會俾咗😂

發現呢件事之後，心裏面都有少少覺得蠢咗，但又冇話後悔😂 始終我覺得處理呢件事嘅過程我（不包括姊妹😂🙏🏻）做得唔錯，而且又真係洗少咗錢，枝節少咗，仲可以早啲瞓😂 瞓覺對我嚟講真係好重要😂🙏🏻

雖然出現問題，但係同男模會館嘅溝通都唔係不愉快，所以我哋之後有再去一次😂 下次我哋一定要計好條數，同埋選另外一d男摸！唔係話呢個唔好，只係想試多啲嘢！

但，第二次嘅經歷真係不似預期…遲啲再講，俾大家睇吓我哋當晚返到酒店之後，男模主動同我message嘅內容：

佢話佢鍾意睇我show俾佢睇嘅嗰啲性感照😆💕 但老實講，我都係沒辦法說服自己真心相信😂

下回待續…😂