【附圖食評】男模會館🥵四日去了兩次✨竟然有截然不同體驗？💕19歲小弟弟被阿姨要求french kiss？🐶 男朋友睇高清圖後反應？ EP.3 (Patreon)

睇呢篇之前，請務必閱讀 👉🏻EP.1 👉🏻EP.2

去過第一次之後，總算係搞清楚男模會館嘅大概運作同收費，雖然最後有少少拗撬，但起碼沒有不歡而散🙇🏻‍♀️ 而且同男模相處都係幸福的☺️

隔咗一日，姊妹又話想去😅 本身諗住去第二間，但輾轉之下最後都係決定去返熟悉嘅呢一間，btw好似冇同大家講過地址：

如果大家去佢哋個page，睇到啲男模嘅圖，唔難發現都P到有少少鬼五馬六😂 老實講睇圖就唔多like，但現實又OK個喎☺️ 朋友提醒，話其實重P都係保護男模嘅機制之一，又有道理喎😌

第一次我哋係星期六晚11點左右到，第二次係星期一晚，由於我哋第二日要起程回港，加上諗住限住預算，就諗住早啲去早啲返，大概10點就到咗。

第一次去係坐低一陣，就有一批批每次5/6個男模入嚟排排企俾我哋選擇。但第二次可能因為星期一+時間尚早，帶檯職員只係每次安排到1-2個男模入嚟俾我哋揀，仲要口味同埋質素都冇咁中我心水嘅😓

喺度坐咗半個鐘，我哋都未揀到心水，搞到帶檯職員特登入嚟同我哋講：一直都選不到男模，會視作由一坐低就點了男模咁樣計鐘😅 又學到嘢，又有新規矩😂 雖然覺得呢條rule係合理，我哋亦都唔係唔想揀到男模，但覺得可以早少少講😂😂😂

後尾我哋先知，原來大部份嘅男模最早都11點先返工，而最活躍嘅時間係2am，真係夜繽紛😅 所以奉勸大家，最好真係11:30左右先好去！而且星期五六會特別多男模上班！

去到10:40左右，我都未揀到一個啱嘅😅 但公道啲講，雖然入咗嚟好多轉，但每次只係1-2個男模，我只係睇咗6/7個，which係等於第一次嚟嘅一批數量😅 所以出問題的不是我！

呢個時候我姊妹已經揀咗一個小弟弟😂 CLS得19歲的😂 佢都差唔多老人10年仲好意思揀😂 不過唔緊要，佢就係呢個口味的！我地就是來尋開心的！☺️

而姊妹真人實證，我真係成個人都扁晒咀冇晒精神，因為完全揀唔落😓 以致我忍唔住ig dm咗我第一日點嘅男模：

喺出發之前，我仲話：今次一定要揀過另一個！

點知，由於我被拖延咗40分鐘，都仲未有一個啱的，呢個message send咗出去之後10分鐘，第一日點嘅男模 （CF）就入咗嚟我哋間房，由於太過desperate我即刻大叫佢嘅名字，展開雙手歡迎佢進入我嘅懷抱😆💗😆💗😆 個職員一睇就知我等緊佢，心諗今次終於搞得掂我😂 但搞笑嘅係， CF坐低咗一陣，又有另一個入嚟俾我哋揀，而今次呢個我都係啱口味嘅，但我一個都夠了😂

今次我哋醒目，好早就同咗agent溝通，表示今日我哋想淨係玩1.5hr，以便好好控制時間同埋金錢😂

而去到店入面，我哋都有再同職員溝通，於是時間差唔多到佢哋就攞咗張單入嚟😆今次只係需要比台幣8500😆 其實喺度玩得越耐，係越抵嘅，因為點都會有一大堆基本費用，玩幾多個鐘都係咁多😂

同大家簡短講吓當日嘅交流，姊妹都係有同佢嗰件小弟弟有啲性張力french kiss，我就同CF挨下攬吓，同埋好似蜻蜓點水式錫咗一啖，好似係佢主動😂 另外，我挨住佢嘅時候，佢有望住我心口話而家風景好好睇，我都好開心，於是我都有引誘佢摸我個胸😆 我同佢講話我有鍛鍊，好多係胸肌來，叫佢感受吓🥵 然後佢超級猶豫又小心翼翼咁樣輕輕篤咗幾下🙂‍↕️ 我見佢咁怕羞又揸住佢隻手篤😆其實都講到咁，我覺得佢如果係想氹我嘅話可以做得盡啲囉😪 佢摸吓我我哋入吓戲，我都開心㗎嘛🙂‍↕️ 不過我今次有進步㗎啦，算係主動咗好多，但我諗佢作為服務業都有啲顧慮嘅，都會驚我唔鍾意之類？以下係離開咗之後嘅IG對話：

另外都有講到一啲話題，例如小弟弟原來啱啱先彈人鐘，原因係隔籬房有一個50歲阿姨要求佢french kiss 又摸來摸去，所以佢決定離場😅 姊妹後尾話，其實做呢行佢可以更有技巧地拒絕，圓滑少少，會搵得多啲🫡 我雖然認同但又覺得都係各人取替啫😶‍🌫️ 我同CF都有再進一步（口頭）性交流，我有問佢，如果啲客框你出去性行為，你唔會覺得工作量加重、被佔便宜嗎？跟住佢好認真咁答，如果唔鍾意其實佢可以拒絕，然後如果女生都很正的話，沒有什麼吃虧不吃虧的😂✨ 之後佢再加多句：你是有什麼想法嗎？

cls我連佢問到咁，我都只係答：「也不是沒有。」之後就好L害羞咁挨返落佢個心口度，唉，我真係廢😂 不過點解佢又唔再問多兩句呢！其實佢都廢！😂 另外佢哋又話，嗰日全場只係得5組客人，除咗我哋全部都係阿姨，然後全部男模都想我哋揀😂👍🏻💕 有時佢哋都遇到好多tricky嘅情況，包括有啲擺明好醜樣嘅客人，要逼佢哋讚佢哋靚😂 呢啲時候就要靠佢哋嘅社交技巧應對啦😆

不過今次再溝通多咗，都發現男公關呢份工自主性比我想像中大啲，至少喺我呢啲咁弱雞、respect到爆嘅客人面前一定好L自主😂 就算遇到麻煩客人，佢哋都有退場機制，而且始終係男人，單單體格上已經冇咁怕被威脅。對比之下如果係我做公關，153cm嘅我如果遇到比較粗暴嘅客人真係會難啲反抗😓

另外我都有反省自己嘅擇偶條件。我咁respect 男模除咗因為我有修養、尊重consent，另外有個好重要嘅因素，就係我只會被嗰啲極度被我吸引嘅人所吸引😂 即係講緊要對我極主動、對我表示極有興趣、從四方八面咁樣展現喜歡我，我先會對對方有大興趣😂

離場嘅時候，出面堆滿男模排排企，包括我哋啱啱點完的都加入返隊伍。我哋一離開，全部男模即刻目不轉睛望住我哋，好似我哋先係做女公關咁🫢😂 我同姊妹為咗確認一下自己係咪真係咁吸引（😂），已經喺地庫上到地面，特登扮漏咗嘢再行落去一次，然後啲男模都係統一目光不斷凝視我哋😂

其實去呢啲地方除咗想要陪伴，有啲人某程度上都係想覺得自己吸引🤭 其實俾好多靚仔同時望住/desire都會開心的😆💕✨

前幾日去探監，我印咗以下呢張相俾男朋友睇：

劉話男模（187cm）太高啦😅 我話邊係，你矮姐（178cm）😂😂 跟住佢話男模無咩特別，我話，下，影相唔覺啦可能，但真人好靚仔💗 跟住佢即刻話「我靚仔啲」😶‍🌫️

我……個樣扭曲到不行…….物理上揞住良心咁講「…..OK.…喺我心目中係…………」講大話真係辛苦😂 跟住佢教我，其實約人開房係唔需要講（國語）「你想跟我性行為嗎」呢啲咁奇怪嘅語言，其實可以問「可以跟我回酒店嗎」😀

我先恍然大悟可以咁樣問😂👍🏻 果然30歲人嘅經驗就係豐富🥵 不過我下次已經打算寫定一張卡「你可以跟我性行為嗎」🫵🏻 直接好似啲假聾啞人士咁樣遞比啲男模睇，就唔使尷尷尬尬又唔識開口💕