【食評附圖】第一次光顧男模店💕 觸得到的幸福🥹攻略！收費！經歷！感受！全披露☺️ 我強迫他……？EP.1🤭 (Patreon)

正所謂男友不管，男模會館😏 今次來台北終於光顧了男模店，成就解鎖🥳 四日行程去咗兩次😂 仲差啲搞到報警😂 實在係大滿足🥹 真係要好好喺呢度紀錄+同大家分享😭🤍

我係同另一女生一齊去，喺卡拉ok包廂裡面每人點一位男模。事前，我已經喺line聯絡好agent，諮詢價格、睇一堆男模相，臨到店前再通知agent😃 至於點解會搵到呢間店同接頭人，其實都係自己上網撳吓撳吓😂

以下係agent傳來嘅基本消費指南，台幣結算：

包廂：1000$

少爺小費：1000$

帶檯小費：1000$

人頭：300$-不限男女

麥克風套：100$

至少叫一組啤酒：240$

男模：1節十分鐘260$ 1Hr 1560$

（男模入座最少需滿3節 即半小時）

營業時間：8pm-12nn

雖然見到呢啲基本介紹，但因為冇經驗，所以其實都冇咩概念，係膽粗粗過去😂 第一次去係星期六，入座時間大概係11pm。當時入咗去包廂唔使5分鐘，帶檯服務員就叫咗6條仔入嚟，喺電視面前企定定俾我哋揀，我一秒就相中咗一位，原因係佢實在太中我嘅條件🥹💕 高、靚仔、哥哥feel🥹 雖然唔算大隻但因為夠高，所以個人都夠橫，見到都覺得好正🥹 老實講，當日每一位男模質素我都覺得好出色，但對我嚟講佢係突出嘅。

至於我姊妹第一輪就沒有適合，去到第二輪男模又再一字排開俾我哋揀，呢個時候佢就相中咗一位啱佢嘅，雖然都高大靚仔，但同我口味截然不同😂🙏🏻 笑死，完全不用爭😂👍🏻 不過我都係見姊妹話第一輪不了，先知原來可以不斷拒絕，等啲仔分批不斷輪流入來，我哋再慢慢揀😂

介紹吓我點嗰位：187cm、濃眉大眼、正中我嘅審美。坐低介紹後，先知佢原來94年出世30歲，已經算係老鴨了😂 但其實靚人點會分年齡😙 30歲只係大我少少，對我嚟講一啲都唔老（宏觀嚟講亦言），係我理想嘅擇偶年齡😂 而且佢乾淨衛生保養得宜，適量噴香水輕輕有浸fuck boy味，無食煙，講嘢溫柔，比較慢熱，笑嘅時候隻眼都會瞇起，絕對係30歲嘅頂流🤪 我發誓，佢真人好睇起碼三四倍😂🙏🏻 請大家相信我佢完全唔上鏡😂🙏🏻 我品味很好的😂🙏🏻💕🫶🏼

姐妹點嗰位：奶狗type、 23歲、小韓仔feel、183cm、比較熱情直接開朗。

但佢地兩位唱歌都唔掂，如果淨係講歌藝，似係我地兩個女的服務緊佢地😂🙏🏻

一開頭大家未混熟，我姐妹就提議玩酒game🤔佢份人比較外向，亦不時會去下club、酒吧嗰啲。但我就真係對呢類消遣毫無興趣，仲覺得有啲反感，亦唔係好識玩咩酒game😂 唔係話我乖or高尚啲，純粹興趣不同，我比較內向會寧願喺屋企睇hea😂🙏🏻 結果玩咗一陣，就發展到姊妹同佢嘅奶狗boy（下稱奶狗）自己玩酒game，而我就同我嗰位男模（下稱CF）喺度傾偈😂

接下來，我訪問形式咁同CF傾計😂 互相交流🤣 佢入行幾耐？有無一啲好難忘嘅事？客人通常係點嘅？我又有叫佢估我嘅工作係咩😆 喺傾計期間，大家都有幾良性嘅互動😙 等我替大家嚟個小總結（雖然未必能盡信😆）：

佢入咗行一年幾，以往做過不同行業例如廚師，嚟呢度工作係因為賺得多。佢一直瞞住家人，亦有親戚會猜測佢職業而講佢閒話。佢想搵到錢之後，多啲出國遊歷見識。剛入行時，試過見到有同事被灌醉，喺眾人面前被拉低條褲露鳥，嚇死😅 亦有好多人係為咗糟質佢地而來，會灌佢地飲酒、做一啲羞辱佢地嘅行為來發洩壓力。客人有姨姨、直男、gay男、年輕女，佢地prefer 年輕女😂🙏🏻 唔喜歡啲不禮貌行為，例如非禮、一黎就摸來摸去，或者有啲gay的不斷嘗試掰彎佢，覺得有成功感😫 有啲男客會特別暴力、發酒瘋，佢地都需要用不同方式應對。剛入行嘅佢好多時會坐埋一邊唔出聲，但依家漸漸變得懂得跟不同人交流。微醺嘅時候佢會比較興奮活躍，展露不害羞嘅一面，但醉之前都係相對比較拘謹同靜。雖然一開頭佢都有做啲基本嘢，例如公主抱下我🥰🫶🏼

其實我覺得佢好厲害，因為佢完全match到我嘅內向energy✨ 好明顯係觀顏察色之後去adjust 與我嘅相處模式，儘量令我覺得舒服。

我地傾計期間，姐妹已經同佢嘅奶狗又french kiss 又摸又摷😂 我完全不敢直視😂 無論係對面定CF，我都唔敢望😂🙏🏻 不過奶狗都好enjoy，話好少有我地咁靚嘅客人，通常好多gay同阿姨😂 CF 表示同意😂🙏🏻

其實我同CF都有慢慢坐得close 啲，最後佢係搭住我膊頭，我挨喺佢胸前，畀佢攬住喺懷中。姐妹表示，我全程個嘴角無停止上揚過😂 無錯，其實只係咁攬下，我已經覺得好幸福好開心😂🙏🏻 不過喺姐妹同奶狗慫恿（鼓勵）下，我同CF都蜻蜓點水咁錫咗一啖，維持0.5秒😂 然後都有輕輕對望、摸下塊面一兩秒、拖下手、放下對腳喺佢大髀，個純情程度係純過中學生😂

身體係幾純嘅，但精神就有點色😂 喺CF懷中之時，我都有同佢介紹自己（meanwhile我姐妹係用假名😂），直接話我工作係寫性別議題、影性感寫真，然後就不斷要佢睇我Patreon嘅收費性感相😂 佢都有讚好睇，又問我係咪色誘佢，然後都有討論一啲我地嘅價值觀、我嘅生活背景等等😆 後來佢都有主動話想加我ig，我同佢都互add咗😂

就係咁，不知不覺間已經開開心心咁過咗4個鐘😂 really 大癲😂😅🙏🏻 姐妹同奶狗嘅性張力好強，而且兩個都係大膽嘅E人，喺我做緊人物專訪+個人影視分享會之際，原來佢地已經要發展到想安排「框」* 個男模出去開房😅

出發去男模店之前，我口頭勇武話 「今晚一齊帶仔返房玩4p！！！」當時佢仲懶嚴肅，話今晚邊個做咩都好，自己出去租地方搞掂😅 結果依家…？佢係咁叫我留喺度玩多一兩個鐘，佢同奶狗翻我地酒店房先，我之後先返房……？😅😅😅

*「框」嘅意思係可以向男模會館買起仔仔一段時間，就可以確保呢段時間佢只屬於你，仲可以帶佢出街。如果要帶出街，就一定要「框」夠某一個時數…

其實當下我係有少少覺得莫名其妙。我完全唔想獨自喺第一次去、唔熟悉嘅夜場面對一切，等陣埋單可能出現咩問題，我又要獨自面對？😅 同埋點解我要為咗佢開心而洗多啲錢、夜啲訓？😂 當時已經接近凌晨3點，我都好需要休息，仲要為咗佢用我哋酒店房，而喺度獨自玩多個幾兩個鐘？😀 最唔gur嘅係，佢喺我9up嘅時候，就懶嚴肅set曬boundary話唔好諗住帶仔返房，咁快就打倒剛才嘅自己😂🤡？cls佢都真係見到仔仔就卵子上腦😫

於是我大概發表完上述想法，就決定，我都要框CF出去！😂 我都要帶佢出去扑嘢！😂 突然之間，變成兩個人都有呢個需要啦，咁就冇得話邊個一定要用間房😂😎 姊妹冇計啦，提出猜包剪揼，贏咗就可以返房，然後姐妹輸咗，所以係佢要出去😎✌🏻

但喺處理to 框or not to框嘅事宜期間，其實我好多疑問🤔 首先，怕羞內向嘅我，真係講唔出口問「你會跟我性行為嗎？」😂 所以我好懷疑，係咪出去就真係代表可以扑嘢？框佢出去要幾錢？有冇隱藏收費？出到去如果真係扑嘢，洗唔洗再俾錢？如果無得扑/扑唔成，我點解要洗額外錢？當真係扑啦，流程安排係如何？都係直接uber返酒店？人生路不熟，期間要去邊度買condom？😅 又點樣提出要買condom？佢會唔會條J細到冇feel？如果不幸好細，加上我洗咗錢，會唔會失望得滯？😂 做完之後點樣散場？要講咩？😂

我唔係話唔想試真正叫鴨（發生埋性行為先係真正叫😂🙏🏻），但又真係好多疑團🤡 而且其實真正嘅我同網上人設有啲分別，我係怕醜兼慢熱，唔敢主動嘅人😂 我的確覺得CF係個好正嘅對象，絕對有興趣同佢上床，但當刻我其實未同佢build up到個關係，係令我comfortable到right here right now就覺得可以就地發生性行為😂🙏🏻 而且當時已經凌晨三點，其實我有啲眼瞓，想瞓覺多過扑嘢😂🙏🏻

另一邊廂，喺我諗來諗去嘅時候，原來（我後來先知）姐妹一早已經摸埋奶狗弟弟嘅弟弟，仲話好長，有成19cm，而且仲傾埋喜歡咩體位😂😅

再dig down啲，作為女權L，我好清楚我係消費嘅顧客，男模係提供服務靠討好客人謀生，喺權力不對等嘅關係下，CF好大機會會半推半就、不完全情願咁應付我嘅性request（雖然我實質係連開口request都唔敢😂😆🙏🏻）。我對我自己嘅吸引力有信心，但我嘅moral compass令我戒律自己唔應該assume人地同樣想同我做愛，無論越軌嘅行為係幾咁common，我都唔應該加入成為一份子，去要求佢做多過佢嘅工作要求（ie 坐檯陪伴）。如果未能夠make sure到佢係真心渴求我、lust for我，確認唔到就算我唔係顧客、同佢無權力關係or利益，佢都願意同我做愛……我就算最後有得做，都唔會做得安樂。

呢個時候，我真係希望有得簽一張性愛同意書😂🙏🏻

喺嗰刻我雖然困擾，但其實事後回想，我都有啲proud of自己言行一致，而且價值觀真係站得好穩😂 其實，連我show patreon啲相畀佢睇嘅時候，我都不斷再三確認佢係咪真係唔介意睇😂🙏🏻 我唔想強人所難，否則我要佢睇我裸照，其實係性騷擾嘅一種😫 而每次佢回答話想睇，我都說服唔到自己完全相信，can’t help but think that佢只係為咗唔好得罪我呢個客而夾硬講😂🙏🏻

不過姐妹就話我唔需要腦內交戰，我大可以直接問CF嘅意願，佢唔想自然會拒絕，唔會勉強自己😂 雖然姐妹講得啱，但我腦內都係未釐清個權力關係、道德界線，又唔知佢係真心ok我，定只係應付客人被迫同意，而且我實在太怕醜開不了口問「能否跟我做愛」😂 甚至後來我係要勞煩到，叫姐妹幫我開口問😂

姊妹就喺話要「框」男模出去嘅時候，直接用好凝重嘅眼神幫我問CF（國語）：「你…可以嗎？」😂 我頂😂 乜嘢可以唔可以！？可以乜嘢先得㗎😂？可以框出去？就代表可以扑嘢？佢幫我都唔幫到底嘅😂

然後CF當然係回答：「可以。」

下回待續……