【讀者分享🍴】回應《米芝蓮摘星奇緣》：粵菜是香港不可忽視的軟實力 (Patreon)

印度的香料輸出，可追溯到公元前2000年，最早期係經海路順住年度季風，喺也門登陸阿拉伯半島，亦造就佐兩個最古老的商人民族：印度人同阿拉伯人，同時亦係當今兩大香料菜系的主力。

印度之後經波斯灣登錄中東，當時的亞述。去到公元前後經亞歷山大港，將香料帶到雅典羅馬，大約一千年後，以色列黎巴嫩沿岸的腓尼基人，經北非進入西班牙、葡牙沿海地區建立港口（包括部分法國南部沿海地區），帶入阿拉伯、印度香料。睇返歐洲菜系中最出名的意大利菜、西班牙菜、法國菜、希臘菜，呢D都係歐洲最早引入印度香料的地區，亦埋下佐之後大航海時期的伏筆：點解葡萄牙、西班牙、英國個個都想去印度（當然除佐香料之外，仲有黃金）。

而且有趣的是，但凡有阿拉伯帝國和大英帝國足跡的地方，都擅長用香料煮米飯。另一個出名的商人民族猶太人，無論係南面以亞歷山大港為大本營的一支，定北面兩伊地區的一支，早期亦都係以直接同印度做生意起家。

中菜最成功輸出則是元朝，蒙古大軍將肉餡餃子、雞湯、羊肉湯、湯面、各式烤牛肉發揚光大。亞歐大陸由東面日本的九州、南北韓，到西面的東歐和中東地區，都有好多相似的菜式。

粤菜同日本菜一樣，對食材的新鮮程度和種類要求極高，對廚師的手藝要求亦非常高，反而香料調味料用得輕。一嚟難以在外地複製，二嚟外地人學煮，會容易有形無神。就算近十幾年全球大熱的日本壽司，喺西方國家亦都非常怪異。

粤菜、福建菜的輸出，則由一班賣豬仔苦力開始。礦佬為生存改揸鑊鏟，本身功力已經有限，佢地對食物的要求亦相對簡單，佢地的二代亦好難習得一手好中菜。秘魯算係少有的成功輸出，包括成功將中式食材生產，和供應移植當地本土化。

粤菜的成功，係七、八十年代由香港輸出。一來當時很多原本行船的人無船行，在海外上岸改揸鑊鏟，繼續搵錢。呢班人行船時周遊列國，搵到錢亦識煮返兩餐。二來移民潮，大量高技術的大廚移民北美澳紐，亦都要加拿大、澳紐呢D地方農業發達，食材優質新鮮，城市極度集中，先可以發展。

至於中國其他菜系的輸出，就係再之後隨住越來越多大陸人移居海外，開設各式菜系中餐館。而海外最容易複制、最受歡迎的中菜係川菜（香料菜），對食材要求不太高。

另外，外國有些地方的人不太接受少香料、輕調味料的粵菜，某程度係潜意識影響。例如外國有唔少地方新鮮食材唔多，特別係魚同海鮮，當地人亦唔識保鮮方法，佢地會認定呢類食材唔落重香料唔好食，會臭會腥。清蒸係佢地眼中係未完成的菜式，蒸完之後，點都要加返層新鮮橄欖油，後落五六層調味料喺上面，先叫似樣。就算有優質新鮮魚生食的地方，一樣會加幾層調味料。

▶️ 延伸視頻：英國「港人港貨」網上超市華南行創辦人Magic：儘快找到所有Made in China的替代品，正是我們的使命
https://www.youtube.com/watch?v=VrYq1kR_774