【讀者分享⛪️】聖公會教友是如何看管浩鳴牧師的？ (Patreon)

【按：以下分享來自一位資深聖公會中人，回應有關管浩鳴牧師的近況。】

沈教授，你好！

香港聖公會要到1998年10月教省成立後，才出現大主教（教省主教長），香港聖公會的前身聖公會港澳教區，甚至再之前的港粵教區、中華聖公會內的華南教區，最早期嘅維多利亞教區，都只有教區主教。

1981年，鄺廣傑就任港澳教區主教，過渡到1998年成為首任教省主教長/大主教，到2006年退休，就經歷到港英政府同特區政府禮賓名單排位嘅親疏有別。

其實如果你問聖公會教友，應該無人認為管浩鳴係聖公會第二把交椅（膠椅就或者係 ），因為教省除咗有一個大主教，仲有兩個教區主教，2021年剛好完成朝代交接。現在是陳謳明大主教（兼西九龍教區主教）、東九龍教區郭志丕主教、港島教區謝子和主教。以香港聖公會的排位，頭三位順序是他們，然後是退休嘅大主教同主教（鄺保羅在這裡），再之後是三個座堂主任牧師、法政牧師、教區會吏長，然後到牧師同會吏，這些裡頭還要論資排輩。

所以管浩鳴雖然在行政上係教省秘書長，但實質排位也要根據佢的法政牧師身份企，而教省秘書長的身份係有機會改動。

目前頂層已完成交接，但教會行政嘅人事更替，唔同一般企業機構，主教牧師之間有兄弟情。就算管浩鳴如何過份，現在的大主教也要顧及鄺保羅的顏面，不會一上任就郁走鄺重用嘅人，所以一切只等待時機。

最後再講多次，根本無幾多教友會支持管浩鳴，除咗因為政見，也因為大家都唔鍾意牧者太高調太出風頭，覺得佢係老鼠屎，整臭成鍋粥！