第一季回顧（六）—印度印尼股市唔掂，又話經濟好？越南就掂啦，但因為舊年跌到趴。經濟好係咪即係股市好，你話呢？另外睇晒環球ETF，47個國家，梗有一個啱你心水。點解有啲ETF跑贏指數，有啲跑輸？恒指就升3%，但你在美國買港股ETF就輸5%，點解？ (Patreon)

「雙印」印度印尼，同埋越南。取代中國，左右逢源，係真唔係？

經濟好係咪股市好先？特別係個個只係睇一年半載，多餘

人人講啲主題你先仆入去，咁你梗係摸頂啦。

印度印尼股市都係跑輸香港嘅，生意好呀可？

越南就表現好，但點解？因為舊年跌到七彩。經濟好呀可？

越南就表現好，但點解？因為舊年跌到七彩。經濟好呀可？

南非指數好但匯價輸晒，巴西就剛好調轉，無乜路捉

然後嚟一個全餐：睇晒環球股市ETF嘅表現，梗係有款啱你

同你計埋匯價啦下。47個股市，32個升，15個跌。計晒平都升約4%

點解有啲國家嘅ETF跑贏指數，有啲跑輸？

恒指就升3%，但你在美國買港股ETF就輸5%

1. 好，埃汾而家在日本，但今次應該可以keep住出文。呢篇應該係成個系列比較重要嘅一篇，因為會講晒環球市場ETF。

2. 呢個第一季回顧系列應該可以寫多幾篇。第一篇係開場白，第二篇講過強積金同港股，第三篇講過美股，第四篇歐洲，同埋所謂嘅匯率風險，剛剛一篇係亞洲，日韓台灣星馬泰。

「雙印」印度印尼，同埋越南。取代中國，左右逢源，係真唔係？

3. 一路落去，睇埋「Exotic」啲嘅亞洲。菲律賓就同馬來西亞泰國差不多，但真正有趣應該係「雙印」（印尼印度）同埋越南。

4. 「雙印」嘅同越南嘅故事，你成日都會聽到，取代中國啦，在中美間左右逢源拎著數啦，夠窮啦，人口夠年青啦，內需市場又大啦，以上種種都係事實。經濟增長好？實好架。但股市就當然係另一回事，特別係睇短期的話（一季當然係短期，其實一年都係，至少你都睇返十年八年先叫長期）

5. 以上講嘅呢啲嘢，你見好多人都有誤解，真係以為嗰度經濟好就買嗰度股市。你夠長期都仲好啲，你睇一年半載嘅，好多都中伏。因為人人都講你先買，你貴一貴時買。有人會問點睇估值，呢啲例子咪睇到：多數嗰啲熱門話題，人人飛入去嘅，就唔方會平。因為人多數係見到啲嘢升咗先信，別人貪婪時我先貪婪。

經濟好係咪股市好先？特別係個個只係睇一年半載，多餘

6. 印度股市第一季表現就相當差嘅，當然你可以怪因為Adani堆公司畀人狙擊，但再次話畀你知，經濟同股市嘅關係，可以相當弱，特別係你只係睇一季（至於睇幾日嗰啲更加解釋都多餘）。印尼都係要跌，不過印尼盾對美金大升，拉勻表現就好啲。

人人講啲主題你先仆入去，咁你梗係摸頂啦。

7. 至於越南股市，首季表現相當唔錯，但好大原因係因為：舊年跌到七彩。但難道越南經濟舊年就唔強勁？所以，都係嗰句，你討論股市時，唔好只係講睇唔睇好經濟，特別係個個連一季都覺得好耐。

印度印尼股市都係跑輸香港嘅，生意好呀可？

越南就表現好，但點解？因為舊年跌到七彩。經濟好呀可？

8. 你見即使係「雙印」同越南，都係冇乜路捉，故事都係咁上下，但股市表現可以爭好遠，匯率表現又可以爭好遠。好可能係估值或者情緒比一切都重要

金磚：南非巴西俄羅斯又點？

9. 之後嘅，只係循例講埋，所謂「金磚四國」其他三國，南非巴西俄羅斯，一樣冇乜路捉。南非就股市幾好不過匯價大跌，巴西就剛好掉轉，但到頭嚟，都係跑輸其他地方，難道你話我知歐洲日本經濟增長好過巴西南非？至於俄羅斯，真係純屬參考，反正都近乎買唔到

南非指數好但匯價輸晒，巴西就剛好調轉，無乜路捉

然後嚟一個全餐：睇晒環球股市ETF嘅表現，梗係有款啱你

10. 然後我想插播埋Excel右邊嘅呢堆嘢。係乜東東？呢個就偉大啦，想放眼環球嘅你，就睇呢堆嘢吧。全部都係美國上市嘅ETF，基本上你有個美股戶口，就可以買晒呢堆嘢，亦即係可以買晒全球嘅ETF。

11. 篇幅關係，肯定不能每個國家講（但舊年有兩篇文寫過！呢度同呢度）。呢度你可以留意幾樣嘢先。首先，呢度47個國家，升嘅32個，跌嘅得15個（仲有一個幾冤枉，陣間解）。仲有，我當你全部買齊，六合彩全餐，拉勻晒，平均回報都大約4%，都話合理眼都贏錢。跌得最多嘅都唔過15%，但升得多嘅去到20%都有。

同你計埋匯價啦下。47個股市，32個升，15個跌。計晒平都升約4%

12. 第二，呢堆嘢美國上市，美金計價，所以呢度你見到嘅回報，係已經反映埋個匯價，唔好又嚟問我做乜唔計埋匯水。

13. 但當然唔好咁天真以為「冇匯率風險」—係在入面已經包埋了。其他嘢不變嘅，你隻貨幣大跌，當然你用美金嘅ETF都係會大跌（例如巴基斯坦，巴基斯坦盧比對美金今年跌咗兩成，我任你個指數點好，你買隻PAK都係PK）。

14. 第三，買一個國家當然唔止係得一隻ETF，指數都隨時幾個啦（買日本都可以日經或者TOPIX），何況可以幾個唔同發行商出。咁邊一隻ETF「最好」，實在答你唔到。你最多只係睇到過往表現（不過未必代表將來，雖然都可能有參考價值），同埋開支比率。

點解有啲國家嘅ETF跑贏指數，有啲跑輸？

15. 好啦，之後去到最有趣嘅一點。見唔見有啲國家嘅ETF我油咗橙色，有啲油咗綠色？係咩回事？就係隻ETF，同埋「當地股市」表現嘅分別。

16. 橙色嘅，係隻ETF表現好啲，綠色嘅，係ETF表現差啲。有啲只係爭1-2%嘅我就唔計，另外好多股市我本身都冇mon住，就唔計了（例如巴基斯坦之類）

17. 舉例，例如你會見到南韓股市，KOSPI第一季升11%，但韓圜跌咗4%，所以拉勻表現應該7%。但隻美國上市嘅EWY，就升10%。巴西嗰隻嘅分野更加明顯。

18. 點解會有咁嘅分別？搞清楚，唔係因為「匯率因素」！咪話你隻ETF一定會計埋入去。

19. 分別，往往係因為啲ETF追縱嘅指數，同平時我地睇嘅大盤指數，往往係唔一樣。例如韓國嘅例子，平時我地講KOSPI，但隻EWY係追蹤MSCI韓國25/50指數。同樣地，巴西嘅例子，平日係講聖保羅指數，但隻EWZ係追蹤MSCI巴西25/50指數。仲有，新加坡平時我地講海峽時報指數，但EWS追蹤嘅係MSCI新加坡25/50指數。

20. 由於追嘅指數根本唔同，表現就當然唔一樣了。當然你會想問，咁買隻大盤指數好啲，定係ETF追嗰啲好啲？都有啲難講，即使睇歷史數字都可能隻隻唔同，亦都隨住唔同時間又會有唔同。不過，講到尾，其實你要直接買到隻指數都未必咁易。

恒指就升3%，但你在美國買港股ETF就輸5%

21. 另外，香港嘅情況仲有趣。因為香港上市嘅，好多係中資股。所以呢隻EWH，就只係追蹤「香港公司」。但恒指首季，主要都係由中資股帶動，香港股普遍都麻麻地。所以你見隻EWH要跌5%，嚴重跑輸恒指嘅3%升幅。

22. 詳情？恒指首季最強嘅五隻成份股，全部都係中資股。如果你計重磅嘅，騰訊中移動第一季都相當勁，而隻EWH係冇嘅。唔止，連匯控都冇的（都話要「香港」公司）。咁有乜？最大持股，佔23%，正係第一季跌3%嘅友邦1299。唔止，仲有供股嘅領展。所以你就見到分別了。

23. 又，所以真係唔好自作聰明，又以為「大陸玩完」只係買香港股。一來一回，一季你已經跑輸8%。