MPF：頭10個月人均蝕5萬，跌21%—「而呢個數字係二十大之前」點算好？實情上次段片有講，遲下Patreon再寫返篇長文。 強積金今年跌咗21%，應該史上最差。但你唔覺得奇怪？差過2008喎！人類智慧結晶：呢個圖就夠偉大啦。近排睇市都睇到懷疑人生—唔係港股，係美股喎！！唔係因為我「分享」唔到美股升勢：咪話一股都冇沽，所以呢排唔使點輸。升嗰時當然個個都唔信，覺得未跌夠，正如跌嗰時都個個覺得未升夠。道指10月差不多升14%，1976年以嚟最勁！11月議息（即係星期三晚）睇啲乜？狼來了：今次估放慢加息，「含金量」應該高啲。聯儲局而家都好大程度係睇數字，冇咁大「自由意志」了。講咗幾個月「通脹見頂」，但事實不代表好快回落。講到尾，都係睇通脹同就業—怕且唔會70年代咁惡性通脹啩？ (Patreon)

強積金：頭10個月人均蝕5萬，跌21%—「而呢個數字係二十大之前」

點算好？實情上次段片有講，遲下Patreon再寫返篇長文

強積金今年跌咗21%，應該史上最差。但你唔覺得奇怪？差過2008喎！

呢個圖就夠偉大啦

近排睇市都睇到懷疑人生—唔係港股，係美股喎！！

唔係因為我「分享」唔到美股升勢：咪話一股都冇沽，所以呢排唔使點輸

升嗰時當然個個都唔信，覺得未跌夠，正如跌嗰時都個個覺得未升夠

道指10月差不多升14%，1976年以嚟最勁！

11月議息（即係星期三晚）睇啲乜？

狼來了：今次估放慢加息，「含金量」應該高啲

聯儲局而家都好大程度係睇數字，冇咁大「自由意志」了講咗幾個月「通脹見頂」，但事實不代表好快回落講到尾，都係睇通脹同就業—怕且唔會70年代咁惡性通脹啩

強積金：頭10個月人均蝕5萬，跌21%—「而呢個數字係二十大之前」

1. 話咁快嚟到十月尾（你睇到篇文時應該十一月），相信大家呢個月都唔太好受，特別係你份強積金。頭10個月人均蝕咗5萬蚊，跌21%。只計10月就一人蝕多2000蚊，多1%—聽落唔多，但，係未計上星期「二十大」之後嘅跌市。

2. 點算？上次段片都大約講咗，未睇嘅記得去睇。遲幾日會寫篇長文講。不過呢度我想帶出一樣嘢：你見10月嚟講，大中華同香港當然香晒，但美股基金有得升，更好玩嘅係歐股基金都有得升—留意係計埋所謂嘅「匯率風險」了。所以，老規矩，分散。

點算好？實情上次段片有講，遲下Patreon再寫返篇長文

3. 當然有啲人而家可能選擇完全唔要中港股，我不同意但不會太反對，不過記住—就算你「走中港」，都唔好只係美股，至少都搵啲歐洲日本甚至新興市場。更加唔好走去轉做「非股票」

強積金今年跌咗21%，應該史上最差。但你唔覺得奇怪？差過2008喎！

4. 另一樣嘢亦係個talk都有講：第一段話你知，強積金跌咗21%—港股差你明，美股其實都差，歐股甚至台灣股計埋匯率都唔會好幾多—但今年呢個強積金嘅回報，應該係史上最差。但點解會咁？仲差過2008年？

5. 因為好多人忘記咗，強積金仲有債券基金，而啲混合基金都係撈埋債券。以前呢，好多時股票跌，債券就升，或者跌都唔會跌得多。但今年債券表現一樣咁差，就真係好少見。呢個現象在個talk入面都講咗。（留意張圖係早幾個月的，而家債券都跌兩成了）

6. 點算？一個好大嘅底線：無論如何都係100%股票，最好都係維持返比較分散。而你買保證基金貨幣基金嗰啲，點都係死路一條，特別係而家啲股票都跌咗咁多你先去「轉」，就即係低位打靶。你話港股可能N年都唔會好轉，我唔會反對（雖然不見得完全同意），但照計冇乜可能全部股市都死足好多年。

呢個圖就夠偉大啦

7. By the way，畀你睇下呢個圖，遲下Facebook Page先細講。就真係充滿人生智慧。我亦特登呢度唔寫結論住，你睇完個圖，諗下有乜啟示，到時我再解—可能都同你嘅理解有啲唔同。又或者，你都估到我想講乜，但你可能唔同意，或者有懷疑，諗下你係懷疑啲乜，睇下到時我有冇解釋。

近排睇市都睇到懷疑人生—唔係港股，係美股喎！！

8. 近排睇市況都係有啲懷疑人生。睇港股跌到懷疑人生你會明，但我想講睇美股升，都係令我有啲懷疑人生。並唔係因為我冇買美股　—　咪話一股都冇沽過，所以美股嘅升勢我都有分享到。

9. 所謂嘅「懷疑人生」，就係我都真係唔係好明。近來嘅升勢，當然係因為「炒就快放慢加息」，都寫咗幾次，陣間會再寫。而債息亦都回落，美元又回咗少少。不過，係咪就真係咁簡單？

唔係因為我「分享」唔到美股升勢：咪話一股都冇沽，所以呢排唔使點輸

10. 但講落去之前，想同你分享嘅係：有呢啲想法，絶對好正常。要接受世事，特別係投資嘅世界，就係不確定。下個月升定跌，固然冇乜人知。但即使升咗，係「因為」乜而升？事後都未必有人解到

11. 呢種狀態，係違反人性嘅，因為人就係鍾意搵「規律」，搵「解釋」。不過要學習去適應佢。都寫過幾次，牛市當然係在懷疑中成長—如果嫌我太「盲目樂觀」嘅，咁另一方面你亦睇到，跌市開始時都係大家「唔信」的。睇圖，納指大約一年前見頂，當時一路跌，都冇乜人覺得「有嘢」，仲一般覺得一切安好，包括我在內。

升嗰時當然個個都唔信，覺得未跌夠，正如跌嗰時都個個覺得未升夠

12. 反而你去到人人都睇法差不多嗰時，就往往係「轉勢」，你睇上一個周期（2020年3月至2021年11月）已經睇到，不再重覆。要重覆嘅係：所以叫你做啲trade log，或者紀錄低自己心情（錄30秒語音都得了），甚至cap低當時啲人講嘅嘢，事後睇返，會對你有幫助。

13. 咪又係換個方法話你知「別人恐懼時你貪婪」，不過你可以睇返，講就易，執行好難，而家港股就夠個個都恐懼啦。

14. 但你應該至少可以做到嘅係：別人恐懼時，你唔使恐懼埋一份，唔買都唔好亂沽（主要指美股而言）

道指10月差不多升14%，1976年以嚟最勁！

15. 講完一輪心法嘢，睇返上星期嘅美股市況，好強。美股連升4星期，兩周升幅係2020年尾以嚟最勁，而10月道指升幅可能係1976年以嚟最勁單月表現。

16. 正如上面講，似乎呢啲反彈，都係建基在「睇死」聯儲局11月議息會明示暗示放慢加息步伐。但，如果呢個期望落空呢？可能又好似7月嗰浸咁，升幅打回原型—呢個未必一定會發生，但有咁嘅可能

17. 而所謂嘅「11月」議息，其實講緊係後日！星期三晚。我懷疑已經有啲人想「鎖定」啲利潤，你見今日（星期一）美股都有啲回調。

11月議息（即係星期三晚）睇啲乜？

18. 我諗以下係你諗嘅方向：首先，今次議息只係「細會」，冇經濟預測出，冇點陣圖，主席出嚟講嘅嘢，市場到底演繹係「強硬」定「放鴿」，都真係好大程度係事後解釋。

19. 之但係，早排呢個「放慢加息」嘅料，由「聯儲局線人」在華爾街日報放出嚟，條友叫做有啲信譽，唔似會閉門造車，應該真係儲儲局借佢放料，況且亦真係有官員之前咁樣講（但唔係主席）。亦唔同6月嗰時咁，只係交易員經濟師自己想像。

狼來了：今次估放慢加息，「含金量」應該高啲

20. 唔記得有冇講過，聯儲局而家「透明度」算係高咗，實情聯儲局嘅「自由意志」未必有你想像中咁大，都真係好大程度睇數字做嘢。頂多你可以話落後於形勢，但到出啲數字高嘅，好難堅持唔加息。

聯儲局而家都好大程度係睇數字，冇咁大「自由意志」了

21. 所以又係返返去兩個判斷：通脹同經濟，後者你可以睇下啲就業市場數據

22. 咁啱得咁橋，留意下呢個圖，你見到標普指數嘅「引伸波幅」，預示市場相信出就業數據（11月4號，星期五晚）同CPI時（下星期，到時先討論）會相當波動—但呢啲係議息之後嘅事了。

講咗幾個月「通脹見頂」，但事實不代表好快回落

23. 不止寫過一次，通脹應該係見咗頂。供應鏈壓力明顯紓緩咗，油價同好多商品價都跌咗，甚至連租金都有啲下跌嘅跡象（遲下詳細講呢幾樣嘢）。問題始終係：見咗頂，不等於會好快回落，甚至好快去到令人（主要係聯儲局）安心嘅水平。

24. 呢個圖夠晒驚嚇，當然歷史未必咁簡單咁重覆，但聯儲局唔多唔少都會驚歷史重演，驚70年代嘅惡性通脹重臨—之不過，如果好細心留意，兩條線嘅刻度係唔同的。

講到尾，都係睇通脹同就業—怕且唔會70年代咁惡性通脹啩

25. 結論：可能真係會放慢加息，甚至下年停加—但不等於會好快減息。呢個係暫寺嘅判斷。但，亦有可能只係停加息，已經夠支持返股市。