納指上半年跌30%，係歷嚟第13差嘅6個月表現。咁歷史上如果呢啲情況下買，會點？ (Patreon)

好多人嘅迷思，以為要跟得好貼，成日望住。但我話正好相反。

The closer you look，the less you see

政治阿叔嘅嘢：上星期佩洛西訪台。港股升，台股升，美股亦都升

政治嘅嘢，個個都話自己啱。但股票輸錢羸錢就有得呃。

「政治經濟不可分」，但邊個話經濟好就股市好？

納指跌咗好多後買，又會點？

「咁美股之前長升嘛，幾時買都升架啦」。咁係咪跌咗後買好過平均先？

想「確認」見底先買，係貪念，唔係小心。而貪念當然會出事

今年上半年納指跌3成。係史上第13最差嘅6個月回報。之後會點？

納指最甘試過6個月跌一半，關鍵係之後點

摸頂嘅，納指坐10年都仲要輸50%！咁可以點？

好多人嘅迷思，以為要跟得好貼，成日望住。但我話正好相反。

1. 呢篇係上一篇嘅延續。（W5000指數，最差嘅6個月後買落去，多數贏錢兼跑贏大市）

2. 呢排繼續都冇乜寫市況，轉下風格都好，雖然可能遲下會寫返多啲市況。

The closer you look the less you see

3. 實情你見到，唔一定要寫得好貼，你亦唔一定要跟得好貼。有時The closer you look， the less you see，唔使將啲好短期嘅嘢無限放大。你見咩佩洛西訪台，個個又講到打仗呀，負面因素呀咁。結果成個星期，港股升，台股升，美股亦都升。但如果係跌幾百點嘅，好多人又會話係「因為」台海局勢。呢類narrative嘅問題，係我成日講嘅

政治阿叔嘅嘢：上星期佩洛西訪台。港股升，台股升，美股亦都升

4. 順手話你知，好多人不停濫用「政治經濟不可分」之類嘅廢話。拿，上篇文肯定講過，唔好濫用金句（雖然呢句本身就金句）。更何況，經濟好唔等於股市好，反之亦然，係再之前嘅文講過。

5. 講政治嘅問題，就係任你解讀，明明錯你都可以話自己啱，「下一盤大棋」「明輸暗贏」「以退為進」。個個可以死剩把口，正如佩洛西訪台後，你可以話美國贏晒又得，台灣贏晒又得，但一樣有人話大陸贏晒，根本只係噴口水。

政治嘅嘢，個個都話自己啱。但股票輸錢羸錢就有得呃。

6. 但經濟嘅嘢，基本上冇得點呃，你可以話「GDP唔代表一切」之類嘅廢話，但至少有個人人公認嘅數字討論。係跌兩季就係跌兩季。咁去到股市，就更加唔使講，贏錢就贏錢，輸錢就輸錢，冇得拗的。

7. 亦話埋畀你知，我並唔係冇睇冇諗政治嘢，只係唔會亂咁拎嚟用落投資度。你真係要講「政治」嘅，你應該睇以下嘅嘢：

8. 我解過你知，點解中國經濟增長好過美國，但美股長期跑贏？甚至係，點解美股長期跑贏其他地方？背後一樣嘢：係咪容許企業賺大錢。整體美國都係對企業最友善嘅地方之一，企業搵到錢，自然亦吸引到人才，再加埋其他各樣嘢。

9. 中國嘅情況呢？以前都有一輪係容許企業賺大錢，所以你見有一期A股照樣有得升，但近十年已冇呢支歌仔唱。企業賺唔到錢，股市自然冇得升。類似種種，寫印度篇文提過。我會話你知，民唔民主都唔係重點，A股嘅例子講過，當時不見得有乜民主。另一個例子係越南，從來都係一黨專政冇新聞自由冇common law，但對企業友善，股市一樣升到笑（就係似廿幾三十年前嘅中國）。更加唔好講恒指，英殖年代狂升係咪？當時有冇民主呢又？

「政治經濟不可分」，但邊個話經濟好就股市好？

10. 當然啦，以上幾個都係個別例子。整體嚟講，長遠嚟講，民主嘅地方，應該普遍比較對企業友善。不過，你係咪真係長遠先？（而我幾時都話你知，長遠都係睇好美股）

11. 正如你見我識好多其他嘢（樣樣識少少咁啦），閒來就睇八掛娛樂新聞或者垃圾港產片（近來質素好啲），都係「有用」嘅，但可能十分曲折。

納指跌咗好多後買，又會點？

12. 講遠好多咗，今次呢篇同之前三篇文有啲關係。你未必一定要睇咗先，但最好去睇。

13. 第一篇呢度，寫過美股上半年跌得15%嘅年份，下半年必升，無一次例外。平均回報24%。

14. 第二篇呢度，寫二戰以後，美股只試過8次一季跌15%，7次之後都升。上季係第9次

15. 第三篇呢度，W5000指數（「咪即係標普500」），最差嘅6個月後買落去，多數贏錢兼跑贏大市

16. 你見到呢三篇文（同埋今篇都係），無非話你知，跌咗之後應該買美股，跌咗之後多數都升。

17. 但如果心水好清或者讀過下Stat嘅，會諗到一樣嘢，以前都寫過。「跌咗之後」「美股多數會升」，但，根本美股就係多數升，無論有冇「跌咗」呢個條件都一樣。亦所以，「真係幾時都買得」。

「咁美股之前長升嘛，幾時買都升架啦」。咁係咪跌咗後買好過平均先？

18. 於是你覺得有啲廢話。可能你會諗，係咪跌咗之後買回報好啲？定根本冇乜大分別？答案係肯定嘅，實情唔難睇，嗰三篇文有話你知，跌完之後買，之後嘅回報，似乎幾明顯高過「一般嘅情況」

19. 而即使你半信半疑都好，可能都覺得「扯，美股係咪都升，跌咗之後買都未必「最好」」。有啲人係想咁貪到盡的，我從來都唔建議。正如佢地總想「確認」見底先買，最好我買完唔使捱價，買完即升，即係捉到個最低位。但邊有可能？

想「確認」見底先買，係貪念，唔係小心。而貪念當然會出事

20. 你咁嘅貪念，最後係因小失大，因為你永世都唔會買。呢，納指低位己經升咗20%啦，冇話你知？等等等，等到幾時？

21. 係喎，「驚買完會跌所以唔買」，唔係小心，係貪念。因為根本你任何時間買完，都係有機會再跌的。所以你妄想買完實唔跌，唔係貪念係乜？

22. 但即使你係咁嘅想法都好，你真係覺得「跌咗後買不見得「特別」好」—至少我啲文都話畀你知，「點都唔會特別差」。呢個係好多人嘅心魔，總覺得跌咗就繼續跌，因為有壞消息—但，跌咗就自然有「壞消息」！（narrative嘛）。事實見到，唔係跌開就繼續跌。

23. 但再講一次，你唔信跌咗後買會「特別好」，至少我證明到你知，「唔會特別差」。所以放心吧，有錢就應該買。冇錢？冇錢當然應該搵錢，唔好借錢。「不過我下篇文會分享我過去幾個月借孖展嘅經驗」

今年上半年納指跌3成。係史上第13最差嘅6個月回報。之後會點？

24. 好啦，戲肉，睇呢個圖，係納指。

25. 我就唔會將之前講過嘅嘢重覆一次呃字數。上篇文講，W5000就同標普指數差不多，況且你地好多人都未必係太跟指數。不過，既然個個都唔少科技股，又即管睇埋納指。免得你又質疑，「大盤係咁好啫」，「科技股未必會係咁好」（順手答埋，如果你擔心「大盤係咁好但科技股未必係咁」，咁你更加應該分散啲，買標普指數，而唔係只買科技股，亦係講咗幾十次嘅嘢）

26. 好，我又係自己再加工咗，計埋啲數。呢個Excel Attachment 有

27. 呢個圖同上篇文W5000個圖好相似（上面貼多次），不過今次係睇納指。留意納指嘅歷史，冇你想像中咁短，唔係2000科網時先爆出嚟嘅，不過歷史亦唔係好長，1971年開始，同W5000差不多。

28. 貼多次，Nasdaq呢個表講嘅嘢，同W5000嘅差不多，都係睇史上最差嘅20次6個月回報。大約嘅各種現象都差不多，你睇返上一篇，我唔不停重覆。但仲有小小分別我會話你知。

29. 不過留意返，呢個圖最右邊只係5年，就冇10年嘅。所以同W5000嗰個有啲唔同。

納指最甘試過6個月跌一半，關鍵係之後點

30. 首先睇日期上，你見上榜嗰啲年份，同W5000都差不多，都係74，87，08，01嗰堆。之前有讀者講「買科技股分散風險」，完全錯。真係分散，就大盤，即係W5000或者標指。當然再高層次啲，買埋其他市場（港股，IDEV，EMXC），買埋細股（VB）—甚至係唔好只係股票，買埋樓。（不過現實係香港樓價咁高，你一買咗樓，就側晒去樓嗰邊，好難搞的）。仲有，時機上都要分散。

31. 另外，睇下今年頭6個月，納指跌三成，原來都只係排13。

32. 你睇跌幅嗰一欄，見到啲跌幅勁過W5000。但應該估到，納指大上大落嘛。最甘嘅，可以6個月跌一半（正係2000科網爆破）。你見今次6個月跌三成，都未入到頭十。記住，呢啲係股票嘅一部份。而你冇乜可能避開，諗住跌之前沽晒。

33. 好啦，睇紅綠色方面，一樣見到係右邊多綠色。但，成個圖嘅紅色，係多過W5000好多嘅，都話大起大落。而且納指經歷過好甘嘅2000年科網泡沫。亦因為冇咗10年嗰格，有埋應該會多啲綠色。

摸頂嘅，納指坐10年都仲要輸50%。咁可以點？

34. 所以你睇最底嘅「輸錢次數」（又貼多次個圖）會見到，W5000咪話坐足3年冇得輸。但納指no such thing，最差情況嘅，「坐足5年都仲輸錢」，死未。不過再強調，佢冇咗10年嗰格。

35. 而亦正係我一路講（但你見出面好少人提），美股2000至2010嘅迷失十年。跌咗你再買，坐5年都仲要輸近兩成，驚未？可能嚇走好多人。

36. 至於摸頂嘅？仲大鑊，以前貼過，坐10年仲要輸一半！睇圖。驚未？事實係即使係標指，你在迷失十年摸項，坐10年都仲要輸少少。（但跌咗6個月先買就有錢贏）

37. 但記住，首先，嗰次係最差（其實有兩三次）。仲有，坐5年輸兩成後，之後就十幾年升N倍。「所以唔好亂止蝕」。當然仲有，冇人叫你全部都係嗰個位買晒落去，如果一路有低位買嘅，分段嘅，就唔使摸頂10年仲輸一半啦。

38. 下篇文不如寫下，如果迷失十年，一路每個月買，會咩情況？

＝＝＝

富途嘅，唔使link，download 佢個app，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

================================

Facebook Page：「君子馬蘭頭」ivanlirsesearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。