大師冇點你：話咗加0.75啦。留意出議息結果都未升，鮑威爾講嘢先升。講咗乜？7月美股極強，早話你知上半年跌得15%嘅，下半年一定升。9月嘅加息預期：已經冇人估加1厘。而之前亦提過，只要減慢加息，個市可以升大截。再同你睇7月息口預期：唔係2022年，係2023年！加息，點睇都去到下半場啦喎。仲驚加息？梗係炒減息。大師冇點你：話咗加0.75，話咗衰退，話咗香港唔加息。但亦話埋你知，退退加息通脹，都可以照升。美國「衰退」，三個教訓。第一，好難估。第二，兩次經濟意外收縮美股都照升。第三，留意下個思考方式。6月中到而家，加咗1.5厘息，但10年債息跌咗0.75厘！債息倒掛程度N年最勁，點解預示衰退？ (Patreon)

大師冇點你：話咗加0.75啦。

留意出議息結果都未升，鮑威爾講嘢先升。講咗乜？

7月美股極強，早話你知上半年跌得15%嘅，下半年一定升。

9月嘅加息預期：已經冇人估加1厘。

而之前亦提過，只要減慢加息，個市可以升大截。

再同你睇7月息口預期：唔係2022年，係2023年！

加息，點睇都去到下半場啦喎。仲驚加息？梗係炒減息。

大師冇點你：話咗加0.75，話咗衰退，話咗香港唔加息。

但亦話埋你知，退退加息通脹，都可以照升。

美國「衰退」，三個教訓。第一，好難估。

第二，兩次經濟意外收縮美股都照升。第三，留意下個思考方式。

6月中到而家，加咗1.5厘息，但10年債息跌咗0.75厘！

債息倒掛程度N年最勁，點解預示衰退？

1. 雖然香港有大新聞，但我都係講返金融經濟同投資。美股方面都好多新聞，多到我要週末先得閒講香港加息同香港樓之類嘅嘢

大師冇點你：話咗加0.75啦

2. 首先，當然係聯儲局星期三晚嘅議息結果。一如所料，係加0.75厘。呢個亦都在我地之前嘅文寫咗（都話成個7月啲文都好重要），完全在預計中。所以你見我星期四文日頭都冇出。都話過聯儲局好少做啲市場完全意外嘅事。上次（6月）嘅議息就有少少混亂，啲期望幾日間急轉。因為6月嗰次咁啱幾日前出左個創新高嘅CPI通脹數字.

留意出議息結果都未升，鮑威爾講嘢先升。講咗乜？

3. 首先要講嘅係，星期三晚市場反應極之正面，納指升夠4%。所以千萬唔好信咩「加息會跌」嘅講法，至少加嗰日往往都升。而唔好忘記，之前一晚微軟同Google出業績，亦係在星期三反映咗。至於點解明明業績麻麻都照升，文入面亦有解過。

7月美股極強，早話你知上半年跌得15%嘅，下半年一定升。

4. 留意，星期三美股一開已經升些少，但去到出議息結果都未擴大升幅，要去到鮑威爾出嚟講嘢先抽升得勁。佢講咗乜？其實都冇乜特別，但入面提到，去到未來某個位，放慢節奏可能合適。（原本係could slow at some point）．實情冇乜內容，亦唔係話下次就減慢加息，講到明都係睇數據，即係冇講過嘢。

5. 但市場一於小理，就當係下次（9月）會減慢。實情亦係一個narrative，你見去到下半年，美股真係強勢。當然亦可能係鮑威爾功力夠，看似官方講話中，但插呢句「將來某個位可能放慢」，照計明知你地一定會highlight呢句，

9月嘅加息預期：已經冇人估加1厘

6. 好啦，順手講埋9月嘅加息預期，之前已經提過，不經不覺在議息前幾日，9月嘅加息預期已經係四成幾加0.5厘，四成幾加0.75厘，一成加1厘咁。

7. 如果冇記錯，星期三鮑威爾講完嘢後，呢堆預期就更加傾向減慢，即係9月會加0.5厘。

8. 去到星期四，因為出咗個意外地差嘅GDP數據（陣間會講），情況就更明顯。你最新見到嘅係：75%機會加0.5厘，25%機會加0.75厘—而加息1厘嘅機會經變到0。之前嘅文亦寫過（都話呢排啲文好重要），如果9月減慢加息，好可能會有個大反彈。而家就可以炒定先，永遠係炒預期。

而之前亦提過，只要減慢加息，個市可以升大截

9. 固然，仲有兩個月（9月21日），好多嘢可以發生，包括嚟緊呢一兩個月嘅通脹數據（留意PCE會在今個星期五晚出），但除非啲通脹數字真係超出預期好多（留意，繼續高都冇問題，唔好太超出預期就得），否則呢個9月加0.5厘嘅機會都幾大，到時升又可以話「利好消息」。

10. 但最後小心一樣嘢：正如上面講，我唔覺得鮑威爾嘅言論真係好強烈暗示9月會加0.75里，相當有可能佢都未決定，你就幫佢決定埋。都講過，聯儲局好少做啲市場有預計嘅嘢，所以你可以留意下嚟緊呢一兩個月，聯儲局官員會唔會又出嚟講嘢調返高你嘅期望。

再同你睇7月息口預期：唔係2022年，係2023年！

11. 留意埋，如果你CME Fed Watch，再睇遠期嘅，例如我呢度睇2023年7月。你會睇到咩結論？而家係225-250（個圖有寫），而去到2023年7月都好，去到350-375，己經近乎冇人賭—即係話，啲人估去到325-350，甚至300-325就收收工

12. 即係點？即係，市場睇法，加多1厘就收工。可能係9月0.5厘，之後再搵一次0.5厘，收工。亦可能係9月0.5厘，然後兩次0.25厘，再收工。

13. 當然，都係嗰句，成年流流長乜都可以發生，但而家啲人嘅睇法係咁。

加息，點睇都去到下半場啦喎。仲驚加息？梗係炒減息

14. 留意下，美國今年加左4次息，25+50+75+75，2.25厘。而家估再加多1厘—我畀啲buffer你，當你加多2好未？都見到，而家真係已經係加息下半場了。而家仲話驚加息嘅，都真係多餘，一定係諗停加息，甚至減息。

大師冇點你：話咗加0.75，話咗衰退，話咗香港唔加息。

但亦話埋你知，退退加息通脹，都可以照升

15. 好啦，第二部份之前，真係認下叻。你見近排我啲嘢相當有前瞻性，好多時啲友隔兩日先講，我早就估到。真的，包括只會加0.75厘，然後下次減慢。仲有，香港唔跟加prime（週末講）。當然仲有，美國「衰退」。

16. 以及我話埋你知，通脹高美股可以升，加息可以照升，衰退都可以照升—因為之前跌晒了。你不可能每一日都話衰退通脹加息然後日日跌1%，總有個位。但點判斷，就睇經驗睇直覺，不過的確同你講過一樣嘢：美股上半年跌得15%嘅年份，之後每一次，下半年都升，每一次都係。今年7月開局都幾好。

美國「衰退」，三個教訓。第一，好難估。第二，兩次經濟意外收縮美股都照升。第三，留意下個思考方式

17. 講返個重頭戲，美國「衰退」，亦係早幾日嘅文話過你知。冇乜特別，咪就係第二季嘅經濟意外收縮（市場估溫和擴張），而因為第一季已經縮咗，連縮兩季，就叫「技術性衰退」。但你見白宮，聯儲局官員，財政部耶倫，之前都有不停提到「冇話兩季收縮就即係衰退」—又唔算話搬龍門，係講得有道理嘅。你可以當呢個係一個好溫和嘅衰退。不再重覆。

18. 但我仲想你留意三樣嘢：

19. 首先，你見到，呢啲經濟增長嘅預期，同實數可以爭好遠（街估擴張0.5%，結果係縮0.9%），而你見估CPI之類唔會爭咁遠的。並唔一定係經濟師廢，而係真係難估。

20. 第二，你估中，亦唔代表知個市點行。都話啲外行人，就以為出個失望嘅數字，就會跌。個股嘅業績可能會係咁（都唔係次次），但經濟數據係另一回事。我都講過，兩次出收縮嘅數字（上季都今季），兩次都令人意外，兩次美股都升！

21. 最後，我在呢度寫唔切，但Facebook Page寫咗。見到出個數字之前一晚，白宮又出嚟出口術，今次講「美國唔係衰退」。留意，好多人會理解做「即係個數字靚」，但我就話「即係個數字差，所以話定你知差都唔係衰退」。你可以留意下我成個思考嘅過程。

22. 咁實情，收縮咪收縮咯，衰退咪衰退咯，冇乜特別，衰退都可以升，要跌都跌咗。唯獨你可以留意，啲加息預期，就變得更低。只要嚟緊啲通脹數字唔太過份，照計呢個「加息」好快收工，上面都講咗，個加息周期，應該大半了。

6月中到而家，加咗1.5厘息，但10年債息跌咗0.75厘！

23. 最後我想講，債息。玩下玩下，2.7厘都穿埋，3個月低位（留意我呢個係3個月嘅圖）。由6月中嘅高位，回咗0.75厘落嚟，而當中加咗0.75+0.75 = 1.5厘息。好值得令你再三諗下，個市場係點運作，呢個係個好好嘅例子。

24. 近排債息回落，幾個因素，一來驚衰退，二來估通脹見頂，三來估加息放慢（其實，「三樣嘢咪同一樣嘢」）。

25. 好啦，最重要當然係：一路都話，呢個係對股市嘅好消息。特別係啲科技股，所以你見7月納指咁強勢，議息嗰晚升足4%，絶對有原因。

債息倒掛程度N年最勁，點解預示衰退？

26. 真係最後提埋你，隨住10年債息係咁跌，咁你見到，個債息倒掛（2年高過10年）嘅程度越嚟越嚴重 —實情你可以話之前倒掛已經預警咗現在嘅「衰退」。不過，隨住加息預期跌，隨住加息去到下半場甚至補時，2年債息，當然會急跌，到時你唔會再見到倒掛了。呢個例子又解埋你知，點解「債息倒卦」往往預示到衰退。，因為2年息係睇短期，10年息長期，衰退之前，多數都係2年息因為加息而升，但10年息啲友估經濟衰退而上唔到。唔係好明嘅？過幾日詳細講

＝＝＝

富途嘅，唔使link，download 佢個app，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

================================

Facebook Page：「君子馬蘭頭」ivanlirsesearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。