原來上星期港股跌幅係2020年3月後最勁！估唔到，跌得仲多過今年3月？大師冇點你：銀行啲友部份攞返錢，亦都冇見到咩大擠提，爛尾樓就有啲復工。但錢從何來？6月一二線城樓價升幅擴大，花旗話5600億壞帳，好多咩？同你計下數，舊年工行嘅撥備前盈利都6200億了．壞帳升五倍，去到1.9%，好多咩？全中國53萬億房貨，好多咩？是日教訓：一句垃圾，係要用好多時間反駁。所以避開為妙， (Patreon)

原來上星期港股跌幅係2020年3月後最勁！估唔到，

跌得仲多過今年3月？

大師冇點你：銀行啲友部份攞返錢，亦都冇見到咩大擠提，

爛尾樓就有啲復工。但錢從何來？

6月一二線城樓價升幅擴大，

花旗話5600億壞帳，好多咩？同你計下數，

舊年工行嘅撥備前盈利都6200億了．

壞帳升五倍，去到1.9%，好多咩？

全中國53萬億房貨，好多咩？

是日教訓：一句垃圾，係要用好多時間反駁。所以避開為妙，

1. 值得講嘅非常多，反而唔知邊度講起。但照舊，市場去到幾關鍵嘅位。而似乎係向好嘅，特別係美股。所以反而講返冇咁重要嘅港股先。

原來上星期港股跌幅係2020年3月後最勁！估唔到

跌得仲多過今年3月？

2. 唔講未必知，港股上星期跌咗1400點，6.6%—原來係2020年3 月以嚟最差嘅一星期，估唔到。你睇點數就冇乜邊日跌好多，但就跌足五日咁。仲有，今年3月嗰時當然跌得勁好多，但又橫跨咗兩個星期，第一個星期周中先跌，然後到第二個星期尾已經反彈。

3. 跌嘅原因，唔多唔少都同近來嘅爛尾樓同銀行存款問題有關，早兩日已經好詳細咁寫咗（呢度，同呢度）。你見市況亦大約反映我形容嘅情況—唔係大災難，但亦唔係完全冇影響，所以你見咪有啲跌幅。

大師冇點你：銀行啲友部份攞返錢，亦都冇見到咩大擠提

爛尾樓就有啲復工。但錢從何來？

4. 不過正如嗰兩篇文講，你見政府就十分快留意到個問題。固然都仲會好多問題，但唔似會點失控。例如乜乜村鎮銀行嘅苦主，部份已經拎返存款（但當然係細嗰啲）。同樣地，有啲爛尾樓盤已經復咗工。同我預期嘅差不多。咁錢從何來？怕且都係由內銀度嚟。所以股價會有啲壓力，更何況，呢堆嘢之前一路跑贏大市，而港股仲係跑贏美股嘅。

6月一二線城樓價升幅擴大

5. 另一方面，之前都有寫過，部份啲政策可能鬆綁。而同你想像中唔同，啲一二線城市樓價，係回升嘅。部份內房例如中海外688今年仲升緊20%，所以掉返轉頭講，值博率係唔高的。

6. 真係怕嘅，咪唔好買咯。但買美股你又有美股嘅驚，港股又有港股嘅驚。到你唔驚嗰時，其實就最驚。即係舊年年中咁嘅市況，個個當自己股神。

7. 正如之前講，村鎮銀行嘅故事，主要係社會問題，對金融系統影響不大，你亦都冇見到其他銀行出現咩大規模擠提。爛尾樓停供就危險啲，所以再講講。可以睇睇花旗嘅報告。留意呢啲報告當然亦只係一個估算，但至少有個數字，亦畀你睇到點計，總好過你啲網友乜都話「骨牌效應」，「連鎖反應」，全部死晒—咁即係瞓身沽空？又唔敢喎。即係講咗等於冇講

花旗話5600億壞帳，好多咩？同你計下數

8. 言歸正傳，花旗嘅報告夠嚇親你，話可能涉及壞帳5600億，應該係每年，可能持續兩三年？聽數字好誇張，但唔好忘記大陸嘅銀行體系都極大。我地cross check下啱唔啱數？大陸嘅銀行貸款，講緊大約210萬億，你預大約30%係房貨，即係有60萬億左右。

9. 30%點嚟？你求其搵間大型內銀嘅年報都會見到，我呢度貼嘅係工行。

10. 另一個source，見到個數字係53萬億。See？大約都同我個估算（60萬億）接近的。當中分別仲有好多原因，例如有啲政策銀行（國開行之類）根本唔借錢畀個人客戶。但，就當係53萬億。記住，大約有個數，總好過你咩數都冇去亂估。

11. 於是睇睇花旗嘅報告，5600億壞帳，除以53萬億，講緊係1%左右（佢份報告寫1.5%，細節不研究，但大約都啱）。其實之前都有講，你住緊嗰啲友，冇可能斷供。爛尾樓嘅，涉及可能係批出按揭總數嘅幾個%。花旗用1.84萬億計，然後唔好忘記，你仲要畀首期，亦總冇可能全部人都唔還錢，仲要銀行唔會一年食晒啲壞帳。所以就係咁得出個5600億壞帳，大約係咁。

舊年工行嘅撥備前盈利都6200億了

12. 5600億大約係咩概念？舊年四大行，純利講緊11000億。工行一間，就3500億，撥備前就6200億。應該係計撥備前，因為你啲壞帳就係由呢個數度減，減完再扣埋稅就變純利。

13. 留意上面第一個圖見到工行房貸大約64000億，而全中國房貨53萬億。你大約可以當工行market share 12%。用返呢個12%大約計，成個銀行業，純利大約29000億，撥備前盈利大約52000億。

14. 當然全部係大約，但你大約睇到了，5600億嘅壞帳，食落去，會有啲影響。但唔會係爆煲。

壞帳升五倍，去到1.9%，好多咩？

15. 另一個演繹方法（同一份報告），就講內銀嘅壞帳升5倍—話升到1.9% —好誇張咩？又唔係。呢個壞帳率，肯定唔會做成銀行有任何問題（因為，之前都見過）。又大約計下，5600億或者1.81萬億嘅壞帳，除返成個體系嘅210萬億貸款，即係大約0.3 – 0.9%。咁你計埋其他嘢，咪大約1.9%，大約都啱數。

全中國53萬億房貨，好多咩？

16. 最後一提，頭先講53萬億房貨嘅source，有計埋人均負債15萬—但佢呢個負債唔止講房貸。如果你計人均房貸，14億人，每人4萬蚊，完全唔多。當然你冇理由計埋啲學生，計勞動人口9億人，每人6皮嘢。再計及唔係人人有錢買樓呀，有啲供滿呀，兩公婆一齊供之類，咁你大約估算到，咪幾十萬。同呢度講嘅數字，都大約接近。順帶一提，你計人均GDP，香港係大陸三四倍左右，計返條數，都係大約似樣的。

是日教訓：一句垃圾，係要用好多時間反駁。所以避開為妙

17. 搞一大輪，可能你都好頭痛。我旨在示範兩樣嘢。第一，人地大行分析員，估股市走勢點錯都好，呢啲基本嘢都係要做嘅，估啲數字點都要有啲理由，全部列出嚟畀你睇。你可以質疑每一步嘅假設，自己去改，但人地有做晒出嚟畀你，就唔係隨口講兩句。你見啲嘢，大約都係啱數。

19. 第二，你可以睇下，你啲網友求其一句「爆煲」，「5000億壞帳」好多，你睇下要用幾多時間去澄清去解？呢個亦係我勸誡大家，唔好同啲傻仔爭辯。你好得閒又想學多啲嘢嘅，咪睇我嘅文，甚至學我咁自己計。你冇時間嘅，亦冇所謂，就專心你嘅工作，搵多啲錢。最好就睇少啲網上啲KOL或者你啲朋友whatsapp send出嚟嘅意見，我每日都收好多呢啲垃圾。真係要睇新聞嘅，睇悶啲嘅source，明報信報都幾好。仲有，真係要睇嘅，你應該係睇「新聞」，唔係「評論」。一般傳統媒體嘅新聞都仲係有個譜嘅，但評論嘅嘢，正如我在Facebook一樣，梗係要標題黨嚇死人各懷鬼胎。

＝＝＝

富途嘅，唔使link，download 佢個app，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

================================

Facebook Page：「君子馬蘭頭」ivanlirsesearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。