ivanliresearch

通脹9.1%，但股市反應不大喎，好事，不過，係咪真係加1厘息？但下半年通脹點都跌啦啩。說好了的俄烏戰爭油價勁升糧價勁升。商品指數，而家係2005年咁嘅位。但美股升咗N倍。我入行時油價100，而家又係。「同廢柴港股一樣」，但至少港股有息收。衰到衰退，咪冇通脹咯，滿意未？美股業績依然勁，暫時係，雖然只係幾間。點都要講比亞迪，兼講CCASS 同「數花」唔諗住沽貨嘅，放入花旗把托？所以，買股票真係要買兩手。「或者買美股」最後講多次，畢菲特買比亞迪嘅教訓。 (Patreon)

Published:

2022-07-13 16:04:54

Edited:

2022-07-13 20:50:08

Imported:

2022-09

Content

通脹9.1%，但股市反應不大喎，好事，

不過，係咪真係加1厘息？

但下半年通脹點都跌啦啩。

說好了的俄烏戰爭油價勁升糧價勁升。

商品指數，而家係2005年咁嘅位。但美股升咗N倍。

我入行時油價100，而家又係。「同廢柴港股一樣」，但至少港股有息收。

衰到衰退，咪冇通脹咯，滿意未？

美股業績依然勁，暫時係，雖然只係幾間。

點都要講比亞迪，兼講CCASS 同「數花」

唔諗住沽貨嘅，放入花旗把托？

所以，買股票真係要買兩手。「或者買美股」

最後講多次，畢菲特買比亞迪嘅教訓。

1. 今次呢篇，索性等埋個通脹數據出嚟先講

通脹9.1%，但股市反應不大喎，好事

2. 萬眾期待，結果係9.1%，再破頂。上次係8.6%，街估係8.8%，都明顯高過預期。更惡搞嘅係，即使撇除食品同通脹嘅核心CPI，都有5.9%，高過街估嘅5.7%。勉強叫做低過上次嘅6.0%。

3. 順手又講，你見有時啲「街估」，唔同報導都唔同，正常的，但唔會爭好遠。

4. Facebook Page都有講，假報告10.2%就冇乜特別（最後都果然係假嘢），只係反映市場好多人關心或擔心。不過之前白宮已經打晒開口牌話個數會肉酸，一早警告市場。（記得上個月都係咁）。唔多唔少都大家有心理準備，所以你見股市反應唔太大。

不過，係咪真係加1厘息？

5. 值得睇嘅係，呢兩日嘅加息預期（上CME睇吧）。暫時見到更多人估預加1厘，但未過半，但仲有一段日子先議息。而在呢個咁嘅過程中，難免又有啲市場波動了。但都係嗰句，市場幾時都係有壞消息，只係升嗰時你唔理咁解。我依然係堅持個個月買股票的，你只在「好消息」時買，就會係舊年摸晒頂。但當然呢度係要相當強嘅心理質素，亦都要你上少啲社交網，少啲同人討論。因為呢個世界充滿住好多永遠覺得爆煲嘅人。

但下半年通脹點都跌啦啩。

6. 咁但，你見昨日我都有講，相當有信心，通脹好快會回落。回到幾多唔敢講，即係你可以到時話5%都仲係好高，但點都似好快回落。

7. 首先講「商品價格」，就真係我要講嘅嘢。

8. 我實在要話你知，好多你網上睇到嘅嘢，真係全錯的。或者講嗰時好似有道理，但錯晒後唔會出聲。呢啲係人之常情—所以你更加應該要自己睇。但當然大家冇時間，又或者未必識睇，「所以有我」。但我亦會估錯，我亦會估錯咗冇件事，人之常情。

9. 仲有，你自己嘅想法，有時都係相當錯嘅。所以唯一最唔會呃人嘅係乜？就係價格。係冇得拗的。

說好了的俄烏戰爭油價勁升糧價勁升

10. 睇圖，十分簡單。粟米，小麥，大豆。價格全部由高位跌三四成，甚至係仲平過俄羅斯打仗前。說好了的「俄烏戰爭全球糧荒糧價升」，去咗邊？馬後炮解釋可以好多，但供應鏈問題總會過去，況且，經濟放慢緊嘛。

11. 你見到，眾多商品，第二季嘅表現都係唔得的。除咗驚經濟放慢，亦都話畀你知，好多妖象只係因為印錢太多。Buy now Pay Later 如是，SPAC如是，發夢股如是，Crypto都係咁上下。相比之下，你見股市並冇跌得咁誇張（但當然，商品都係有「實際用途」嘅）

12. 油價，亦都不用講，早早就入熊，說好了的俄烏開戰油價勁升，有冇發生？定升得一陣又當係？

13. 事實係，大宗商品指數，早早亦都高位回咗兩成。如果你堅持「熊市」會繼續跌嘅，咁點解又覺得商品會反彈，而股市就唔會？

商品指數，而家係2005年咁嘅位。但美股升咗N倍

14. 信不信由你，但你可以望下呢個CRB商品指數，2005年係咁嘅位，而家係咁嘅位。我入行時講緊油價100蚊，而家又係油價100蚊。「同港股差不多」。我入行時又20000，而家又20000—但至少港股有息收

我入行時油價100，而家又係。「同廢柴港股一樣」，但至少港股有息收

15. 當然整體嚟講，一般有得升，但可能只係跟通脹，仲有好多時間係橫行，區間上落。同股市完全唔同。點解？因為啲商品唔會成長。最多就只係更多錢追，印錢效應。

16. 幾明顯見到，會係跑輸股市嘅。你望下2005年標普指數幾多？納指呢？

答案係：標指升咗3倍，納指升咗7倍。

17. 亦所以點解，一路都叫你買股票。人口增長又放慢晒，科技又進化，仲全世界都講減碳，你啲油價可以升幾耐？我早早已經質疑。

18. 實情呢類商品價格大跌嘅故事，媒體都一路有報。

衰到衰退，咪冇通脹咯，滿意未？

19. 不過比較惡搞嘅係，你見唔計油價嘅核心通脹，都仲係高過預期的。雖然我仲係估通脹會回落，但怕且唔會回得好快。但，總之都係應該回落。原因有好多，首先係，點睇個經濟都係放慢緊。上面你見啲商品價格高位大插，唔多唔少都係驚經濟放慢。「衰退咪冇通脹咯」，正常會係咁。你話咩人工引致嘅通脹，去到啲友冇工返，自然冇得加人工。而你見到唔少公司已經減慢招聘步伐，甚至炒人。NetFlix Rivian你可以話因為太進取擴張，但Facebook　微軟　Google都一係炒人一係放慢請人（唔貼source了，自己搵），就十分明顯。當然你可以話暫時集中在啲科企，又好似係。最低收入嗰班，飲食服務業嘅，反而仲係缺人。但，照計只係時間問題。

20. 篇幅關係，聽日會再講多啲。

美股業績依然勁，暫時係，雖然只係幾間

21. 講完呢啲大路嘢，睇下啲微觀啲嘅。見到暫時出嘅業績，都唔錯，雖然只係講緊兩間。百事，在Facebook Page有提，業績點都係好，仲要係上調咗全年預測，相當難得，亦唔多唔少係通脹受惠股。不過當然你亦可以話啲友轉食平嘢。仲有，見到股價反應又唔算太好，令人有啲擔心我之前講嘅「業績好都照插」，但至少唔係大跌。

22. 而另一間，美國航空，就絶對係好，預料第二季會賺錢，疫情下首次。股價即彈10%．但留意返呢個唔係業績，係指引嚟的，應該月尾先出。所以到時股價就唔會再因為呢個好消息又升多次了。