ivanliresearch

首先教你睇今晚PCE，美股5連升，開始估停加息，邊個話衰退就唔買股票？Kyle Bass嘅嘢，今次唔估港紙爆煲，估美國衰退，「今次應該中啦啩」蘋果 Nvidia—壞消息下都跌轉升，見底啦啩？業績一次過講晒：Dell，Gap，Costco，Macy’s，Dollar General，Dollar Tree港股：得60%指數升，但66隻恒指成份股，有60隻升。即係點？ (Patreon)

Published:

2022-05-27 12:05:18

Edited:

2022-05-27 13:52:10

Imported:

2022-09

Content

首先教你睇今晚PCE，

美股5連升，開始估停加息，邊個話衰退就唔買股票？

Kyle Bass嘅嘢，今次唔估港紙爆煲，估美國衰退，「今次應該中啦啩」

蘋果 Nvidia—壞消息下都跌轉升，見底啦啩？

業績一次過講晒：Dell，Gap，Costco，Macy’s，Dollar General，Dollar Tree

港股：得60%指數升，但66隻恒指成份股，有60隻升。即係點？

1. 今日實在好多好多嘢講，偏偏我出去睇醫生，所以而家（星期五1845）先寫。

首先教你睇今晚PCE

2. 但講落去之前，特別留意今晚開市前出嘅PCE數據。唔知係乜？呢個同CPI都係「通脹」，但聯儲局主要睇呢個PCE，所以幾重要。廢話小講，PCE街嘅預期係升6.4%，上次係6.6%。如果核心PCE，街估係4.9%，上次係5.2%

3. 咁你見到了，街係估緊啲數字下降，「通脹見頂」。如果真係嘅，近排強勢嘅美股有得再上。如果唔係嘅，亦有機會回返啲。但我係傾向樂觀。

美股5連升，開始估停加息，邊個話衰退就唔買股票？

4. 好啦，不用我多講，美股星期四做得好好，連升5日。之前我講「見底」，結果標指再破咗底，但都好快返返上嚟，都只係講早咗幾日，我覺得算係咁。

5. 近排升乜？都真係唔係好知。不過昨日都有講，你見似乎啲人開始估就快唔加息，而同時間又估美國唔會衰退。呢個同早少少前嘅氣氛都幾唔同，記唔記得當時有啲公司（零售商，仲有Snap，A&F）業績後大跌，總有人又會擔心經濟唔掂，但睇真啲又未必係。

6. 結果都幾搞笑，冇耐前先話驚加息，驚衰退，話零售股業績差。一個星期後，就覺得就快停加息，而又話零售股業績好—陣間詳細講，但記住，narrative嘅嘢，唔好睇認真，唔好睇得太短線。

7. 但真係值得一講，聯儲局議息會議紀錄出嚟後（昨日寫過），越嚟越多人估9月就開始暫停加息。可能就係通脹見頂啦，亦好可能因為驚拖低經濟，會睇定啲先。然後你見到啦，邊個話經濟差實對股市不利？而家正係因為經濟有衰退壓力，股市先升。記住永遠係預期。

Kyle Bass嘅嘢，今次唔估港紙爆煲，估美國衰退，「今次應該中啦啩」

8. 而我不知道Kyle Bass幾時變咗「沽空之王」。近年啲戰績分分鐘差過你同我，而之前佢押注港紙爆煲都損晒手—不過留意，佢係買option，本質同買六合彩差不多，港紙脫勾肯定係tail event（費事乜都講黑天鵝），即係99%嘅情況佢都會輸，但佢就搏有機會中頭獎咁解。所以佢只係買咗些少，同埋，錢事少，畀佢扑中就又可以也文也武了。好多時你地睇啲市場人士做嘢，要諗埋呢啲。呢個例子亦都畀你見到點控制注碼，人地買啲好可能輸晒嘅嘢，就唔會買得大的。

9. 但話說回頭，最近佢上電視，當然冇再睇提港紙。但今次佢講啲嘢我大約都同意，你可以睇下，就係佢估美國可能會衰退，而聯儲局根本加唔到好多次息。