[FB文] 金融 ［祖先不開眼呀～～～令你好擔憂。從前知道係咁醜，佢就唔使踎街頭］ (Patreon)

FB出左篇文，連結如下（粗口慎入）

https://www.facebook.com/ivanliresearch/posts/519543739744899

［祖先不開眼呀～～～令你好擔憂。從前知道係咁醜，佢就唔使踎街頭］係喎，分享返，呢個月我執返成球嘢嘅策略。絶冇click bait，唔使Patreon入面講，呢度就講。

1. 首先都要講，少少標題黨。可能冇一球嘢，但點都大半球，「唔會三國咁十幾廿萬又話百萬大軍」。

2. 另外，嚴格上，我唔係「賺咗」，而係「輸少咗」，但兩者可能都差不多意思，睇你點演繹。反正我個倉嘅價值，由呢個月嘅低位，就彈返成球嘢咁。你見證監呀之類罰，都係話計「獲利」或「避免咗損失」嘅金額。即係你內幕交易，賺錢固然嘔返出嚟（釘牌坐監罰錢外），但「輸少咗」都要罰。

3. 好啦，我做咗乜？好簡單。我就係乜都冇做。除咗照舊每個月買嘅嘢外，乜都冇做。

4. 冇錯，唔做決定都係一個決定。冇呃你。因為，如果我聽「主流」講。嘩打仗喎，跌10%要止蝕喎，我就保證低位打靶，咁就真係至少身家少咗一球嘢。

5. 有辦你睇，乜乜俄烏開戰一個月，美股升咗幾多？證明你啲「主流」意見，係乜？

6. 有人話煩，咁我又換個角度同你討論下哲學。究竟，乜嘢係「主流意見」？有啲嘢易啲睇到，但投資，就唔係咁簡單。人人都係contrarian，咁邊個先係contrarian？

7. 朋友share我嘅文，有時都有啲戒心。因為話，此人（即係我）寫啲嘢，非金融又好，金融又好，往往睇法同大家都幾唔同，大家可能覺得好荒唐云云。

8. 非金融嗰啲，我絶對理解點解啲人覺得好離經逆道，明嘅。

9. 但講到金融，我就覺得奇怪。因為，實情，我寫嘅嘢，相當相當大路喎。

10. 好簡單，你睇我嘅出身，我讀Financial Maths，做銀行，做大行（sort of）分析員，做星展策略師，呢啲，都係「大路」得很嘅嘢嚟的。屁股指揮腦袋，咁你在嗰個系統下做咁多年嘢，你啲嘢自然係有個譜的。

11. 例如？我總唔可以在星展報告，寫印度靈童話點點點。亦唔可以出個報告講水星逆行。我又唔可以話寫個報告話，世界大戰啦，恒指目標價係零，因為核爆，冚球鏟。就算我夠痴線肯寫，我老細都唔會畀我出，因為會連累佢。

12. 我在呢度講嘅嘢，根本係「大路」到不得了。你見我寫得最多係乜？別人恐懼時我貪婪，買多啲指數ETF，要搵有護城河嘅公司，股價最後都係睇公司嘅盈利，政治事件好少長期影響股市。

13. 根本，全部係正路正路到不得了嘅嘢。畢菲特，Peter Lynch之類。

14. 但就奇怪啦，點解啲人覺得呢啲嘢唔「大路」？

15. 好簡單，因為佢地睇嘅嘢，就係乜水教你10%止蝕。乜水話烏克蘭打仗好大獲。乜水話肺炎好大鑊死緊人聯儲局唔識整疫苗。

16. 但，真正最大鑊嗰時，畢菲特同你講乜？佢話Buy American, I am嘛。

17. 再講白啲，有啲人未撚開化嘅，佢咪覺得有病你叫佢睇醫生，係你唔識嘢，明明佢啲朋友個個都係香爐灰溝水飲。哈，呢條友叫人睇醫生，識唔識架？

18. 不過呢，就唔使拗一輪嘅。好簡單，科學嘅嘢，咁，你可以睇下割包皮，應該自己割，定係入醫院？流血不止時，應該拎啲香爐灰（記住攤凍喎）包住條賓周，定係去睇醫生。賓周自己嘅，痛唔痛，呃到人呃唔到自己。

19. 同樣地，呢個圖，畀你見到。2月23日，咪俄羅斯打烏克蘭咯。根本，就係相當好嘅時機，我有冇呃你？標普指數升咗10%。都唔係講納指咁屈機，或者叫你港股狂瀉時仆入去啦。

20. 係，捉到呢個位，梗係難啦，事後先知。但退而求其次，你可以做嘅，就係睇少啲垃圾。我唔在呢啲位打靶，就已經執返成球嘢啦。

21. 唔順超嘅，下次再玩過咯。但，上次疫情股災，我都係咁講架啦。

22. 我Patreon都會講，星展最近有份報告（坡國），調高中國股票至「增持」

23. 本來，大行嘅嘢，唔使太認真，都係為咗做生意（當然啦，出糧的嘛）。坡佬講啲嘢都係好大路嘅嘢，我去講都係嗰啲（實情以前佢都係參考埋我啲嘢，當然佢大粒過我），甚至你去講都識講

24. 有趣嘅係，佢提到，「投資者普遍認為軍事衝突對金融市場造成毀滅性打擊」

25. 好啦，你同唔同意？不如諗下，乜嘢叫「投資者」？就係我頭先講嘅問題，咩叫「主流」？

26. 「投資者」呢個字眼，相當含糊。我嘅諗法：如果你話「投資者普遍認為軍事衝突對金融市場造成毀滅性打擊」，咁，美股升足10%，咩人在買？嗰啲係咩者？

27. 又或者你諗下，齋吹唔做嗰啲，係咪叫「投資者」。

28. 記住，金融市場，就唔民主嘅，投嘅係金錢票，同埋決心票。我話你知講到天花龍鳳，十萬人集氣覺得股災，你冇錢嘅，意見價值係零。你有錢，但你唔買落去嘅，價值亦都係零。

29. 學到嘢未？你堅持覺得我只係自吹自擂，咁幫你唔到啦。下次再玩過。

30. 仲有，總有人講，而家升返你先咁講啫。首先，開戰時我已經話驚都冇驚過，你自己搵文。第二，咁，股票，應該係多數會升返嘅。你嗰隻唔係？咁當然係你問題。

�

＝＝＝

富途嘅，唔使link，download 佢個app，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

================================

Facebook Page：「君子馬蘭頭」ivanlirsesearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。

我本大作：呢篇文亦有介紹係乜。7萬字，128蚊，最簡單去HomeBlogger訂，可以去佢地尖沙咀辦公室拎，或者加20蚊會順豐畀你，建議Whatsapp佢地客服以免摸門釘。暫時大家訂都幾順利。遲下書局都會有。另外20蚊或40蚊會員年費會員送書一本（記住年費先有），遲下安排，但最簡單係你買咗我回水畀你。�