[FB文] 非金融 [許欽文] (Patreon)

FB出左篇文，連結如下：

https://www.facebook.com/ivanliresearch/posts/515124553520151

［許欽文］If you are cheating, at least you are trying

1. 騰訊嘅嘢，唔使等ADR（？），唔使睇烏克蘭局勢，唔使睇香港開市。睇阿姆斯特丹同約翰內斯堡就夠啦。有乜共通點？「都係五個字」，同埋，「都係講荷蘭文（sort of）」

2. 上回講到，以前同啲尊尼亞玩，睇消息估股價反應。都冇講，業績，反而係最難估反應。特別如果係睇唔到街邊估幾多（所謂嘅「市場預期」）之下。即係，新入職啲小朋友，就仲會覺得盈利升3倍就好勁股價會升，盈利跌七成股價就會跌。但返得幾個月工嘅，照計，啲準繩度，應該已經唔會同我差太多。「明顯我train 得好」

3. 有次正係騰訊業績，尊尼亞一號自首，話其實自己係睇Prosus 同 Nasper股價的。我話好丫，都預到你夠醒嘅會出呢招。「但盡在你老細我本人預計中啦」。但冇乜問題，至少你知道咩係Prosus 同 Nasper，至少你去望。If you are not cheating, you are not trying

4. 但當然，為師嘅，估都估到你做乜啦。「因為Bloomberg 睇到上次幾個screen」。後來到尊尼亞二號上任，又係用呢招，都好，至少都知咩係Prosus 同 Nasper

5. 但，即係，「你地嘅功夫都係為師教嘅」。你份魯迅嘅《吶喊》讀書報告，去抄許欽文本《吶喊分析》，就未免太明顯，太唔用力了。因為，人人都係咁抄，好覺的。人人都抄，你有乜優勢？

6. 年紀細嘅小朋友唔知，曾經何時「中國語文及文化科」（我好抗拒人地簡稱做中化，好似大陸啲化學公司名咁，寧願你叫「中文」或「文化」），有一部份係要做讀書報告。定好似唔一定報告，但五本書，有啲做讀書報告，有啲做測驗咁。當然仲有呂叔湘嘅《語文常談》，作為中學生睇嘅introduction to linguistics（講英文型啲）幾好睇，但本書政治意識形態極重，重到細細個嘅我都feel到，例如佢就主張漢字拉丁化，同埋貶低方言之類。

7. 但講返，魯迅嘅《吶喊》，應該無人不識。咩話？邊個魯迅？即係……佬訊profile pic嗰條友，明冇。

8. 至於許欽文，聽聞都出名的，有維基百科條目嘅人都出名。「但我就真係唔識」。

9. 對於我嗰代嘅中學生，許欽文唯一有人識嘅著作，冇錯，就係《吶喊分析》。

10. 成件事係好撚笑到，好啦，魯迅，指定毒物，咁你要去買啦（有啲學校大量訂）。各大書局有售（我年代上網仲未普及）。但，最撚好笑係，各大書局，魯迅本《吶喊》在當眼處，但側邊，就放埋一幢許欽文嘅《吶喊分析》。睇你個樣就知你買春藥抄功課啦，彷佛覺得書店老細變咗曹查理

11. 成件事，就係買豬肉搭豬骨，買菜搭棵葱，買煙送埋打火機，果本綠色嘅《吶喊分析》，深深在我腦海。

12. 就係咁樣，至少在H城（慎防你唔知，我係模彷魯迅嘅寫法），許欽文就多得魯迅，變得出名。即係好似你睇幾多次柏金，就見到幾多次達比薩斯咁。你睇幾多次米高佐敦，就會見到幾多次羅素（近代啲嘅例子？諗唔到。）

13. 許欽文有冇成就？咁你話達比薩斯好唔好波，羅素好唔好波？職業球員喎，當然好波。但，不幸或幸運地，佢地就因為另一個巨人，就變得更加出名。

14. 講返本《吶喊分析》，我係有買嘅。但幾時買？係在我寫完讀書讀告之後。「睇下佢又寫得有幾巴閉」

15. 唔好話而家啲人一千字都話長文，即使我年代，寫篇兩千字嘅報書報告，都好多人視為苦差，要去抄。而我份嘢寫咗三千幾四千字，證明我真係天生食呢行飯！用原稿紙寫添呀！

16. 「嘩你老哥手字」。冇錯係丫，「所以我交功課係重新電腦打一份的」。當年已經覺得打中文字好治癒，再一次證明我係食呢行飯的。點解唔一開頭用電腦打？因為習慣在街睇書，但當年當然唔會有手提電腦。

17. 你話，喂，咪住先，你考A Level冇得打字啦啩。冇錯係丫，醜婦終須見家翁。但本人照樣拎個A—你諗真啲，可想而知我幾咁勁。我手字寫到咁都仲拎A喎！「即係你想像下一隻又肥又醜嘅鴨但好多客，有乜結論？」

18. 當然你可話，幸好我個年代，寫字醜都係畀人笑下串下啫，早廿年就真係分分鐘書都冇得你讀工都冇得你返。但又掉轉諗，換著係1%人先入到大學嘅年代？本人做咗高層淫魔上晒岸啦。況且，嗰個年代，Kong U仔，使識中文？以中文唔多好自豪添呀。

19. 最後一個插曲，我教書時，手字並冇引起學生好大嘅震憾。因為真係可能數學老師啲字特醜，我校都至少有兩位老師啲字仲恐怖過我。所以我寫嗰時，啲學生都冇乜好大反應，雖然聽到有人講「又係咁」

20. 無論如何，《吶喊》係一本稱得上偉大嘅書，我唔明白點解啲人睇完，可以寫兩千字都寫唔出。我甚至唔明白，點解有人可以睇唔完本書。再次證明，我係注定食呢行飯的。

21. 照舊，離晒題（其實邊個先係「題」？），講騰訊嘅，Patreon先慢慢講

�

�

富途嘅，用我個開戶碼：9M85BY4D

IB嘅，買啲歐洲股日本股新加坡股，送佢自己嘅股票：ibkr.com/referral/yinha820

華盛，可能都多人未開：vbrokers.app.link/e/ivanli

Webull嘅：a.webull.hk/i/IvanLi

USMART：usmart8.com/kol/r/G6

================================

Facebook Page：「君子馬蘭頭」ivanlirsesearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。

我本大作：呢篇文亦有介紹係乜。7萬字，128蚊，最簡單去HomeBlogger訂，可以去佢地尖沙咀辦公室拎，或者加20蚊會順豐畀你，建議Whatsapp佢地客服以免摸門釘。暫時大家訂都幾順利。遲下書局都會有。另外20蚊或40蚊會員年費會員送書一本（記住年費先有），遲下安排，但最簡單係你買咗我回水畀你。