[FB文] - 非金融．［邊個有巨無霸邊個就就係新世紀嘅霸主！］ (Patreon)

FB出左篇文，連結如下：

https://www.facebook.com/ivanliresearch/posts/508514030847870

［邊個有巨無霸邊個就就係新世紀嘅霸主！］雖然十分content farm，亦唔知有幾多成交。但，大原則係不變的

1. told ya：有禁運制裁，自然就有走私黑市。有人話經濟學冇用，我就話你知４呢啲係定律。

2. 同時間，美國（歐洲唔記得有冇）就禁止進口俄羅斯海鮮（魚子醬？）同酒（伏特加？但Absolut Vodka係瑞典嘢，唔好表錯情）（＊），又唔畀出口奢侈品等等，「你可以發揮香港人基因，諗下有乜商機

3. 犯法？我就唔知啦。但咪話，韓戰禁運，一樣有香港人撈到盤滿砵滿做社會賢達，賢達過雷賢達。我見佢地一樣大搖大擺，唔見美帝或中共鎖佢喎。（just like，李祿之前一樣返北京大搖大擺，冇見佢畀人鎖喎，雖然係通緝名單）

4. BTW，少擔心，啲友做過實驗，麥當勞啲包，就真係有排都唔化的（＊＊）

5. （＊）斯德哥爾摩未有譚仔三哥，但就有Absolut Vodka嘅冰酒吧，吧枱坐椅都用冰做。又，Absolut Vodka嘅marketing 同 design係教材級，擺明伏特加差不多係commodity（其實好多酒都係），仲要係低價老粗買醉嘅嘢，點樣將佢變到潮化，後生仔，女仔都飲？就係功力。又，原本我都唔識呢啲，點解識？你睇多啲唔同嘅嘢咪識，睇少啲垃圾。但真係好多人係冇分辨垃圾嘅能力，亦所以根據我嘅理論，呢啲能力就係分野。

6. （＊＊）好記得一篇經典《老夫子》。講老夫子係咁食即食麵，大蕃薯叫佢唔好食咁多，有蠟。然後N年後老夫子死咗，啲末來人發現佢遺體，好似木奶伊咁保存得好好，就話因為生前食得多即食麵（＊＊＊）。而家呢？可以用麥當勞代替。又，兩個補充：第一，呢啲擺明係假資訊偽科學都市傳說，但，有冇發佈假資訊嘅自由？應該係有嘅。第二，老夫子人人識睇，「但咁多年仲記得，仲可以用返落去寫文」，又另一種功力啦。

7. （＊＊＊）我懷疑啲外星人研究地球人，係會覺得地球人消化系統有問題，要用個外部機器（手機）影一影後，先可以食到嘢吸收到。「有啲人唔記得做呢個過程，拎起咗食物都放返去原位」。正如佢地應該覺得地球啲運輸好落後，個個搭客上太空船之前都要去個牌影張相先運到的，「有啲走咗入通道都行返出嚟」。當中嘅高風險因子（risk factor，講英文型啲）包括女性，飛日本嘅笐線，同埋亞洲人，原因不明。