微軟業績十分勁（有Excel）．聯儲局3月加息50點子？ (Patreon)

微軟業績十分勁（有Excel）

聯儲局3月加息50點子？

1. 係喎，原本話今日冇文，但都係快寫兩句吧。

2. 至於市況，星期一晚同星期二晚，美股又有人話「大奇蹟日」，大佬，道指跌1000點咋喎，3%。頂多係小奇蹟。所以你睇真係人嘅盲點，平時講就大家知應該睇百份比，唔係點數，但到見到跌1000點，你都仲係覺得好似係20年前嘅1000點咁大件事

3. 港股嘅，雖然強勢斷咗纜，但似乎都唔係太悲觀。但更加留意美股，實情呢輪嘅業績，都係勝預期嘅多。當然呢個本身並不能保證唔會再跌，估值嘛。但總好過你業績都唔達標，啲盈利預測要下調，然後估值再下調，雙重打擊咁就可以跌得好勁。

4. 若果之後幾間大科企都可以好似微軟業績咁強勁，照計對市場有一定支持。當然你啲交唔到貨嘅細公司，就祝你好運了。

廣告一抽，跌市拎著數幫補下自己吧

5. 又賣下廣告，今個月最後一次，因為可能有新讀者唔知。有著數就去拎，一般都有過千銀，你開齊幾個執幾千唔係問題，幫補下啲股票損失。至於詳情，送乜，要幾耐之類，就自己開戶時慢慢睇吧

6. 華盛，可能都多人未開，送1200股票現金券。記住用返我個專屬link去開。詳細條款呢度。

7. 之後係富途，而家我用得最多．亦係送兩股蘋果，留意唔係用開戶link，係填碼：9M85BY4D

8. 另一間我用嘅係IB，買啲歐洲股日本股新加坡股，用我條Referral link開戶你會有回贈的。

9. 仲有早排好多人開咗嘅Webull，今個月送兩股Cisco，亦係用我嘅開戶link．

10. 最後係USMART，都送蘋果，月供美股好用的。我嘅開戶link呢度。

微軟業績十分勁（有Excel）

11. 照舊，如果睇公司官網嘅，呢度。CNBC報嘅，呢度。實情美股啲公司官網都做得好user friendly，不過就唔會提自己高過預期低過預期呀咁，又唔會話你知好定壞，唔會講股價反應咁。媒體報就會有埋自己意見，有好有唔好。咁你問我當然兩個睇晒。

12. 你睇CNBC嘅講法都知，收入勝預期，盈利勝預期。而指引都好強。完美咁滯。

13. 你可以睇返個Excel，但留意有啲嘢我未update，自己小心

14. 微軟啲估值，在FAAMG之中都係偏貴。市銷率最高，唯一一間仲可以雙位數，市盈率第二（最高係Amazon，但呢間公司有啲特別，因為網購業務唔多賺錢）。

15. 咁但當然，貴亦因為profit margin高，長期net profit margin都近40%，FAAMG之中最高。首先軟件好多係咁，成功就坐定定收錢，唔同硬件咁始終有一定成本，你諗下賣多套Windows或Office，額外成本近乎係零。另外亦真係食老本，而network effect好大，加價10%你係咪唔用？同對家講你冇Word開唔到人地個file？咁所以啲客戶流失極低的，iPhone你都仲話可以轉Android，Office之類真係好難轉．咁所以，啲表面數字，就只係第一步，但唔代表你唔使識。

16. 另外想你睇，收市後出業績，盤後最初股價都係照大插。都真係R頭，但當然同市況都有關，亦同佢高估值有關，只講個業績就無敵的。

17. 不過，盤後好快已經由低位勁彈7%，證明真係應該有啲人追捧。正路地市況差，啲人都諗啲穩陣啲嘅公司。即係呢啲公司肯定唔會有乜困難，你最多係買貴。

18. 睇返業績，一如所料，收入突破500億，去到517億，街先估509億，實情好驚人。按年升20%，就慢過上一兩季少少。每股盈利2.48，街估2.31。相當輕易地超過預期。單季純利就188億，按年升21%。

19. 但最重要係，預今季嘅收入可以去到485-493億，街先估緊482億，仲會預operating margin改善，證明公司真係充滿信心。

20. 假設做到，計埋今年第一季，咁即係公司12個月嘅收入2000億。市值22000億，都係超過10倍市銷率。

21. 貴，就幾時都貴，但亦見到啲盈利能力真係極強。所以今年先跌14%，跑贏納指，在科技股中算企得最硬嘅幾間了。

22. 至於各項業務嘅，我就快講，三瓣業務收入都勝過預期，各自分別代表乜就睇舊文。生產力業務收入按年就升19%，智能雲收入就按年升26%，More PC收入就按年升16%

23. 咁你睇收入貢獻，暫時三瓣都差不多，但明顯智能雲增長快啲，慢慢會越佔越多。

24. 另外好多人留意嘅，Azure收入（在智能雲入面，但從來冇講實數）按年升46%，同預期差不多，但之前一路近50%嘅增長就不再了，實情個競爭都幾大，因為好賺，好多公司做

25. 最後，遊戲業務佔收入大約11%，而家係在More PC入面。當然呢度未計收購Activision Blizzard，完成後，可能直頭遊戲會成為第四個segment．

聯儲局3月加息50點子？

26. 提提大家，呢兩日係聯儲局議息。照計冇乜人預今次會加息，而聯儲局極少做啲令市場好意外嘅嘢，一般都會事前放風，冇期望都放到你有期望為止。所以極極大機會都唔會加息，但當然真係加，就夠晒驚嚇（不過，股市又係咪一定大跌？唔知喎，市場嘅嘢）

27. 比較有機會嘅，大家可以留意下佢地點放風，引導下一次嘅議息（3月）。基本上全世界都預3月加息（下面再講），而家放得風差不多。另外亦可以睇下佢地對通脹最新睇法（由呢度你就知加息速度會點），甚至會唔會提前縮表等等。

28. 講返3月，當然係眾望所歸加息，已成定局。爭在睇埋局方對之後嘅通脹呀經濟點睇，即係睇佢講會加得幾快，同埋加到幾時。

 29. 不過，都唔止一個人講有機會一次加半厘（50點子），利率期貨市場亦話你知有可能—但唔係主流。即係話，加25點就梗，但加50點嘅機會細，可能五條友一個先會估加50點子

30. 我睇法？都係同而家市場主流差不多，3月加25點子。實情唔需要忽然間太急，或者話而家急都急唔嚟，只令市場混亂。當然，睇埋今晚聲明，同埋呢兩個月嘅通脹數據冉講

31. 但有一點我要強調，千萬唔好認為聯儲局會「救市」。以往股市大跌，見到好似聯儲局會出嚟救火。但呢個有點美麗嘅誤會。A同B同時出現，唔代表係因果關係。例如雷曼爆煲，係因為危及銀行體系，當然聯儲局會救。同時股市大跌，但呢個唔係聯儲局出手嘅原因。你睇2020年3月，亦係一樣，係驚經濟活動停頓，先要減息同無上限量化寬鬆，唔係因為股市跌。

32. 咁在而家呢啲水平，你炒meme股打柴，關聯儲局乜事？亦都唔好信埋啲咩大行炒股票輸錢嘅垃圾講法。而家標普指數，同2020年爆疫情前嘅高位相比（係高位！唔係低位），都仲升咗30%。救乜市？

================================================================

開戶link 總匯：

華盛，可能都多人未開，送1200股票現金券。記住用返我個專屬link去開

USMART，都送蘋果，月供美股好用的。我嘅開戶link呢度

早排好多人開咗嘅Webull，今個月送兩股Cisco，亦係用我嘅開戶link

IB，買啲歐洲股日本股新加坡股，用我條Referral link開戶你會有回贈的。＼

富途，亦係送兩股蘋果，留意唔係用開戶link，係填碼：9M85BY4D

我本書：各大書局均有代售，或者上HomeBlogger網頁買，自己上尖沙嘴拎或者加廿蚊叫順豐畀你。HKTVMall都有但唔包日日有貨

Facebook Page：「君子馬蘭頭」ivanliresearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。

聲音版/錄影版：慎防有人唔知，係有樣咁嘅嘢的。方便唔想睇字/坐車聽/公司聽。一個Post有齊純聲音（mp3）同埋影像版（我朋友碌住電話畫面讀）。 20蚊或40蚊會員限定。Sample呢度，免費試聽。