香港地產股強，長江基建1038亦強，長實1113都強．美股 Costco 同 羅氏Roche都新高。考慮每個月貼個監察名單．美股Santa Claus Rally先剛開始！社會實驗（有錢就做）：華爾街分析員最憎嘅股票 (Patreon)

廣告幾個

香港地產股強，長江基建1038亦強，長實1113都強

美股 Costco 同 羅氏Roche都新高。考慮每個月貼個監察名單

美股Santa Claus Rally先剛開始！

社會實驗（有錢就做）：華爾街分析員最憎嘅股票

廣告幾個

1. 好一排冇賣廣告，趁市況靜啲，今日賣下，保證今年最後一次（即係下星期又可能有）。

2. 冇時間睇嘅：Webull 送一股Walmart（WMT），USMART送一股蘋果（AAPL）或者一股 TQQQ（三倍QQQ，我就唔會揀呢隻的），富途送一股蘋果（AAPL）再加股票券。

3. 當然條款各有不同，自己細睇。但，你要拎到1000蚊，應該冇乜難度。咁講真，好多時叫你訂年費又覺得貴，呢度是但開一個戶都夠你畀一年了，亦都可以支持下我。

4. 仲有，天地良心，三間我自己都有開的。富途我直頭有30萬貨（港紙啦）

5. Webull嘅，用我個開戶link，同埋要入錢完成交易（買美股），keep 返45日。（總之未拎到獎品唔好郁佢）。

6. USMART嘅，亦係用我個開戶link。佢地個月供美股幾好用，開戶注意就睇返睇返舊文。

7. 富途嘅，不用多介紹啦。就唔使用link，記住用我嘅referral code：9M85BY4D

香港地產股強，長江基建1038亦強，長實1113都強

8. 市況只係快講，港股直頭唔好講，成交1000億都唔夠，死未。你睇指數就叫做跌定咗，而我堆嘢都係一路跑贏大市（都話睇HK4，我唔會搬龍門的）

9. 仲有想講，比較強嘅係本地地產股，亦係少數值得留意嘅港股板塊。FB Page都有寫，香港人不知幾咁富貴，冇得外遊更加谷晒啲購買力在香港。根本唔使等啲地產商講都知人流消費勁。

10. 所以唔好以為我FB Page啲文只係呃like，之不過在FB Page當然唔會講有乜投資啟示，留返呢度同你講。當然如果你唔使我講都知就更叻。

11. 當然仲有長和系，早兩日都有講。長江基建1038就4連升，大手回購嘛。長實1113呢？賣完嘢仲有得升，然後李嘉誠自己再增持，持股仲多過李澤鉅了，但背後搞乜我當然唔知。

12. 不過畀你見到，港股要跑贏大市，就真係唔係咁難。你避開啲地雷就得，雖然，真係好多地雷！

美股 Costco 同 羅氏Roche都新高。遲下考慮每個月貼個監察名單

13. 美股嘅呢，標普指數破咗頂後回返，道指就仲有得升，納指跌得較多。見到了，都真係舊經濟股同價值股抬頭，都幾明顯了吧，但照計你過去幾個月成日聽我講啦。今年根本亦都係標普指數跑贏納指，唔明做乜啲人仲不停堅持咁只係睇科技股。

14. 仲有，貼多次堂，Costco同羅氏Roche都新高。如果冇記錯，呢兩隻就係我12月唯二買嘅兩隻股票（唔計每個月嗰啲ETF）。兩隻都超過5%，算係咁啦？

15. 話說我已經公開咗我嘅持股名單，所謂嘅core list（都好Q多隻股票了）。早期我仲有時會貼一個Monitor List，實情我仲有keep，但好少再貼。咩東西？好簡單，就係啲想買而未買嘅股票。個名單相當長，例如SEA， Spotify 甚至Unilever 雀巢　L’Oreal我講咗好耐都冇買，主要係因為冇錢。

16. 我一路有個念頭，就係同大家分享呢個List．我一直以嚟，買嘅股票好少係忽然爆出嚟（冇話你知我唔鍾意買新股？），多數都係一路都留意住。實情我絶不介意分享，但只係諗緊點做，因為呢個 List隨時會加減（主要係加嘅多）。但你話我整個Google Sheet？我又唔想唔係訂Patreon嘅都睇到。我估可能係每個月頭update一次然後放上去Patreon其中一篇文？有詳情話畀大家知。

17. 唔好咁大期望，入面嘅內容可能只係得個冧把，頂多加兩句我點解睇好，或者間公司做乜。真係兩句咋。唔會有數字（雖然將來可以整），頂多可能係我嘅 Priority，即係一星至五星咁，如果我即時多咗10萬蚊我會買邊隻先。但冇包生仔，好多時到我有錢時，最後買邊隻，可能都係睇心情，或者嗰排同人講開乜。

美股Santa Claus Rally先剛開始！

18. 應下節都要講，Santa Claus Rally．美股12月例牌強，冇話你知咩？好似上個月真係唔記得講，但啲全年走勢圖（例如上面嗰個）我耐唔耐都貼下。

19. 不過更重要嘅係，12月強，多數係下半個月先嚟料。

20. 咁固然我知已經年尾，但，Santa Claus Rally，指聖誕以後嘅7個交易日（冇錯計埋下年），而家先過咗兩日

21. 咁For some unknown reason，呢七日係相當強嘅，升嘅機會都極高。

22. 不過亦順手睇埋，如果呢七日唔升呢，美股可能下年就冇乜運行。都幾準

社會實驗（有錢就做）：華爾街分析員最憎嘅股票

23. 最後想講下，CNBC有篇幾有趣嘅文，講華爾街分析員最憎嘅公司。咁但，點量度「憎」？好簡單，就係睇啲分析員畀嘅目標價，同埋評級（而兩者一般係同一回事，你隻嘢500蚊，我目標價300蚊，當然就係SELL）。有乜公司係人人都 SELL 個個都畀好低目標價？

24. 本人都做過投行分析員，亦玩過呢啲遊戲。目標價有冇用？近乎係冇的。

25. 因為好多原因，分析員係傾向唱好嘅。亦唔係咩秘密，好多研究都做過。原因有好多，首先因為股票一般係升嘅，你寫SELL已經係同地心吸力對抗。仲有，雖然投行嘅客多數係基金，但多數都係做好倉，好少係做沽空，而做沽空嘅基金往往係自己有一套，自己請分析員，唔係睇投行嘅嘢。三來，寫SELL怕得罪嗰間公司。得罪公司有好多層面，但一來你間行可能同嗰間公司有其他生意來往，就算冇嘅，當你寫到間公司一文不值管理層廢柴，咁你估你搞啲乜乜投資會議，請人地嚟，人地睬唔睬你？二來，分析員呢啲嘢，出賣時間同表春，不許人間見白頭，好多時做到四十歲就玩唔到落去，特別係女仔（並非歧視，係真的），有啲嫁人或生仔，想搵啲冇咁大壓力嘅工。咁點？唔少就係跳糟去以前有睇嘅公司，做返investment relation 咁。咁，當然唔好搞到個關係太差啦！

26. 正因為咁，行家有一句，我都成日講。BUY即是HOLD，HOLD即是SELL，SELL即是爆煲。

27. 咁但，實情真係爆煲嘅公司，一般係直頭連評級都唔做，術語叫做Drop Coverage．

28. 講咗咁多，我想講嘅係，呢堆公司，分析員畀咁低嘅目標價，係乜原因？可能係好多原因。但我認為，並唔係代表啲公司唔得，可能只係管理層臭串，或者做啲嘢太古怪，又或者只係因為個分析員好耐冇update

29. 所以，我覺得係相反理論。分析員唱好嘅股票，唔使買。一百個有一百個都睇睇好騰訊架啦。但反而，人人目標價定到咁低嘅股票，可以買下。

30. 肯定嘅係，呢堆公司我都冇乜研究，做乜都未必知。Clorox我識，漂白水嘛，舊年炒過一輪，好似做過一排meme股，今年當然唔掂。KMB都識，唔係九巴，紙巾M巾尿片嘛。MKC CHD 都係Google咗先知見過用過啲產品。FactSet就寫過下啦，窮人Bloomberg，剛入標普500指數

31. 估下我諗緊乜？長期讀者應該諗到。冇錯，就係垃圾倉社會實驗！（舊文呢度，同呢度）

32. 睇下下個月有冇閒錢，有嘅，又玩每隻股買少少咁，不過隻FactSet要3800蚊港紙一股，如果想隻隻都差不多比重，個實驗可能玩我 4萬港紙，好似都唔應該咁嘥錢？

================================================================

我本書：各大書局均有代售，或者上HomeBlogger網頁買，自己上尖沙嘴拎或者加廿蚊叫順豐畀你。HKTVMall都有但唔包日日有貨

Facebook Page：「君子馬蘭頭」ivanliresearch．唔係自吹自擂，堅好睇。記住幫手like and share．

Instagram：@ivanliresearch．可能得六成金融嘢，其他飲飲食食無聊嘢。但勝在夠快手，有時啲即市嘢我在嗰邊貼。有時Facebook Page嘅文都會貼過去。

Patreon文章目錄：Google Document，由史上第一篇開始，可以跟題目搵，一般我都將啲公司名塞晒落題目名。預每星期六或日會更新。

勞蘇基金：50萬港紙入場，暫定2%管理費 20%表現費，應該隨時可以拎錢走。歡迎PM我報名，現階段冇任何commitment，絶對唔使畀錢住，到時你亦可以反口唔畀。亦都唔使怕答應咗到時反口，絶冇問題，純粹等我知道有幾多人有興趣。我預會有好多人到時因為種種理由唔加入的。

聲音版/錄影版：慎防有人唔知，係有樣咁嘅嘢的。方便唔想睇字/坐車聽/公司聽。一個Post有齊純聲音（mp3）同埋影像版（我朋友碌住電話畫面讀）。 20蚊或40蚊會員限定。Sample呢度，免費試聽。