ivanliresearch

「港股廢美股貴」真係本人最佳金句．我係咪睇淡美股？唔係喎。美股我睇好，日本股都睇好架，港股都睇好的。美股指數唔差，個別股大插，業績好都插。但我完全冇問題．風險胃納收縮？但個垃圾倉仲係咁升。但點解你冇跟？BlackRock，SalesForce 同Nvidia 都新高：講到尾，都係要分散．急症室，一個一個嚟呀下，我有買嘅先：Tesla，Palantir，Paypal。我冇買嘅：TripAdvisor，AMC，Smile Direct Club．CoinBase．Peloton，Zillow，DropBox (Patreon)

Published:

2021-11-09 23:58:39

Edited:

2021-11-10 02:39:51

Imported:

2022-09

Content

「港股廢美股貴」真係本人最佳金句

我係咪睇淡美股？唔係喎。美股我睇好，日本股都睇好架，港股都睇好的。

美股指數唔差，個別股大插，業績好都插。但我完全冇問題

風險胃納收縮？但個垃圾倉仲係咁升。但點解你冇跟？

BlackRock，SalesForce 同Nvidia 都新高：講到尾，都係要分散

急症室，一個一個嚟呀下，我有買嘅先：Tesla，Palantir，Paypal。

我冇買嘅：TripAdvisor，AMC，Smile Direct Club．CoinBase．Peloton，Zillow，DropBox

1. 今日內容夠晒多。大家可以消化下。但一句講完嘅：分散真係相當重要的。

2. 極速廣告兩個。放心，聽日仲會有個再長啲嘅廣告

3. Webull開戶送高通，因為呢排高通係咁升，個獎賞越嚟越值錢。記住記住用我嘅link去開戶先，註冊咗之後先download app，然後就入10000蚊，買一次美股，keep住45日。之前未完成嘅，而家可以繼續

4. 仲有富途。如果想開戶嘅，用我個referral code：9M85BY4D．我自己都用緊富途，都有幾十萬港紙，所以就……唔使咁驚嘅。今個月係送1股蘋果，200蚊股票現金券，同埋100蚊超市禮券。講真，富途就真係好用的。

「港股廢美股貴」真係本人最佳金句

5. 你睇指數，昨日全世界都冇乜郁動，但美股個別股票已經跌得幾勁（陣間詳細講）。港股呢？變動唔大，但成交縮到1000億都唔夠，雖然成交同大家冇乜直接關係（除非你持有港交所388，而我係有嘅），但亦見到真係冇乜人買賣港股，even北水都唔多買賣。

6. 不過，你去鬧（有乜好鬧？）或者笑之類，基本上都係浪費時間。不如諗下可以點做。固然有啲人早早轉戰美股，我都算係早，但我一路都仲有兩邊買，頂多只係慢慢地將個比重轉移去股美股多啲，例如啲新錢都係買美股多。咁再加上美股表現好，慢慢地個比重自然就多咗。我就係咁做的，就唔會鼓勵你沽晒啲港股然後全部買晒美股，好容易左一巴右一巴。特別係我見呢度啲讀者都比較富貴（好事），唔係話得十萬八萬嗰啲。

我係咪睇淡美股？唔係喎。美股我睇好，日本股都睇好架，港股都睇好的。

7. 我唔記得「港股廢美股貴」呢個詞語係咪我創作，但點都係好適合用在而家嘅情況。所以你亦見我啲新錢，呢排直頭係買日本股，或者一啲「其他」ETF（你見我有買IDEV同EMXC），暫時表現普通，唔太差唔太好，但美股呢期都仲係勁嘛，況且係睇長線的。我甚至覺得自己應該早啲開始添。

8. That said，你見我都仲係美股港股以及「其他」都仲有買，只係比重問題，再講一次，你唔係十萬八萬港紙嘅，咁你隻船都算大，就唔好一夜間轉晒軚，好麻煩的，仲會令你十分心煩。

9. 所以你亦唔使嚟問我係咪「睇淡」美股或乜，呢啲當然係好多人想問嘅問題，但太簡單嘅問題多數都冇意思。睇唔睇好美股？當然睇好。歐洲我都睇好，日本我都睇好架，甚至港股我都睇好，港樓我都睇好的。咁即係冇答過，但你個問題問得唔好嘛。我嘅持倉同交易紀錄都相當公開，你大約睇我買乜已經知我諗乜。例如呢排你見我買日本股多，咪證明咗我覺得「港股廢美股貴」

美股指數唔差，個別股大插，業績好都插。但我完全冇問題

10. 好啦，講美股，你睇指數，真係完全唔差。八連升後跌少少，有幾出奇？但個別股份跌得幾勁（留返最尾講！），包括一啲我有買嘅嘢，你亦好可能有買嘅嘢。

11. 原因係乜？你話業績差？又唔完全係喎。固然有啲係業績差而插，但亦唔少係業績好都大插，十分奇怪。

12. 咁可能係估值貴？都有啲關係。或者風險胃納縮？或者市場過度亢奮？（可以睇呢個Greed and Fear Index，但歷史上對判斷後市幫助唔算太大）。

風險胃納收縮？但個垃圾倉仲係咁升。但點解你冇跟？

13. 之但係，如果你話風險胃納收縮呢？你見我個垃圾倉，仲要一路跑贏，隻Monday已經一個開，真係相當神奇。容許我講多句，咁多個倉真係呢個倉最堅，但我見真係冇人跟的。我唔係嚟怨你走寶，而係又畀你自己思考下。好多時人都係見到啲嘢升咗就跟架啦（所以啲後生網友，同我地年代講嗰啲羊太咪一樣），但你又唔會跟我呢堆嘢喎。點解？好可能係因為見我都買得少，即係你覺得我都唔信（這是事實）？又或者，你見到啲嘢真係完全唔知係乜，聽都冇聽過，對不？但你又諗真啲，你成日聽人講，同你「識」間公司，又好似係兩樣嘢。純畀你思考下，亦畀我自己思考下。

BlackRock，SalesForce 同Nvidia 都新高：講到尾，都係要分散

14. 咁照舊，你見我啲美股倉，都算係同大市同步（睇你同邊個指數比）。咁講過，大倉一定係US3，我唔會拎US2出嚟話自己逆市升咁狗，但你亦唔使話我做乜唔講US1，因為US3先係主力。舊文貼過，得閒我會update（順帶一提，US2主要就係Bitcoin ETF BTCC，所以咪升。US1就係隻波音期權，仲有Palantir，咪大跌）

15. 你見，我US3入面，有幾隻跌到好甘嘅股的。Tesla，Palantir，Paypal（陣間講，唔好咁心急！），全部跌10%。但成個倉都仲頂得住，同大市同步之嘛。點解？因為有其他嘢嘛！BlackRock，SalesForce 同Nvidia 都新高嘛—雖然後兩者收市都倒跌，大市走勢真係唔多靚）。

16. 畀你見到，真係要分散呀！如果我只係得Tesla，Palantir，Paypal，就好頭痕啦。你見我個倉入面，就係靠Amazon，Nike，NetFlix呢啲「悶嘢」去支持返下，悶係好事。

急症室，一個一個嚟呀下，我有買嘅先：Tesla，Palantir，Paypal。

17. 好啦，講下美股啲急跌股—都未算大屠殺嘅，但如果你做槓杆，或者玩期權嘅，應該已經嚇親，甚至打靶止蝕。

18. 先講我有渣嗰啲：Tesla，Palantir，Paypal。Tesla相對地我最唔擔心，大家都知，個觸發點因為Elon Musk話會沽10%，相信都會，但你計下數都知嗰度嘅股數唔多（FB有寫）。咁你可以話影響情緒 —咁你更加唔應該畀人震走啦。

19. Palantir我有渣嘅，早排買，急跌後我都仲未要輸錢，但亦唔係重點。盤前出咗業績。唔差的，提高埋指引添，但照跌。有乜點？當然唔會理。反正買得唔多，亦只係信Peter Thiel一個，話知佢跌九成我都唔會理的

20. PayPal反而係最值得擔心嘅一隻，亦係盤前出業績，差的，亦都下調咗指引。記得上次業績都係差，當時已經諗沽唔沽。暫時我都唔會理住，但你諗真啲，公司係咪你想像中咁屈機？照計我作為用家應該知道，實不相瞞，由Patreon轉錢去我自己銀行戶口，最初我用PayPal，而家係用佢對手Payoneer．好簡單，就係平啲。似乎盤生意門檻冇想像中咁高。

我冇買嘅：TripAdvisor，AMC，Smile Direct Club．CoinBase．Peloton，Zillow，DropBox

21. 至於呢堆我冇買又冇乜推嘅，快講，三間都盤前出業績。Trip Advisor差，Smile Direct Club（牙套）差，AMC（戲院）唔差，但冇關係，全部都大插。可能同估值都有關。我懷疑Trip Advisor係炒得過嘅，始終reopening，市值又細，仲有機會畀人買。但冇詳細睇，風險閣下自理