李澤楷+ Peter Thiel。中概股除牌。ASML 迪士尼再創新高。Bing嘅廣告收入多過Snapchat Twitter加埋。標普指數差不多隻隻升。 大麻合法化？out啦。Cocaine啦！印度Burger King招股兩個鐘爆額。是日投資價值。領展70蚊啟示。匯控強勢啟示。 (Patreon)

快評兩句—李澤楷+ Peter Thiel。中概股除牌

大師冇點你—ASML 迪士尼再創新高

每日一圖—Bing嘅廣告收入多過Snapchat Twitter加埋。標普指數差不多隻隻升

Good Read— 大麻合法化？out啦。Cocaine啦！印度Burger King招股兩個鐘爆額

FB Post Summary—是日投資價值。領展70蚊啟示。匯控強勢啟示。

1. 臨去台灣前當然多嘢搞了。正路地星期六晚出埋篇專題（標普 買 IHS Markit），星期日就一早上機。

快評兩句—李澤楷+ Peter Thiel。中概股除牌

2. 有時間嘅睇睇呢段嘢，其實應該唔係全新故事，至少我地呢度10月頭已寫過！故事係李澤楷，同埋呢個矽谷神人Peter Thiel，一齊搞檔SPAC．至於咩係SPAC，舊文已經寫咗。話會買東南亞公司，唔知有乜好嘢？留意而家間嘢都啤埋出嚟了，已經上埋市。而家只係Blank Cheque Company，之後會買乜？話新經濟喎，科技，金融，媒體。

3. 拿，真係第時有人（你老細，或者你心儀嘅男／女同事）講起，人人一頭霧水，你就一早知道了。埃汾嘅讀者比別人知得多嘛！

4. 另外，原來李澤楷同Peter Thiel之前已經識，2015年Peter Thiel本Zero To One賣得好，佢去咗大陸，然後就識咗李澤楷—拿，Networking呀。

5. 同樣道理，而家先個個講中概股除牌，呢度嘅讀者當然睇過幾次。你見都仲係冇乜反應，要跌嘅一早跌咗。

大師冇點你—ASML 迪士尼再創新高

6. 兩隻都係常講嘅。ASML十分有趣，好少有咩報導，但日日升少少咁日日新高。後者就仲有趣，咁樣三重打擊下，迪士尼都可以創新高。3月敢買嘅一個開呀—但冇乜可能做到啦。

每日一圖—Bing嘅廣告收入多過Snapchat Twitter加埋。標普指數差不多隻隻升

7. Bing嘅廣告收入多過Snapchat Twitter加埋— 瘦死的駱駝比馬大。微軟嘅Bing雖則一直劣評如潮，但你咪理，都76億美金廣告收入—多過潮牌Twitter 同Snapchat……加埋。正如之前貼過，蘋果Air Pod都劣評如潮，但只係呢樣東西，收入已經多過成間Spotify．

8. 標普指數差不多隻隻升—之前總有人覺得美股只係靠幾間大科企帶升，升勢唔全面。4月就固然乜都大反彈，去到5月6月就升嘅股票越嚟越少。但你見去到11月呢，標普500指數有464間升，差不多好似4月咁全面了

Good Read— 大麻合法化？out啦。Cocaine啦！印度Burger King招股兩個鐘爆額

9. 大麻合法化？out啦。Cocaine啦！—是真的！哥倫比亞有議員提案。直頭話政府自己買起嚟做。分分鐘一石激起千重浪，花生價格大升，Cocaine價格就會大跌。

10. 印度Burger King招股兩個鐘爆額—也是真的，不過足額唔難丫。又，印度都有Burger King？係有的！咁有冇牛？係冇的！雞堡或者羊堡啦

FB Post Summary—是日投資價值。領展70蚊啟示。匯控強勢啟示。

11. 顧此失彼，寫返多Facebook，又冇乜時間做其他嘢了

12. 是日投資價值—冇乜特別，有間「山高金融」，拎「最具投資價值上公司」獎。但個股價圖……「殘到咁，應該幾有投資價值」。都成90億市值。

13. 領展70蚊啟示 —星期四呢度寫過「迪士尼新高，小小啟示」。咁都預告會寫領展。都係嗰幾味嘢，你就咁睇股息率，好似唔係好高。但勝在差不多實派到，仲要將來N年都唔會點減。今年咁情況領展都可以唔使減租，真係要核戰或外星人侵略先會減了。

14. 匯控強勢啟示—同上面嗰篇一齊睇，派得返息，很好。但有排都未返到疫前（2018）水平。你睇表面股市率幾高，當然係睇2021 同 2022，似乎都會派到。但之後呢？ 問題係而家銀行並唔係好易賺錢。而匯控過去十幾年都兩次reset股息了—領展同期係年年加。