西九龍裁判處旁聽的觀察(上) (Patreon)
Published:
2020-05-11 01:08:37
Edited:
2020-05-11 01:09:00
Imported:
2021-07
Content
其實講真我一向都唔相信香港法院係公平,不過過咗呢半年我就更加係好肯定去到人治嘅局面!講返我星期五陪嗰兩個細嘅去法庭,被捕過程已經荒謬到離晒譜,當日兩個細路朝頭早喺旺角街頭行緊,無端端比較衝鋒車喺行人路上邊攔截,之後就無端端將後邊兩個唔識嘅年輕人捆綁一齊話佢哋四個係一黨非法集結(嗰陣時都未有限聚令已經係咁運作)!
咁我兩個細就覺得匪夷所思,以為自己踢保應該冇問題呢啲咁嘅情況,因為佢哋兩個被搜出背囊只係有一把教學用嘅雷射筆!而佢真係學生,用緊雷射筆做project嘅人!屌你老母,在佢哋被重新被拘捕之後就告佢藏有攻擊性武器可作非法用途!
若果單單係呢一個雷射筆案件我相信打得甩嘅機會非常之高!但上到庭之後發現原來律政司係將四個年輕人一齊捆綁,四人之中其中一位少女就冇被提任何起訴,結果個唔識嘅年輕男子由於喺袋裏面係搜到警察用嘅伸縮棍,就被控告藏有攻擊性武器等等,由於被律政司捆綁起訴,無啦啦我嘅細嘅,喺控罪就告埋佢藏伸縮棍可作非法用途!真係屌你老母!用法律去齊人生豬肉!仲要唔係將藏有伸縮棍嗰位作為首被告,竟然係我嘅細嘅,只係帶住支雷射筆俾人列作首被告!
所以呢個年代嘅律政署、律政司、法官.....都係共謀要迫害我哋啲年輕人嘅共犯!真係冇一例外㗎!
我呢件事好嬲㗎!但個細嘅反而安慰我:「起碼另外嗰個女仔冇俾人告先!」我下次講吓旁聽見到呢個法官所作所謂!