西九龍法院的大混亂 (Patreon)
Content
之前講過為咗去睇兩個細路嘅旁聽,咁我八點之前已經去到西九龍裁判法院諗住排定隊等攞籌!好啦去到之後當局就用疫情做藉口連所有人去到現場連排隊都唔准,堅持要8:15先準排隊!乜嘢理由先連排隊都唔准真係黐孖筋,咁我就即刻着咗啦!即刻同個保安職員嘈再叫埋個保安請個上司落嚟嘈,當然又係用嗰個藉口我哋打工嘅咋我哋收命令嘅咋乜都唔知㗎!糾纏左15分鐘佢就突然間講8:15後大家可以排隊啦!屌!所謂排隊原來由避免順序上到3樓又重新再排過隊,而且講到明就算你排第一個(我當時就係排第一個)都唔會可以坐入去法庭聽審㗎!佢原因話因為律政司將太多人一次過推上庭當事人嘅家長已經可以坐滿入邊所以公眾席只能係可以坐出邊睇電視,而且只有頭10個人係可以喺出邊坐住睇電視,第11個之後全部要企!
你以為呢個叫混亂?其實仲有更加混亂嘅嘢!排排下職員就講話呢度係排3號庭嘅咋,如果你係9號庭或者4號庭就完全唔使排直接上去!
依個故事就係其實我認識嗰兩個細路,係一齊被黑警無啦啦喺旺角行行吓俾人拘捕話佢收藏攻擊性武器,有一個只有15歲,本應就應該係兒童法庭,結果無端端係朝頭早代表律師又收到通知要轉返落嚟西九龍法院過堂!吓!
而另一個細佬,原本一早通知佢係1號庭,結果到晨早又話俾佢聽係3號庭,不過去到現場有被知會去9號庭,所以佢就打電話俾我叫我唔使排上去9號庭,我上到9號庭,由於外面張memo紙冇佢個名(事實上所有庭,只有第一個被個名其他全部都係隱形!叫啲人點搵!)咁我就向佢表示呢個係唔對路,我就衝左落去法院3樓書記查詢辦事處去問清楚,你估都估唔到嘅混亂情況係咁黐孖筋,職員幫我攞咗個案號碼名身分證號碼,查完電腦話俾我聽完全冇顯示唔知邊個庭!吓!嗰陣時已經9:00!咁我當然好惡咁拍晒枱鬧有冇可能開庭前9:00仲未知道係邊一個庭開審!咁糾纏左一段時間,職員話好無奈,因為律政司嗰邊仲繼續加緊人,所以到而家都未confirm!我有冇可能會咁樣發生呀!原來依家香港真係乜撚都會發生!最終到開庭前10分鐘先至同我確定我個細佬係要喺3號庭受審!咁我叫佢同代表律師快快去準備,我自己又要落返3樓排隊,咁保安員又認得我俾返個排第一位!(當然認得我啦!我已經鬧咗好多次!)咁9:30上到去3號庭,要坐外面睇電視機,側邊嘅落地玻璃陽光射入嚟,加上電視機嘅反光就根本乜撚都睇唔到!只能好集中咁聽聲!
咁成單案件仲有好多痴線嘅地方我遲啲又講比大家聽!