逐個仔捉 (Patreon)

寫呢篇野嘅時候半夜1:30，終於confirm晒我個班救護嘅靚仔個個安全返晒屋企啦！今晚真係驚心動魄，其中一個救護後生仔話俾我聽，佢中咗少少催淚彈，唔算嚴重！但見到同行好多記者嘅小腿好多被催淚彈直接射中，而且嗰班黑警係特登咁做！而另外一個記者頭部中催淚彈不過好彩有頭盔！話說今日下晝我約咗其中一個救援後生，食完飯我哋去用品店幫佢買救火氈，佢都話其實成班救援都冇諗過需要呢樣野從來！我堅持，因為有傳媒通知我收到風今晚原本有人會放汽油彈，唔知邊方面人放，咁去到旺角用品店原來淨係得返一張，原來都幾重，仲要$250一張，我話過幾日我幫所有救護每人買一張！不過慶幸今日冇人放汽油彈！但頭先我逐個逐個搵返佢哋，我逐個逐個朋友問清楚安全，就發現鄺俊宇BB同我講，佢今日喺現場因為完全冇帶裝備，嚴重吸入過量催淚劑，依家個肺劇痛！我當然勸佢入醫院睇睇啦！佢好似唔係好願意！我都擔心佢！不過大家唔好比壓力佢，相信佢會有好多私家朋友醫生會幫到佢！另外今晚有傳聞警方開咗一槍實彈，我會繼續查落去！我都係時候去瞓覺啦！