真係we connect (Patreon)

每一次約社會事件發生都有正反兩面嘅消息，好多時候當然悲情嘅故事有太多令我哋好傷心，但係有時見到另一邊嘅故事又令我有少少心暖，過去呢兩個月係任何社會活動之間我見到嘅就係唔識嘅人唔同嘅職位都互相幫助，星期六光復元朗呢位蘋果女記者係混亂之中連自己記者證都飛甩埋，咁我個救護後生見到執咗再聯絡其他記者搵返當事人，個救護今日仲要親自拎返俾蘋果日報公司，大家守望相助。光復元朗當日，其實最令我意想不到嘅係，我起碼有三個完全平時對社會運動冇熱誠嘅朋友，都係住元朗區，警方深夜驅散示威者嘅時候，好多後生仔根本走唔切，都離開唔到元朗，我呢啲朋友竟然會主動揸架車喺街上邊主動兜呢班後生仔免費載佢哋出市區，要知道呢幾位朋友平時連政治都唔同我講，一去到緊急關頭，變晒正義聯盟，好鬼死感動！琴日個逃離上環清場救護後生仔同我講，有個的士司機直頭冚咗旗，見一個細路就捉一個細路上車，免費車佢哋出九龍再返中環再捉細佬上車，連隧道費都自己俾埋！有時唔係淨係「搵食啫！」唔係社會事件發生我都唔相信原來仲有咁多正義感嘅香港人！真係多謝每一位！