遊行局中局！ (Patreon)

新聞講到7月7號嗰日有人被懷疑拍攝示威者遭到四周人士要刪相片，以及肢體衝撞，最終多人被捕！其實我想講一件事，話說嗰日同一日嘅下晝，有位我嘅做救援嘅朋友當時在港鐵站，佢聽到前邊有少少混亂聲諗住走去影相（佢平時係帶住相機嘅年輕救護）去到就見到一個阿婆攞住支棍打緊一個黑色衫相信係示威者嘅人，咁佢下意識咪拎嘅相機影幅相囉！一影個阿婆就突然間變臉，丟掉支棍，馬上大聲話「我就係個示威者！依家有人影我大頭相，快啲搵人黎拆佢相片！」咁就煽動到當時在場嘅後生仔圍攻我呢個朋友，又慘在佢當時實在有影到個阿婆，但明明當時阿婆係打人嗰個，而且佢冇辦法向在場激動嘅示威者解釋點解救護會帶住架相機！就被現場人士肢體碰撞話佢係警察話佢係鬼、完全俾佢走，要搶佢相機等等！最終好彩係當時兩間傳媒機構認得佢，介入人群之中幫佢解圍左！而咁巧合其中一個幫佢解圍嘅係我蘋果個老友！咁成件事當然係我眼中就係個局啦！搵個人打人之後變身自己係受害者仲要阿婆多人信，就煽動到在場好多不知情嘅示威者作出不理性舉動最尾咪俾人拉囉！當時我就話必定會繼續有大量呢啲局放喺示威現場！結果真係比我估中！依家大家去上街遊行千祈千祈千祈要小心小心小心唔好中計唔好中計唔好中計起碼我個老友親自經歷呢場局中局！最慘係佢俾人冤枉完，傳媒幫佢解左圍，依家比藍絲陣營嘅網頁起咗佢底，做救護啫！都俾人玩到咁！其實我好嬲㗎！