書店江湖 (Patreon)

今日書展開鑼，又講下關於出版社嘅嘢。話說天地出版社其中一個最重要嘅作者，就係亦舒小姐！咁早排先同天地啲同事吹開水，傾開，到底亦舒會唔會經常來灣仔天地圖書書店呢？原來係唔會嘅！一來亦舒已經一早移民外國，二來每年返香港幫佢攞版稅嘅係佢老公！所以同事就講起佢老公都係一個奇人，話說亦舒老公係俾佢大10多20年的年壯男士，依家都好似70幾歲啦，每年返香港都會去灣仔天地圖書傾計睇書等等，而冇諗到嘅事佢老公係一個功夫迷！尤其是精通詠春！幾十年來不斷學唔同類型嘅功夫，咁有次佢就係書店裏面大大聲同天地同事講起自己詠春嘅武術，突然間一位老讀者主動行埋黎挑機，要求同亦舒佢老公（唔知道個讀者知唔知佢係亦舒個老公）進行即時切磋，嚇到天地啲夥計，即刻將兩個人拉開，說服個讀者唔好啦！天地同事同我講若果嗰晚突然間喺書店裏面大打出手，亦舒老公贏咗又死輸咗又死，之後又會報差館上頭條！但我諗起都幾精彩！可惜最終冇打！