發夢 (Patreon)
Published:
2019-07-02 01:24:35
Imported:
2021-07
Content
其實琴日真係好無奈!個政府直情再多300萬人上街都唔會再理你!咁班細路衝立法會我又好理解喎!係呢件事上邊我點都唔會割蓆!其實當義士們在佔領立法會期間,我係同一班醫護救援後生仔一齊,大家睇緊直播嘅時候,其中一個讀法律嘅後生仔就好無奈地講,明顯地呢班後生冇乜準備,因為原來根據真正嘅香港議會法律,立法會主席嘅權力並非來自議員選舉出來,而係來自嗰張擁有權力的主席座位!即係話原來只要有人坐低喺主席座位原則上就有呢個權力,佢話如果呢個時候有人坐低香公眾及鏡頭面前宣布廢除之前個主席咁就得㗎啦,之後佢就宣布自己成為新主席,就可以通過好多大家想做嘅嘢!不過成件事又唔係咁容易,因為在任嘅立法會議員,並不能這樣做,一來若果在佔領期間任何在任議員一進入大議事廳,就會直接喪失議員資格,同樣你坐上主席位宣佈任何野你當時自己嘅議席就會消失!但係被DQ嘅議員就可以做呢樣野啦!我當時半講笑咁話快啲叫羅冠聰衝入去坐低啦!或者叫黃之鋒都得!可惜埸法律遊戲,我哋都係玩輸咗!坦白講你比着我二、三十年前可能我都衝咗,琴日我只可以同班後生一齊背後支持佢哋咋!叔叔都開始覺得無力!