四川治療中心真相 (Patreon)

既然今日譚詠麟又出嚟撐警，支持警方行動，咁不如我又講下故仔啦！話說90年代有次參加記者旅遊團，真係VIP團嚟㗎，全個團得五個人，去首爾同濟州島住總統招待酒店，沿途食最好嘅嘢！咁同我最好傾嗰個就係著名殿堂級作家x達，唔知傾開啲乜嘢，佢就同我講起佢老友簡而清喺四川開嘅羊胎素治療中心，當時簡而清仲未死，咁x達同我講其實嗰間羊胎素治療中心係假嘅，其實係人胎素注射中心嚟㗎！我感覺到好震驚！吓！而且原來好多香港藝人都上去幫襯打人胎素當中當然包括譚詠麟先生啦！聽完我就好火滾，佢仲要老婆為咗佢出家日日念經，之後佢就厚着面皮幫志蓮淨苑籌款，雖然佢堅稱自己唔係佛教徒，但你一邊幫佛教徒做野一邊打人胎素，冇陰功折墮，但係我到今日都見唔到佢有報應！反而簡而清就喺屋企暴斃而死，都算係一種交代！