出書 (Patreon)

話說尋日返天地灣仔門市簽復刻版「時空百子櫃」，咁就同同事吹開水，講起依家出版業接近崩潰邊緣。門市同事就同我講早幾日有個後生仔攞住一疊稿件過嚟，問佢哋有冇興趣幫佢出書？門市同事見到咁嘅情況覺得好奇怪，首先邊有人去門市問出版社出唔出事㗎！係都去出版社編輯部啦！明顯就係完全唔認識出版業，同事同佢講兩句就明顯地覺得佢係大陸落嚟㗎，請問佢：「你大陸落嚟㗎？」佢話：「係啊！大陸出唔到想寫嘅書！」咁同事睇一睇佢啲稿件，吓！本書名叫做「中國如何戰勝美國！」我笑咗出嚟！頂！呢本書大陸都唔肯幫你出香港出咗都冇人買啦！同事再睇一睇佢啲目錄，唔係小說唔係散文，而係又長又沉氣嘅理論文章！點呀！原來真心膠，認為中國係方方面面都會打贏美國！真係笑死人！自我感覺良好！咁門市同事問佢係咪近排中美貿易戰所以寫㗎？佢話唔係呀，用咗三年時間精心撰寫！門市同事玩鳩完佢就打發咗佢走！真係大笑三聲！