英國新聞 紹斯波特發生傷人事件 至少八人被刀刺傷 現場消息︰大部份傷者為兒童 29-7-2024 (Patreon)

紹斯波特（Southport）發生傷人事件，至少有八個人被刀刺中受傷，相信大部份傷者係兒童，因為當中大部份人據報被送咗去兒童醫院。直至呢一刻，西北救護服務部門（ NWAS ）已經確認有八人受傷，但係相關人士擔心傷亡人數可能會進一步上升。

現場消息透露，傷人事件發生嘅地方當時有好多小朋友喺現場。天空新聞採訪到當地商店店主卡羅莉娜 · 卡敏斯卡（ Karolina Kaminska ），佢表示「有人拎住把刀走入咗一間托兒所，隨機用刀吉傷啲小朋友」。另一位目擊者，開車房嘅哥利 · 帕里（ Colin Parry ）表示，呢次襲擊事件嘅發生就好似「恐怖電影場景」一樣。佢話，至少有幾個人被刀刺傷。小朋友嘅媽媽一路尖叫一路逃走，就好似恐怖電影入面嘅場景，佢補充話：警方已經捉到疑犯。而呢件事就好似發生喺美國嘅事咁，一啲都唔似陽光明媚嘅紹斯波特。

救護服務部門派出咗十三架救護車同一個危險區域反應小組（ HART ）、空中救護同 醫生到現場救援。警方表示，喺紹斯波特發生嘅用刀傷人事件中，一名男子已經被拘捕並且警方查獲一把刀。警方嘅聲明話：「我哋可以確認，今朝所有緊急服務正係喺紹斯波特處理一件嚴重事故。今朝大約11點50分，我哋接到哈特街（ Hart Street ）一處住宅嘅報告，話發生咗用刀刺傷人嘅事件。據報有好多人受傷，更多詳情將會喺盡可能嘅情況下向大家確認。武裝警察已經拘捕咗一名男子並檢獲一把刀。呢名男子已經被帶去警局。喺我哋處理呢件事期間，請避免前往果一區。」

首相施紀賢都對事件作出回應，形容呢個係一則「可怕且令人震驚嘅消息」。佢喺社交媒體上嘅帖子中表示：「我嘅心同所有受影響嘅人同在。我亦要感謝警方同緊急服務部門嘅迅速反應。我會密切關注事態發展。」