Mr Gu 我的孤寒前男友 - 第三話：$3的車票🚇 (Patreon)

✨一齊浸浴系列🤭😳稍後將於其他tier 更新✨

👉🏻【按此】重溫第一話

👉🏻【按此】重溫第二話

容許我再補充多少許資料，我同Mr Gu住得算幾近嘅，只係1個地鐵站嘅距離。不過佢屋苑要再轉乘穿巴或小巴先到，而我家就距離地鐵站6-8分鐘步程。

中學讀書時拍完拖，佢間唔中都會送我返屋企，但都唔係次次送。本身我雖然prefer佢送，因為覺得sweet啲、有愛啲、見耐啲，而且地點咁近又唔阻佢好多時間，但佢唔送我都ok嘅，唔會有任何怨言或說話畀佢聽。

另一個背景資料，就係中學嘅時候（其實依家都係），身材細粒嘅我經常會被奇怪叔叔跟蹤、搭訕、非禮、cat call等等。呢樣嘢Mr Gu 都知嘅，亦係點解我喜歡男伴接送，因為有男仔嘅時候絕對唔會遭遇呢類事情。

有一次拍完拖，大概6pm 嗰啲時間，Mr Gu就話今日唔送我返到樓下啦，送到我去地鐵閘口，佢再落返去搭地鐵返佢屋企，咁我都話無問題嘅。

我好記得個畫面。當日我地兩個都著住校服，我出閘嘅時候，佢仲喺閘入面揮手講byebye。點知我一行出個閘，立刻有個阿伯行到好近我，維持令人不適嘅距離，然後一路跟住我尾，貼住我行去出口，貼住我行上樓梯。

我嗰個站，閘口係望到出口樓梯嘅。我被阿伯貼身跟蹤嘅時候，我有回頭望Mr Gu，而我見到佢係仲喺閘口企咗喺度嘅，一路企到我行咗上樓梯，Mr Gu先消失喺我視線，然後我就加快腳步跑走，擺脫個阿伯。

本身我有諗過，阿伯行到咁埋，我覺得不適，可能係我主觀諗多咗。可能阿伯純粹咁啱路過，我小人之心，可能其他人睇都唔覺得有問題，而且又唔係啲咩嚴重嘅行為，咁我自己就都無咗件事。

點知，當晚我再同Mr Gu 講電話/Text，大家估下事情發展如何？畀三秒你地估……

無錯！佢嬲咗我了！😂 係咪好surprise呢？😂

嚴格嚟講，佢係嬲、唔開心，跟住同我傾計嘅時候都反映曬啲情緒。

「你知唔知你今日喺地鐵站畀個阿伯跟住曬？」

「😯噢，原來你都覺得係？我feel到啊，不過最後快步走咗走無事😎 Haha啲阿伯跑咁慢點會夠我玩😂」

我當時仲喺度講笑，希望緩解佢唔開心😂 （明明我先係受害者😂）

「我梗係見到啦😡 好誇張咁都得！😡」

由於佢太L唔開心、情緒太波動嘅關係，我用咗至少半個鐘去安慰佢😅 而佢，係無關心過suppose係受害者嘅我心情如何嘅😂 件事好似變咗關於佢，多過關於我😂 喺呢個咁本末倒置嘅輔導session 進行期間，我都有諗：Er…姐係呢……點解佢當時乜都唔做，依家又喺度發脾氣？仲要搞著我、嬲埋我，而明明我先係受害者？

大家都知，我個人比較平等看待性別，我唔覺得佢作為我嘅（前）男朋友，就直接等於有100%責任「保護」我或者確保女朋友安全。但相信有常識嘅人都會認同，只要當時有個男生出現喺我旁邊，阿伯係立刻會主動彈開的，right？有無人唔同意我嘅假設？

咁到底係啲咩原因，驅使呢個17Xcm 75kg嘅男朋友，睇住自己著住校服15Xcm 4Xkg（+可愛+大波+馬尾😆✨）嘅女朋友，喺自己眼前被猥瑣阿伯貼身跟蹤，仲唔知阿伯會唔會進一步做咩，而都選擇繼續企喺閘後面，眼甘甘望住事情發生而不為所動呢？

經過輔導session 後，佢情緒得到緩解（恭喜佢 and good job me😂🙏🏻），而我都得到答案。

答案，就喺呢篇文章嘅標題度😮‍💨 出一出閘，有可能要洗多$3（學生八達通）😂🙏🏻

夠唔夠震撼？😂 下回待續…

👉🏻 【按此】第四話現已更新