超透家居服 x 最奇怪的一個date😅😅 (Patreon)

呢個系列今晚陸續更新啊！

話說最近喺男朋友嘅鼓勵下，都有玩下dating app😂 然後都約過一啲人出嚟食下飯。其中一個經歷真係令我汗顏，決定喺呢度同大家分享吓。

每一個約出嚟嘅人，我都一定係覺得同佢傾得OK、有sense、外型符合我基本要求，唔係亂嚟嘅😆 但係呢個人嘅相同埋氣質，真係同網上完全唔同😅

首先，網上嘅佢係非常之陽光、主動、樂觀。點知當日去到餐廳食晏，我到先嘅，佢一入到嚟，成個人已經CC縮縮咁😅 坐低之後，完全唔夠膽同我有眼神接觸，甚至唔係正面對住我，成個心口係打側，個頭都係向左另一邊，間唔中側眼望吓我，又即刻擰轉面。

傾咗一兩句（冇誇張，只係一兩句），佢就話覺得我氣場好勁，似係嗰啲名校出身、家底好、好獨立、好特別、好叻嗰啲女仔。其實咁樣形容我都冇乜問題（雖然唔係100% 真），但係佢講完之後，立刻話「唔似我啦，就好平庸嘅，隨街都搵到10個好似我咁嘅人，衣着又普通，個樣又普通」…我都唔知點答佢😅 然後其實我都係正常同佢交流，佢無啦啦又話，「你似係嗰啲會睇唔起男仔嘅人」😅 唔係我真係講咗啲乜嘢去踩低佢或者睇佢唔起，係佢自己睇唔起佢自己😅😅

當日其實佢係遲到咗少少，所以我等咗一陣，不過完全冇表達過任何不滿，只不過係令我特別肚餓😂 然後啲餐點一嚟嘅時候，我因為肚餓就食得好快，然後佢就話：「你食嘢都幾快㗎喎」我：「係呀，好肚餓😆」佢：「你係咪好想快啲走呢？」我：「……？」點解別人一個咁純粹嘅舉動，佢都可以因為自卑而向左嗰個方向諗呢😅？

傾偈嘅時候，佢主動問我識唔識彈琴，我話識，佢就話，細個屋企窮，冇得學琴，佢都想學。我同佢講，其實你想嘅，而家都可以學㗎！佢又話，唔得啦，而家學乜嘢都太遲，太老啦，遲晒😅 然後佢再問我考到幾多級，我話八級，中學之前考嘅。跟住佢立刻話，佢係孤兒仔咁，細個乜都冇得學，要靠自己，唔似得我😅 下😅😅 只係討論學琴，仲要係佢自己開嘅話題，竟然可以講到佢家庭根深蒂固嘅問題，又對我有勁多假設😅 講真我屋企未去到係窮到底褲都冇得着，但都唔係有啲乜嘢家底，都有好多struggle，佢憑乜嘢咁樣講呢😅😅

text傾偈嘅時候，我哋有講到大家都係18歲就搬出屋企住，佢有講話想住近啲自己嘅朋友、有自己嘅私人空間，同我都有少少似，幾正面。咁正面嘅嘢，點知出到嚟，佢就話，其實都唔係好鍾意而家搬咗去嗰度，會住嗰度只係因為啲朋友大致上都係嗰頭，所以跟風去住，其實心入面唔係咁想，覺得嗰區又舊又殘，啲人又唔好😅😅😅 同一件事，竟然可以有完全相反嘅審視角度😅

其實成程飯，我就好似心理輔導咁，不斷鼓勵佢、開導佢。例如佢話佢幾十歲人一事無成（😑），發現自己唔係天之驕子（😅），我就話，你先咁後生，仲有大把上進空間，同埋有時做人唔係一定每件事都要做得最叻😅 佢又話覺得自己好孤僻，點都溝唔到女，我就叫佢約多啲人出嚟，總會有啲啱嘅😅 然後佢同我講，其實佢都約過好多人，不過冇一個人想見第二次面（😂😂😂），聽到呢句嘅時候我都覺得有啲尷尬，因為我都唔想見佢第二次😂 仲有，佢不停向我倒出佢嘅家庭問題，由佢家姐講到佢阿爸阿媽，然後仲要假設我完全冇家庭問題，話「有啲人就係人生一帆風順，唔似得我，唔好彩，又冇人理，乜都要靠自己」😅😅😅 佢話想健康啲，我就話咁你去做下運動囉，佢又話唔好😅😅

除咗談吐同埋說話內容，身體語言都係顯示出佢極度冇自信、面對我極唔舒服😅 但係我只係用一個好溫柔、冷靜嘅氣場對住佢，已經唔小心鎮壓咗佢😅😅

食完個飯我哋一齊行去地鐵站跟住就分別左😅 返到屋企之後都有text一兩句嘅，不過我冇覆佢一次，之後佢就冇再搵我。雖然我都唔係咁想佢再搵我，但係我諗佢可以只係因為人哋冇覆佢一次，佢就諗好多嘢，然後又開始質疑自己，跟住就自己收咗皮😅😅

其實唔好話識女仔/伴侶/play date，只係講緊點樣去做人，自信真係好緊要😅 講真，我唔覺得佢外在或者實際嘅條件好差，差嘅只係唔知點解佢經常質疑自己，仲要喺第一次見面嘅人面前不斷揭開自己嘅瘡疤😅😅 佢真人同相嘅差別，其實外觀並不大，但係氣質真係差好遠，相片係陽光男孩笑容滿面，真人係眼神都唔敢同我有交流、寒背、肢體動作鬼鬼鼠鼠😅 所以，根本就唔係條件出咗事，而係佢對自己嘅肯定出咗事😅