我對奶好敏感之 男友怎樣看待我最近的dates😭 (Patreon)

頂！話說我貪靚，通常着背心都會加個nude bra，等個胸型望落集中啲，然後唔知係因為前幾日着住nude bra落去海中心玩定點啦，之後就開始敏感，成個型出咗嚟😅😅而家有少少痕同痛😅 有見及此，我今日已經冇再著，揀咗件有少少薄墊嘅背心，然後冇着到Bra就咁樣出街。

又講吓我同條仔啲搞笑嘢。話說我喺佢鼓勵之下，download咗個交友app諗住識多啲人、date下咁啦，然後都約過幾個人出街，跟住佢就勁着緊咁同我講：「你要主動啲！！有冇做啲乜嘢引誘下人咁呀！！」然後就不斷想提供意見😑😑😑

我嘅答覆係：「關於引誘方面，我一向都只係用一招，就係…….存在!!!!!!😂 我就咁喺啲人面前已經引誘到佢哋㗎啦😂😂😂」 然後佢話：「慘啦你，得存在呢一招😂」

而事實上呢，我啲dates似乎都好buy我用呢一招，亦好似有被引誘到😂 其中有一個，我將我呢個對話講咗比佢聽，佢表示認同「存在」好有效😂 而當年我同BF一齊，其實我都冇做咩，都只係存在😂 所以證明呢一招係好管用嘅😂🙏🏻