恥骨…？🫣 點解幾十歲人第一次認真玩交友app🥸 (Patreon)

其實嗰個好似叫盆骨？😵‍💫 我最近發現，當我瞓喺度嘅時候盆骨嗰個位好似無啦啦變到有啲骨感😆 以前我係全身沒有一個位置不是圓潤的😆

話說上星期六download咗交友app，然後開始認真地玩。以前我都曾經download過，但係玩咗兩日就覺得太overwhelming，亦都冇勇氣真係約啲乜嘢人出嚟，然後就放棄咗😆

至於點解有突如其來嘅改變，其實係我希望令自己變得更好、心態更強、更加外向同埋欣賞自己。一直以來，可能因為我承受得太多惡意，我一直覺得自己好似困住咗咁，雖然我知道自己實際上份人係好相處、亦都有好多優點、好多人愛護愛錫，但一部份嘅我硬係覺得世界唔鍾意我、冇人會對我有興趣無論係肉體定係靈魂，就算對我有興趣都係假嘅，只係想獵奇或者搵嘢玩我😅 尤其是我經營ig，多年來都係有一種非常被動嘅感覺，大概就係我存在喺度，自說自話，然後坐等閑雜人等隨時過嚟騷擾，唔能夠控制邊啲人同我講嘢、會唔會講啲合理尊重嘅嘢…

我覺得我呢種對自己部份嘅不認可、缺乏自信，大概係因為我一直以來社交圈子比較封閉，人亦比較內向，除咗身邊嗰件，就好少喺現實世界接觸正常嘅異性，通常一接觸就係被騷擾或者非禮😅 某程度上，雖然我自己都知自己係有價值嗰啲啦，但同時某一面嘅我係非常之不看好自己。

所以，我就決定要date多啲！識多啲人！我想話俾自己知我喺現實世界，都係可以正常同異性社交/flirt/date/etc，如果唔得就慢慢學🫣 最緊要我都想肯定下自己、俾返啲信心自己，同自己講我唔係冇得揀、唔係冇人喜愛剩係得啲黐線佬騷擾、唔係個個都係深懷不軌充滿惡意咁樣approach我！！！

其實so far我已經約咗幾個人出街，定咗日期但係未出😚 只係出下街食吓飯唔代表啲乜嘅，有冇更進一步嘅發展我其實都冇乜所謂，覺得可以順其自然，不過我最希望嘅係識多啲人之後我個人可以正面同埋外向😚🤍✨