好想溝仔？？？😭 (Patreon)

世人唔知點解有個誤解，以為所謂嘅女權L係好憎男人😅 我唔排除有啲人因為自身嘅經歷，會好討厭某個性別🙂 但我個人來講就冇呢個傾向，仲好鍾意男人添😂！最近成日都覺得好dry，好想可以拍下拖、同仔仔去下旅行、夜晚攬住一齊瞓咁樣😭😭😭

我坐緊監嗰條仔其實完全唔介意我溝仔，甚至乎，佢極度鼓勵我要拍下散拖、喺出面識/食多啲仔仔😅 佢自己又好enjoy人哋desire我嘅呢件事😅😅 同時，佢對自己非常有信心，覺得佢各方面無可取替（雖然唔太知哪來的自信😂）亦都覺得冇理由佢坐10年，我就要10年冇男人愛錫😂 咁講啦，比着我要坐10年，我都會希望出面嗰個風流快活啲嘅，都唔會想佢陪我受苦😂

反而係難在我根本唔知點樣搵適合嘅仔仔🙂🥺😭 我熟嘅男性朋友冇幾個，要搵個單身嘅更加難。各項條件我睇得上，佢又會睇得上我？而且，而家個個都覺得我有仔，邊個夠膽埋身？如果我埋身，佢哋唔知道我同我條仔嘅關係，會唔會淨係覺得我紅杏出牆😂？一般人好難理解有人竟然會鍾意自己女朋友溝仔，我講人哋都唔信，又或者講完出嚟人哋只係當係笑話，攞嚟當茶餘飯後嘅話題😅

總之，我溝仔面對極大困難😂而家唔少人都覺得我可遠觀而不可褻玩，好陰公😭 其實我係可以褻玩㗎😭😭😂😂🙏🏻🙏🏻