不公開的寫真 + 最近的體重和目標？ (Patreon)

因為朋友唔想公開佢地方嘅位置，所以唔想我公開upload呢啲相，但我覺得真係影得好靚🤣 咁就放喺度人少少俾大家睇吓啦😚

話說最近都少咗好多機會自己煮，因為大家都好似放鬆咗少少，我亦都多咗人約，差唔多日日都要出街，又食返多啲出面嘅嘢食🤣 今日我就首先食咗個拉麵、炸雞翼、餃子，然後食咗茶餐廳嘅奄列+多士，夜晚再食咗好多雞同埋花膠湯🤣🤣 雖然都行咗萬幾步，不過都算係幾放縱🤣

多咗出街、見多啲人、有多啲唔同活動、影多咗好多靚相，我都開心嘅🥰 不過距離我嘅小目標（減低脂肪大概去到48kg左右然後練肌肉）就遠咗啲啲🤣 我而家大概51.6-52.3 kg 啦😆 其實我知道如果我真係以「減肥」為主要目標，其實我係可以一個月減到至少2kg，咁我兩個月之後就會達到目標🤣🤣 但係，淨係諗住減肥，係需要好多犧牲同埋自律，例如我可能會喺同家人朋友嘅聚會上好掃興，有好多鍾意食嘅嘢唔可以食等等😅

我覺得生活就係取捨同埋平衡，我一開頭係想健康，到之後我覺得達到左，而家開始有少少fitness/線條嘅目標，但係並唔會想出盡全力去追求，都係隨遇而安，要盡量平衡各方面🤣 對於我來講，就唔值得為咗某一種身材而捨棄食嘢、社交😎😎