減肥!!!??? (Patreon)

打完拳了🥊 最近成日有啲女仔問我係咪減咗肥，點樣減肥，有咩方法etc😅 其實呢個幾月，老實講我磅數係輕咗少少，但仍然係肥肥地重重地咁啦。我以前幾乎完全唔運動，自從8月開始將運動變成習慣，但做咗差不多兩個月其實都無瘦到，仲肥咗重咗🤣 因為成日做完運動太辛苦，食返多幾倍🤣 但9月尾開始我身體適應咗個運動量，就開始控制返個份量同埋食得健康啲，其實只係將以前餐餐外賣變為自己煮而已，就係咁做咗一個月，的確係瘦咗啲嘅，但我唔會視佢為一個減肥/diet 計畫，而係一個健康生活、整個lifestyle 嘅轉變計畫。減肥的話，你會有一個體重目標，係要以變瘦變輕為前提。咁嘅話其實好多方法都可以做到，例如食藥、嚴格節食、食代餐等等。但我嘅目標並唔係想追求瘦，而係想自己更有活力更健康，長遠提升生活嘅質素，例如可以更enjoy戶外活動。我黎講，脂肪減啲都唔係話唔好嘅，但我唔會盲目追求呢樣嘢，變得過於急進之類。3500卡路里= 1磅脂肪，你一日食少1000kcal，唔使4日都減到一磅，一個月減到幾廿磅都得，條數就係咁計，畀啲意志力就做到，但係呢個方法唔健康唔長遠，亦唔係我追求嘅嘢。所以我唔係減肥，亦無減肥成功，只係我生活習慣大幅度地改變咗，而身體上開始反映到出黎咁解～ lifestyle 嘅嘢係無終點的，重要嘅係個過程～