因為心情麻麻，所以post一張陽光啲嘅裸照🥵🥲 (Patreon)

今日心情真係麻麻地🥲 主要原因係探監嘅時候，對面嗰為心情都好曳，因為佢呢排唔舒服，今日仲去咗睇醫生，因為呢樣野就影響到佢心情。唔好以為好小事，一個小病，可以因為裏面嘅醫療未必好完善，而變到好大件事。如果萬一變成乜嘢大病，家人係唔可以陪伴，佢哋亦都冇自由去揀好啲嘅醫生，只能夠跟從安排…… 所以其實慘嘅唔係病，而係喺失去自由嘅情況下病，而係知道就算發生乜嘢事，都要係一個孤獨同埋冇自由嘅情況下去獨自面對🥲 喺外面，如果唔舒服，大不了休息幾日或者睇個醫生，但係喺入面就難免會諗得特別多，所以都好影響情緒。

今日探訪嘅時候，佢好幾次眼紅紅、眼濕濕咁望住我，話究竟幾時可以出返嚟🥲 搞到我當下都好想喊🥲 但係我又唔可以喊喎，冇理由兩個人喺度崩潰係咁喊㗎嘛（第一日還押嘅時候就係咁，之後都已經冇啦🥲）所以我唯有都喺度講吓笑望住佢咁啦🥲 變咗心情都唔好得去邊。

跟住一出收押所門口，攞返部電話一睇，就發現我連TG channel 都被ban（其實唔係冇咗，只係被定義為色情，要特別設定先可以睇得返，對好多人來講可能好麻煩就會唔想睇了）。我沮喪嘅位係，呢啲搞我嘅人真係好鍥而不捨，究竟係憎我憎到乜嘢嘅程度呢🙂 我一直其實只係做緊自己嘅事，冇呃冇搶，都極少（if any）走去搞人（除咗偷拍群組、非禮強姦嗰啲啦，嗰啲人人得以誅之啦），但呢啲麻煩人就成日追住我，雪中送屎。

唔知點解寫咗呢幾句之後，心情突然之間好返少少，可能因為發現自己俾人搞嘅原因極有可能係因為做過啲正義嘅事😂

由於今日心情不佳，我就破戒去咗食鹹蛋蒸肉餅飯🤣 不過嗰間快餐店啲蒸肉餅勁健康，唔肥、冇乜油冇乜鹽，都唔係我想要嗰隻味🤣 不過一體兩面啦，佢咁樣咪冇咁高卡路里🤣 之後我就去做gym，第一次重點train背脊嗰啲位，而家成個背脊都好酸痛，係好事嚟☺️🤣 然後再慢跑40分鐘，再周圍去同在囚人士買書，就拖着沮喪疲憊嘅身軀返屋企😅😅

返到去我又破戒煮咗成個麵，仲加埋啲牛肉添🤣 以普普通通嘅一日來講，今日算係我呢排食得冇咁清嘅一日🤣 因為心情唔好所以就食得heavy咗😅 不過其實計返個卡路里同埋運動量嘅話，應該都無超過標😚 我聽日要食返健康少少了😊

其實而家個方面都成日被搞，都冇乜心機寫啲長文住，可能之後穩定少少先啦。寫到呢度又覺得好多謝大家喺度支持我🥲你哋真係好好🖤