男朋友居然要求我多跟其他人xxoo？ (Patreon)

話說，喺好耐好耐之前，黃太已經覺得我嘅headcount 太少😅 冇理由一世人有過親密關係嘅人，兩隻手指都數得晒咁遺憾😅 所以，佢成日主張我多啲同其他人試吓唔同野，增廣見聞😅

咁我哋都唔係冇試過離離合合（原因唔講啦下），所以我其實都有好多機會可以同其他人試好多野；就算係同佢一齊嘅時候，佢都唔介意其他人追我，甚至唔介意我哋有更進一步（雖然最後係無嘅😅），原因係佢從我嘅角度諗，覺得我冇理由咁青春嘅時候，將自己限得咁死😅😂 （我19歲就同佢一齊）

所以話，我哋嘅關係好特別，我係從佢嘅角度諗，佢都係從我嘅角度諗，冇話自私咁樣要求對方因為自己，而要作出啲乜嘢犧牲😅😅 應該好少關係真正可以做到咁😅😅😅

但我個人唔係咁容易信人，我日日又接收好多被SP、ONS性暴力、偷拍、勒索、纏繞等等嘅個案，講真，我自己就真係唔係好敢搵SP啦，就算我想（而我其實唔係特別想😅）。

一般人理解嘅關係，可能係認識、做朋友、拖手、錫錫、摸摸、性行為，咁樣去循序漸進。認為性行為係最親密，拖手係最唔親密。

但我嘅睇法其實有啲唔同，我認為摸摸摷摷、甚至性行為，都係一啲肉體上嘅動作，滿足啲原始嘅慾望，唔係太需要付托感情同時間，做咗其實都冇乜嘢。反而喺公眾場合拖手，即係確立左關係，甚至對外宣布你哋係一對，意味着雙方至少價值觀上、性格上都係契合，係好親密嘅舉動。

只不過，我完全唔信任人咁滯，所以先咁少性經驗，而唔係因為我想攞住個貞節牌坊😂 條仔又鼓勵我，我自己又唔係覺得要守貞，其實我係有好多條件去「濫交」，但都係敗喺自我保護機制手上😅

臨入去坐之前，佢有同我講過，話叫我搵第二啲人XXOO😅 咁我都話好嘅😂 之但係講就易，一般人點會咁容易明白我哋嘅默契？萬一我真係搵，佢哋就會覺得我係背叛黃太😂 要搵一條仔做SP絕對唔難，但要搵一個我信得過、明白發生緊咩事（即係唔好以為有啲乜嘢親密關係，就代表啲乜嘢）、又唔會周圍講搞到謠言滿天飛嘅人，真係好L難。我本身又自閉，唔係好會喺現實世界同男性溝通（我絕大部份嘅朋友都係女仔），點樣可以搵到SP？😂

今日去探訪嘅時候，我都有同佢講，話我依家試吓溝仔，佢都叫我加油努力😅😅😅 其實我覺得我需要聞下男人費洛蒙，都想搵個人攬下（我是needy小動物🐷🥺），有冇「進一步」唔係重要都冇乜所謂🥲 需要呢啲舉動來解決我嘅dryness😂💜

唔知大家記唔記得，我之前喺呢度寫過好多AV分享，其中一篇應該係講我唔太鍾意女性向AV🥺 到而家我同黃太分開咗一個月，我先發現原來當時嘅我太自大。

咁多年來，就算分手或者點，就算佢激到我、傷害到我好慘，到最後又忍唔住會走番埋一齊。佢好多時都隨傳隨到，對我都好溫柔嘅。原來因為佢平時咁樣對我，所以我先覺得嗰啲女性向AV冇乜必要。但當冇咗呢樣嘢嘅時候，我就發現原來自己都係需要呢啲咁嘅感覺。

所以尋日竟然睇睇下Silk Labo（早前ig followers 推介）嘅AV，因為見到佢哋太sweet，忍唔住喊😅 （同時都有爽到😅)，真係錯綜複雜😅

請大家一齊祝我搵到個信得過嘅SP，如果真係搵到我一定第一時間（即係第二日探訪嘅時候）同佢分享😂 佢應該都會好開心😂