長髮與肉腩💜 (Patreon)

講開寄入去獄中嘅J圖，我發現好多兄弟都整咗唔少合輯俾在囚手足。無奈，佢哋揀嗰啲圖都幾大路，全部都係好年輕、好大波、腰好幼、手臂好幼、腿好幼、好白，而且P到皮膚嘅質感完全睇唔到，個樣都有少少假。

唔否認，唔少人係覺得咁樣先至吸引，但我反而就覺得，呢啲太「標準」嘅美女，又唔知佢哋背後嘅故事，只係得個軀殼，就唔係太吸引到我（唔否認佢哋好努力去維持/塑造美麗嘅形象，呢啲努力係值得認同嘅）。有時我反而鍾意睇唔係咁「靚」嘅女仔，有啲瑕疵，咁我先覺得貼地、似返個人，甚至有少少醜，唔係一定要好少布，個氣質都可以好性感。

我自己都鍾意自己比較真實嘅一面，唔使特登P到好瘦，有時候由肚腩凸出來，我覺得幾自然幾好睇😜