性感照不能送到獄中？狀況更新💜 (Patreon)

話說有樣嘢唔方便公開講，原來我之前寄入去嘅性感照，雖然尺度唔算好大，但係最後都俾懲教人員收起咗。原因係我太公開咁講話自己會寄呢啲入去～

雖然我就梗係覺得唔合理㗎喇，但之但係我都明白嘅，懲教嘅position係好尷尬：唔可以俾人感覺對囚犯太好，亦唔可以對佢哋太衰，no news is good news。我高調咁樣講會寄性感相入去，可能啲藍絲就一齊投訴、比壓力懲教署，咁佢哋都好難做。所以以後我喺呢方面都會低調少少，過一陣風聲冇咁緊，就試吓照寄，但唔會公開講。

我完全明白佢哋嘅做法，唔會抱怨。而且人質喺佢哋手上，只要唔係太唔合理嘅規矩，如果係令大家易做啲嘅，我都盡量會守～💜 事實上，我日日都見到不同嘅懲教人員，佢哋態度都好嘅，而且都尊重我哋嘅，無謂同佢哋過唔去。

呢排太忙，唔係好得閒影相。尋日終於抽咗啲時間影咗呢套相，係黃昏嘅時候有日落嘅光線。雖然係自拍，畫質就一般，但係我幾鍾意宜家呢個身體嘅狀態，個比例有少少似以前啲油畫入面嘅女仔💜 其他相會繼續喺不同tier更新💜