早晨💜 激凸運動裝💜 鏡頭後，我的壓力。 (Patreon)

咁多位寶寶們，早晨💜 呢套相我都幾喜歡，覺得色調 + 我個頭髮好襯。

實不相瞞，其實我係壓力大夾硬醒的🥲 6點鐘左右就札醒了，只係訓咗4個鐘左右🥲 呢排日日出去替ventus 打點一切瑣碎嘅事、大嘅事，又要接受傳媒採訪，仲要忍不住思考未來嘅事，經常處於繃緊狀態，有種隨時作嘔嘅感覺，而且食所有野都好似唔夠鹹咁，瘋狂落鹽🤡

以往嘅我，經常拒絕傳媒採訪，因為我唔太鍾意用自己不能控制嘅方式面對公眾。我亦唔鍾意公開談論、交代我嘅私生活，唔鍾意向陌生人展露我真實嘅生活（我喜歡展露想法/身體）。宜家，呢啲嘢全部都要日日做，都算係一種前所未有嘅突破🥲

最近成日發死亡感好重嘅惡夢，前日都發咗個， 係fastforward 去國安法初選案判刑嘅夢。

判黃碧雲先，但就居然連佢都宣判終身監禁 ：o）跟住我即刻開始透唔到氣，成個人感覺不斷向下沉，有種physically要死嘅感覺，意識開始模糊，覺得好暈好辛苦...點知去到劉生判刑，居然係45天社會服務令 :o) 雖然好膠，但嗰種死亡感、窒息感真係好真實。呢個星期已經係第三次夢中有咁嘅感覺 🥲 同之前兩次一樣，都係辛苦到要驚醒，驚醒後仲感覺心跳好重好快，呼吸困難。我生存咁耐都未試過咁，仲要一黎就發生得咁密，唔通我突然患上睡眠窒息症 ：o）有時我真係覺得我有可能無啦啦咁樣就真係死咗，好唔抵。

但理性上，我知道我只係壓力太大，應該未洗死住。剛剛6點幾醒，我播咗好耐紓壓嘅音樂，作嘔感覺係有減輕的。我仲google 其他減壓方法。雖然我EQ 上係面對到，但身體似乎有少許不太頂住到個壓力，我一定要正視、處理，先可以長遠走下去💜

咁多位早晨💜 晨早流流想表達一下，有你地喺呢個平台支持我，真好💜