縮小的胸部 - 減肥豐胸？ (Patreon)

早兩日我同朋友講，我而家想修少少身，因為個胸細咗😂 佢就問：「下？減咗肥唔係會仲細咩？」

佢有所不知了，其實胸型望落去嘅大細，同整體比例有關，自從運動靜止左、各種限聚令施加，我冇乜運動又成日用食嘢黎解悶（雖然都唔係食好多啦下），我自己搞到自己條腰越嚟越粗，所以望落胸都會細咗😅

不過講到減肥，我都曾經試過成功減十幾磅（由120減到108左右），我好清楚減肥最健康持久有效嘅方法，係每日運動。至於豐胸，其實我冇乜追求，因為基因媽媽本身俾咗我滿意嘅size。不過有時見到啲豐胸廣告、豐胸產品、減肥產品，我就覺得好好笑。

喺美容業界嘅講法下，按摩小腿係會瘦小腿，但按摩胸部就會變大個胸部😅😂 手臂有贅肉，可以鍛練手臂減咗佢，但如果想個胸大啲，又可以鍛練下胸肌😂😂

其實減肥同埋豐胸，真係冇乜旁門左道。第一睇基因，第二就係講運動同埋飲食。如果要透過什麼療程去大規模改變身形，應該只能夠靠整形手術，什麼按摩嗰啲，就算有效果其實都係臨時，輕輕去一去水腫，而去水腫呢方面做運動一定更加有效。

賣什麼豐胸療程豐胸產品，其實我覺得同詐騙都爭唔遠。都係果句，一日唔接受自己，一日無論如何都係好難完全滿意自己嘅外表💩