$1700的上衣被我穿成...抽脂手術！？ (Patreon)

之前都講過，因為Pun婚禮，我第一次去咗啲所謂高級嘅時裝店，買咗幾件貴價嘅衫（當然對比真正大牌子例如Chanel，呢度price range仲係平緊一倍甚至10倍以上😅）咁大個女從來都未試過買名牌衫，仲要一買就買咗幾件，當然要試穿俾大家睇啦😄

上圖係正常穿法，下圖就係我喜愛的穿法🤣🤣 開胸系列將會陸續upload到不同的tier😽😘

看看模特兒的演繹...跟我差很遠吧😅 我呢種身材真係好難有高級嘅質感，把衣服都配搭得降價了😂😂 不過模特兒穿起上嚟好似都降價左😂 定還是呢件衫根本唔值呢個價呢😂😂 是但啦，唔好深究😂😂 不過講真，呢件衫真實係靚過上鏡，因為質地好好、好多detail位，同埋啲鈕好靚好精緻😁

抽脂手術

今日睇睇下IG，突然見到一則廣告～ 我之前都講過，雖然我接受自己喜歡自己，但我最近都覺得自己身形應該要修一修😂😂 跟住就比我見到咁嘅廣告，

聲稱喺香港抽脂迅速減手臂幾多幾多cm！我暫時最唔滿意係背脊同埋手臂位，所以我就click左入去睇～

睇吓睇吓，我就開始搵埋其他資料，跟住就比我發現2019年尾，先有一個香港女仔因為抽脂死亡💀 仲要係豪門千金黎，相信都唔會係慳錢走去做平嘢💀😭

睇完我就決定，有乜嘢都係做運動算，或者繼續去懶，然後接受自己肥😂 做有麻醉嘅手術，始終有風險，如非必要，根本就唔值得攞條命去博😅 我試過全身麻醉做手術，係為咗割盲腸，唔割會死💀 但如果只係為咗收下個手臂、背脊，就要冒麻醉風險、承受各種後遺症，真係完全唔值得，始終條命仔先係最緊要🥺

其實佢本來嘅身材完全冇問題，根本都唔算肥🥺 如果有人可以話俾佢聽佢本來就好靚，如果個社會唔係對瘦有咁痴線嘅追求，如果社會唔係成日見到人肥少少就喺度攻擊批鬥，相信好多錢係可以慳返，好多健康係可以保留，甚至好多生命係唔需要失去😫