久違的近鏡💕 驗身報告？😮 (Patreon)

好耐冇影咁樣嘅近鏡，post返一張先💖

話說上個月，我一個中學同學撩我一齊去做全身身體檢查，咁我就同佢一齊去醫療中心做。抽血、大小便、超聲波、骨質密度....驗咗好多嘢。

今日姑娘打過嚟通知我驗身結果.....

話我要注意體重（我之前都同大家講，我最近個BMI終於超左零點幾😂），我知我嘅問題係太少運動同埋休息唔夠、有壓力，過多幾個月我搬咗屋，樓下有得做gym、居住環境闊落啲，應該可以開始改善，我都想減少少肥😄 仲有話我低血壓（呢個我都一向知道），但冇大問題，因為好多人天生係低血壓。

然後，所有肝、腎、血液、好壞脂肪指數、心電圖、骨質密度、腸、子宮....全部一啲問題都冇，好正常好健康😄 我都話我係一隻健康嘅海獅，心肝脾肺腎都好靚🤣

反而同我一齊去做嘅舊同學（大我一年， 26歲），佢身材超級標準（仲好靚，好修長、腿超級靚），而且每個禮拜都至少做幾日運動，仲接近食素...但佢居然高膽固醇，而且骨質密度偏低....😅😅

我一早都講咗，我知道自己係健康果一邊，而且知道自己天生係肉底，並唔影響健康。就算我依家終於超咗少少BMI （以前一直係標準範圍，但已經不斷俾人攻擊肥😂），都只不過係少少，零點幾，唔會亦證實冇令到我其他身體狀況出問題（要肥到影響健康，講緊係要超多啲）。嗰啲用健康理由嚟攻擊我肥嘅人，好心真係顧下自己先😅 我就算係肥，都遠遠未肥都係會影響健康嗰一隻， 而且事實證明我係健康💕 唔單止身體，精神都好健康，我身心都好康泰😂🥰💖